قصتي مع طيري

[أبو العنود1]

السلام عليكم ورحمة الله وبركاته

عندي طير حر مثلوث
الطير خذيته العام وحش
المهم الطير نزر في غالب الوقت والنقل نقلناه من شهرين لليوم وهو ماعمره نزل من الدس يومين زي العسل وايام يسحب علي سيفون قلنا يمكن الطير صنيع ونزلته ويلعب شلو زي الحلاوه واهده على حمام مسمار مايتحرك امس هديته على مريعي نقل لين غثني ودعيته على ملواح ولا همه قمت برقعته وفوته واليوم دعيته على الملواح سحب علي وطار وضيعته ولقيته بسبت ابو حقب يطقه دلني عليه وبرقعته ومااعلفته وش رايكم انا سمعت ان المثلوث مزاجي ونزر هذا عيبه هل صحيح او فيه مشكله بي مع اني رببته احلى شي وكان معي زي الحلاوه فجاه صار يغث

[عابر الموج]

حياك الله يابوالعنود
المثلوث فعلا نزر من خلال التجارب اذا جت ريشة المثلوث حمراء افضل من غيره من حيث الولف
ثانيا لاتهد الطير على المريعي لان جميع الطيور تنقل لخفة ذلك
بالتوفيق ان شاءالله

[أبو فااارس]

ماحد يقدر يحكم على وضع الطير يابو العنود المثلوث طبعه صلف ماهو نزر بعدين اي طيرر يهد على المريعي ينقل وفيه طير مايجي على الدعو يعني مايلعب على الملواح هدد حمام بس وهذا مايعني ان الطير نزر وترى مفهوم النزاره فاهمينه الناس بشكل خاطئ الطير اللي يكفخ وينقل ويشابط ويكوش هاذا يقال طبعه كذا وكذا تسمى عذاريب فيه النزر هو اللي يحوم وانت قاصر له واذا افلس من صيدته حام وغدا وماتطرحه الا بشبكه هذا النزر