استشاره ضروريه لاهنتم

[نواف685]

السلام عليكم ورحمة الله وبركاته
يالربع عندي فتك وطلعت معي مشكله اللي هي
اذا لفيت الطاره يمين فقط وانا ماشي وداعس يطلع صوت تحت رجولي لي صوت احتكاك وطقطقه حديد بحديد وغيرت القطع التاليه ولانفع
١-دبلت جلد لكراسي البدي كاملات ومانفع
٢-غيرت كراسي ماكينه ولانفع
٣- غيرت جلد المقصات. لانفع
وكل مااوديه لمكانيكي يقولي السياره مافيها شي والمشكله ان الصوت واضح اذا لفيت يمين ودعست

[أبو صاروخ]

شد براغي البدي والله اعلم

[ابوراكان تبوك]

ممكن من الشكمان تفقد جلدته

[يالبى الهلا]

تأكد من شيال الدفرنس الأمامي والقطعة التي تمسك الدفرنس بالشاص او جسم السيارة

[.أبوأحمد]

الله يعينك اخوي

[ابوسند9]

وعليكم السلام
تاكد من كراسي القير
وتاكد من مواصير الكنداسه والدبه لاتكون تدق في شي
كذلك شوف االرباطات الاماميه االممتده من الدفرنس الامامي وراجعه للخلف بجانب القير وراكبة با الشاص ,
هذي اللي بالخلف ,كل ذراع فيه عدد2 ربله شيك عليها لاتكون متأكله ,وهنا اقصد الربلات الخلفيه وليس اللي بالدفرنس
كذلك تاكد من قواعد الياي الامامي
واذا بنفسك ما بحثت عن المشكله الورش راح تتعب معهم وتغير وتغير دون نتيجه

[نواف685]

بيض الله وجيهكم ياخوان
ابشوف اللي دليتوني عليه وان شاء الله تنتهي هالمعانات