سؤال لي أصحاب الفتك

[ابوأحمد.....]

السلام عليكم اخواني
عندي فتك 4800
فيه شنبر
وش أفضل ورشة بالرياض
وكم يكلف حوالي التوضيب

[ابوسند9]

وعليكم السلام
ابو احمد كيف عرفت انه فيه شنبر؟
ارجو ان تذكر المشكله بشكل مفصل من شان افيدك انا والاعضاء با التكلفه وبكل شي

[ابوأحمد.....]

هلا اخوي ابوسند
وديته لي الورشة
قال ادعس آخر شي يوم دعست طلع دخان أزرق قال هذا شنبر
والموتر ينقص زيت

[abod 222]

وعليكم السلام
اخوي لاتستعجل في التوضيب اول شي الزيت الى تستخدمه خفيف 15w30 هاذا مايصلح للفتك لانه مكتوب في كتيب الوكاله الزيت الموصي به لدول الخليج 20w50 هاذا مناسب للفتك واذا كنت تستخدمه والسياره تدخن مافيه مشكله السياره يمكن تمشيك 6 او سبع سنوات لاكن عاير الزيت بشكل دوري ونصيح لاتفك المكينه لانك بتدخل في متاهات ومنت لاقي ورشه تشتغل صح وبتصير شغلتك الصناعيه رايح جاي لاتفك المكينه ولا تقربها الا اذا قالت هاذا محلي ولاعاد اشتغلت

[جنيفاوي 503]

السلام عليكم
تاكد اول يمكن فيه جلد بلوف

[ابوسند9]

هلا اخوي ابوسند
وديته لي الورشة
قال ادعس آخر شي يوم دعست طلع دخان أزرق قال هذا شنبر
والموتر ينقص زيت
انت ماعليك من الدخان , انت عليك من العيار , وانا معك كلام الاخ العضو abod 222
لذا جرب الطرق التاليه
استخدم زيت الترا سفن 6.5 لتر بدون سيفون, و6.8 لتر مع السيفون والى 7 لتر مافيه مشكله وامش فيه الى 8 الاف كيلو ماعندك مشكله
بعد ممشى 4000 كيلو اسحب العيار وشوف ويفضل الصباح
واذا عندك كتالوج السيارة شوف صفحه 8-11 فية رسم للعيار والمقياس الصحيح
ونا برسم لك العيار كالتالي
H l -------- l L
راس العيار هو حرف L
اذا الزيت في اي مكان من الخط المقطع فالوضع طبيعي
واذا الزيت بين حرف L و l فهو ناقص اي بعد l
واذا الزيت بين حرف H وl فهو زائد
الشي الاخر جرب بدل بلف تبخير الزيت ب 50 ريال فا احينا يتعطل ويخرج الزيت ويكون هناك دخان
اما شغل الشنبر فيه ورش يكلفك حدث ولا حرج ويغير كل شي بالمكينه وهو بالاساس سليم
والشنبر يكلف من 3000 الى 4000 ريال هذا بورش متخصصه بالقصيم ومهندسين سعوديين اما بالرياض مافيه ورش عليها الكلام
لذا انت لا تستعجل وطبق ما ذكرته لك

[ابوأحمد.....]

الله يجزاكم خير جميعاً
راح اجرب الزيت التر سفن
وراح اغير بلف تبخير الزيت