فهد العياضي خ
14/10/2015, 06:45 AM
متى بامر ربي يسوق المخيله= لديار قومٍ يكسبون الجمالات
وتهـل مافـيـها ثـلاثـيـن لـيـلـه =متواصله مابين صاره وأبانات
ويجيك حادر كل شعبٍ بسيله=ويروي ظما أرض يبست ونبتها مات
ماهيب لاصعبه ولا مستحيله=على عظيم الجود رب السماوات
الواحد اللي كلنا نشتكي له=يرزق عبادٍ مالها إلا الدعوات
وتلقا الحيا مابين حمض وشتيله=تصير صحراها من العشب غابات
صوت المطر يبري النفوس العليله=اللي يضايقها من الوقت ضيقات
وتشد كل البدو حتى تجيله=وترعي رعاياها بها كل الاوقات
أهل الكرم وأهل الوفا والفضيله=اللي لهم فالمرجله فعل وإثبات
هذا وأنا من روس قوم وقبيله=ربعي صناديد الرجال العياضات
فهد خالد العياضي
وتهـل مافـيـها ثـلاثـيـن لـيـلـه =متواصله مابين صاره وأبانات
ويجيك حادر كل شعبٍ بسيله=ويروي ظما أرض يبست ونبتها مات
ماهيب لاصعبه ولا مستحيله=على عظيم الجود رب السماوات
الواحد اللي كلنا نشتكي له=يرزق عبادٍ مالها إلا الدعوات
وتلقا الحيا مابين حمض وشتيله=تصير صحراها من العشب غابات
صوت المطر يبري النفوس العليله=اللي يضايقها من الوقت ضيقات
وتشد كل البدو حتى تجيله=وترعي رعاياها بها كل الاوقات
أهل الكرم وأهل الوفا والفضيله=اللي لهم فالمرجله فعل وإثبات
هذا وأنا من روس قوم وقبيله=ربعي صناديد الرجال العياضات
فهد خالد العياضي