أرغب في شراء جهاز ملاحة بماذا تنصحونني ؟

[البحرواي]

السلام عليكم ورحمة الله وبركاته
يإخوان أرغب في شراء جهاز ملاحة للسيارة لإستخدامه داخل وخارج السعودية
فما هو الجهاز المناسب في رأيكم ؟

[طير شلوا]

من وجهه نظرى وقد يخالفنى فيها البعض

جهازنوفى 3597 ونوفى 3598

الجهازين تقبل الخرائط المكركه وهما الافضل والاحدث اذا كانت ميزانيتك من 1400 الى 1700 ريال حسب البائع

الجهاز نوفى 255 او نوفى 205 الاجهزه انتاج قديم ولكنها ذات تحمل عالى اذا كانت ميزانيتك بين 500 الى 700 ريال

[البحرواي]

وين تباع ؟

[مكشاتي مدني]

اخوي اذا تبي نصيحتي انت كبداية خذ لك نوفي 52 جهاز قديم وممتاز وبسعر 450 ريال عند الدولية لاجهزة الملاحة مخرج 12 الرياض في عمارة السنيدي للرحلات والسيف غاليري وفية خرائط الصحراء والشرق الاوسط والخليج واذا تبي اوروبا وامريكا تدفع فرق 50 ريال شريحة ويركب خرائط امريكا الشمالية واورباويشتغل في اوروبا وامريكا واذا ميزانيتك تسمح خذ لك افضل جهاز نزل موديل 3597 وبالتوفيق

[عبهل]

خذ لك موديل 65 حجم الشاشه مناسب 6 انش

استخدمته بالمانيا والنمسا واستخدمته داخل السعودية ومن افضل مايكون سعره حدود 750 ريال ويجي معه خرايط الصحراء والشرق الاوسط وحقت اوروبا بـ 40 ريال

من العامه ومع ضمان بعد

ويجل محل اي جهاز جي بي اس

[عبهل]

العامه مخرج 12 عمارة السيف ع الشارع العام

[الولد الطيب]

داخل المدن والطرق السريعة وغير السريعة يخدمك الجوال سواء جلكسي أو أيفون.

جهاز الملاحة يخدم داخل المدينة وفي البر وفي البحار أيضا.

من واقع تجربه..

[xsalehx]

اذا انت مو من هاوين البر وترغب بجهاز ملاحه لسفر
فانصحك ببرامج الملاحه الموجوده بالجوال
تقنيه افضل وسهوله بالاستخدام
وارخص لك بالسعر
تحصلها ب200 ريال