حملة لمقاطعة أجهزة GarMin إلى أن يتم توفير مراكز صيانة

[saadoon]

السلام عليكم ورحمة الله وبركاته

تحية طيبه وبعد :

عندي جاهز Nuvi 2555 خرب فيه المنفذ حق الشاحن ورحت لصيانة دار موجة على طريق الملك فهد وصلحوه لي بـ 100 ريال بعد 6 شهور خرب ثاني مره وذهب لصيانة قارمن اللي بين مخرج 12 و 11 وبقى الجهاز عندهم أسبوع في الأخير قالوا لا يتوفر لدينا منفذ وش الحل ؟ قالوا ناخذ الجهاز بـ 100 ونعطيك جديد وتدفع الفرق :mad:

أنه الجشع والطمع يا ساده علماً بأني كنت أستخدم الجهاز في أمريكا ويوجد لديهم صيانة لجميع الخرابات حتى البطارية يغيرونها لك لو قل آداءها على الضمان لو ساري وإذا ضمانك منتهي تدفع تكاليف الإصلاح مع سعر البطارية وإذا الجهاز تالف والسبب عيب مصنعي يبدلونه لك

أتمنى من المشرفين عدم حذف الموضوع لأن المقصد منه حماية المستهلك من الوكلاء الحصريين والإستغلاليين بحجة عدم توفر قطع غيار مع أنها متوفرة لدى نفس وكلاء الشركة خارج السعودية

[عبهل]

اسوا وكيل دار موجه وماخذ سمعه ع الفاضي وغالي مررره

خذت منه موقف وحلف ماعاد اشتري منهم

السالفه ان شريت من موزع تابع لهم قارمن 65 واول ماشغلته بموتري طلع فيه 3 نقطه صغيره خضراء ( يسمونها بكسلات ميته ماتشتغل )

المهم وديته لهم ورفضو بحكم مايبدلونه الا اذا فيها 7 نقط وفوق والنقطع الي فيه طبيعيه تلاقت انا وياهم وهددتهم بوزارة التجاره ولاهز فيهم شي المهم دقيت ع الموزع قلت ياترجع لي فلوسي او تستبدل لي الجهاز او بيني وبينك انت ودار موجه وزارة التجارة ولن اتنازل عن 1 % من حقوقي

الرجال تفهم وقال تعال خذ دراهمك

الي قهرني بالموضوع ان مسؤل الصيانه سوري مدري لبناني جاي للاستقبال ولاعطاني وجه ولا قالي وش تبي تطنيش

قالهم وهو قدامي ولاتعب نفسه وكلمني ( رجع الجهاز له وقاله مافي استبدال ولا اصلاح وعطاني ظهره )

بالله وش احقر من هالتعامل !!!!!!

انا واحد حلف مااشتري منهم ابدآ

[shahr1990]

طيييييب ليش ما كلمت وزارة التجارة