سلسلة خفايف (8)..........الحل: بقشة.....قش......حله:راعي العجراء

[عدم الانحياز]

بسم الله الرحمن الرحيم
السلام عليكم ورحمة الله وبركاتة
الــــى الأحــبــة فــــي هــــذه الـخـيـمـة الـطـيـبـة
............


<÷><÷><÷><÷><÷><÷><÷><÷><÷><÷><÷><÷><÷><÷><÷><÷><÷><÷><÷><÷><÷>
*****
.................................................. .................................................. ......
انشدك عن بنتٍ ولدها وسطها
من فوق روس الخلق راحت تزاجل
ياكثر ما فيها وخلطٍ خلطها
راعي لزومٍ جاك مرك وعاجل
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^^^^^^
******************ودمتم سالمين*****************

[ناصر العلي]

وعليكم السلام ورحمة الله وبركاته
سلمت ياابوحمد
وصح لسانك
محاولة
مايصير
الميكرفون او الصيتي فوق الدورية او سيارة الاسعاف

[ابو ماجد 2]

صح لسانك يامثرينا ببديعه
ماتكون هاللي دايما عند المحطات والطلبات وانت بالسياره وولدها البائع

http://i849.photobucket.com/albums/ab53/linguacoffee/kiosk.jpg

[عدم الانحياز]

وعليكم السلام ورحمة الله وبركاته
سلمت ياابوحمد
وصح لسانك
محاولة
مايصير
الميكرفون او الصيتي فوق الدورية او سيارة الاسعاف


الله يحييك يابوعلي
سلم راسك وكلك يالغالي
وين نودي (يتزاجل) والولد اللي في الوسط
دمت بخير

[عدم الانحياز]

صح لسانك يامثرينا ببديعه
ماتكون هاللي دايما عند المحطات والطلبات وانت بالسياره وولدها البائع

http://i849.photobucket.com/albums/ab53/linguacoffee/kiosk.jpg



هلا يالقدوة وحياك مولاك
صحت حياتك الله يسعدك ما عليك زود
ما كل ما ارتفع فوق الروس فارقها او ابعد عنها ويتزاجل ليتك تتخيله
وهو اللي يجيك ما تروح له - انا متأكد انه مر عليك ما بها نشده
دمت بخير

[راعي العجراء]

صح السانك يابواحمد

وصبحك بالخير

الرساله والطابع البريدي

او

الطائره الحربيه والطيار

[.غيور]

صح لسانك واعتلا شانك ياابواحمد
صبحك الله والجميع بالخير
ماتصير السحابه اوالجفن والعين

[عدم الانحياز]

صح السانك يابواحمد

وصبحك بالخير

الرساله والطابع البريدي

او

الطائره الحربيه والطيار


الله يحيي نباك ياراعي العجراء
وصحت حياتك يالغالي وصباح الجوري بو ندى
انا بغيت في ردي على الزعيم والدكتور اقول لو رمعتوا طيارة يمكن اقرب من هالرمعات
لكن افطن للشطر الاخير - وانت انا متأكد انك لحقت عليه
دمت بخير

[عدم الانحياز]

صح لسانك واعتلا شانك ياابواحمد
صبحك الله والجميع بالخير
ماتصير السحابه اوالجفن والعين


ياهلا بخوي الفاضل الغيور
صحت حياتك والله يرفع قدرك عند مولاك
ويسعد صباح المصبح بكل ما يسر قبله وينفع حياته
ولدها في وسطها وفوق مرتفعه اما ان تكون طياره او ان الولد في الوسط كتابة
دمت بخير

[ذيب الفقارة]

وعليكم السلام ورحمة الله وبركاته

صح لسانك شاعرناأبو أحمد

.......................

ماتنفع :

لمبة السقف والافيوز ولدها

تحياتي

[عدم الانحياز]

وعليكم السلام ورحمة الله وبركاته
صح لسانك شاعرناأبو أحمد
.......................
ماتنفع :
لمبة السقف والافيوز ولدها
تحياتي

ياهلا والله يحييك يابوعدنان
والله يسعد صباحك بكل خير مشرفنا القدير
صحت حياتك وكلك لاحظ الشطر الاخير ومطلوبنا يالغالي بنت ولدها في وسطها كتابة
اما اللي في الشطر الاخير فانا متأكد انه مر عليك
علماً ان بنتنا تستخدم معه ومع غيره لكنه مشهور بها لتخصصه
دمت بخير

[ذيب الفقارة]

طيب ما تكون الطواقي القديمة اللي يجيبونها الحجاج

ومكتوب عليها مثلا حج مبرور

[راعي العجراء]

طيب يالغالي

ماهي العليقه اللي مربوطه بالسقف (ثلاجة الاولين) والزاد هو ولدها

[عدم الانحياز]

طيب ما تكون الطواقي القديمة اللي يجيبونها الحجاج

ومكتوب عليها مثلا حج مبرور


طاب فالك يابو عدنان
مطلوبنا بنت اذا كتبناها نجد ان اسم ولد اللي اكتسبت الاسم بسببه ها يندرج وسطها
ثم ميزنا البنت عن غيرها باوصاف وقلنا
تجي فوق الروس - تشوفها وهي تتزاجل (تتارجح) - فيها اشياء كثيره ومخلطه - خلطها راعي حاجه يمرك وهو على عجل
اصعب ما في اللغز ان هذا اللي استخدم بنتنا قد يعرفه البعض وقد لايعرفونه علماً ان بنتنا مستخدمه قديماً
لدينا من قبل الجميع - اما حالياً فشبه مندثر وقد تكون موجودة في المجتمعات من حولنا
دمت بخير

[عدم الانحياز]

طيب يالغالي

ماهي العليقه اللي مربوطه بالسقف (ثلاجة الاولين) والزاد هو ولدها


ما صابت - يمرنا ياراعي العجراء الله وكبر يالعود نسينا اللي ينادي ........ ، ......... ، .........
دمت بخير

[راعي العجراء]

القربه والماء ولدها ويمرها السقاء يعبيها ماء وهو عجل

[راعي العجراء]

قد تكون بقشة فرقنا

[عدم الانحياز]

القربه والماء ولدها ويمرها السقاء يعبيها ماء وهو عجل


اجمل رمعه - لكن القربه ما تشال على الراس وولدها ما هو في وسطها كتابة
الله يرحم سعداء - كانت تروي لنا الماء الله يسكنها فسيح جناته وذريتها
دور غيرها وابعد عن الماء
دمت بخير

[عدم الانحياز]

قد تكون بقشة فرقنا


صحت حياتك ياراعي العجراء وسلم فكرك وراه وراه لين طرحته عشت والله
نعم الحل هو
بقشه - قش

كفو كفو كفو كفو كفو كفو كفو كفو
كفو كفو كفو كفو كفو كفو كفو كفو كفو كفو كفو كفو
كفو كفو كفو كفو كفو كفو كفو كفو كفو كفو كفو كفو
كفو كفو كفو كفو كفو كفو كفو كفو كفو كفو كفو كفو
كفو كفو كفو كفو كفو كفو كفو كفو كفو كفو كفو كفو
كفو كفو كفو كفو كفو كفو كفو كفو كفو كفو كفو كفو
كفو كفو كفو كفو كفو كفو كفو كفو كفو كفو كفو كفو
ودمتم سالمين

[راعي العجراء]

كفوك الطيب يابو احمد

وصح بدنك مرات عديده

دمت بخير

[ذيب الفقارة]

كفووووووووووووووو كفووووووووووووو كفوووووووووووووو

حبيب الكل

راعي العجراء

الحل هو كما ذكرت :

بقشة ......... قش

وصح لسانك ملايين شاعرنا المبدع

أبو أحمد

تحياتي

[راعي العجراء]

كفوك الطيب ياجدي ابو عدنان

وصح بدنك

دمت بخير وعافيه

[.غيور]

كفو ثم كفو ياراعي العجراء ..
وتسلم ياابواحمد... لكن وين جبت هالفكره عزالله انك مانتب سهل. .
واللي مايعرف البقشه ترى هي قماش وتجي مقاسات يعني اللي قشه كثير وللي قشه شوي المهم انه يجمع هالقش في القماش ويربطه ثم يرزه فوق راسه ويسري محل مايبي اما انه يبيع والا مسافر

[عدم الانحياز]

كفووووووووووووووو كفووووووووووووو كفوووووووووووووو
حبيب الكل
راعي العجراء
الحل هو كما ذكرت :

بقشة ......... قش
وصح لسانك ملايين شاعرنا المبدع

أبو أحمد
تحياتي

الله يلون حياتك بكل زين وطيب يالذيب - لا خلا وعدم
دمت بخير

[عدم الانحياز]

كفو ثم كفو ياراعي العجراء ..
وتسلم ياابواحمد... لكن وين جبت هالفكره عزالله انك مانتب سهل. .
واللي مايعرف البقشه ترى هي قماش وتجي مقاسات يعني اللي قشه كثير وللي قشه شوي المهم انه يجمع هالقش في القماش ويربطه ثم يرزه فوق راسه ويسري محل مايبي اما انه يبيع والا مسافر


يستاهل راعي العجراء وسلمت وغاليك يالغيور
لا بالله ما ني بسهل كيف سهل :) والله يسعد قلبك على الايضاح :good2:
وعلى فكرة ترى اللي له نيه ولا ناوي يسوي لغز ويبي فكره مستعد اتبرع له ;)
دمت بخير

[ابو ماجد 2]

صح لسانك يامثرينا ببديعه
وكفووووووووو ياراع العجراء
مع الاسف الشيب له دو والا هاللغز كد حطيت على فكرته لغز فالمفروض يتبادر لذهني حله لكن بدت بالذهن سجات
منشدي بنت رايته مع عجوز = ون سألتن قلت . وش تبغابها ؟
قلت لك . هالبنت تلقاها تحوز = لاقطعت الراس بين مابها

[راعي العجراء]

كفو ثم كفو ياراعي العجراء ..
وتسلم ياابواحمد... لكن وين جبت هالفكره عزالله انك مانتب سهل. .
واللي مايعرف البقشه ترى هي قماش وتجي مقاسات يعني اللي قشه كثير وللي قشه شوي المهم انه يجمع هالقش في القماش ويربطه ثم يرزه فوق راسه ويسري محل مايبي اما انه يبيع والا مسافر


كفوك الطيب يالطيب

وصح بدنك

قش بالبقشه والا قش من البقشه اللي يصلح لك