المساعد الشخصي الرقمي

مشاهدة النسخة كاملة : اصحاب الباثفندر القير عادي خدمه لو تكرمتوا ...


محب التطعيس
13/01/2007, 08:20 PM
معي باثفندر 2005قير عايدي وعندي مشكلة بالحراره مره ترتفع ومره تنزل يعني مره ترتفع الى الخط الثاني من تحت واحيانا ترتفع فوق الخط بشوي .. احد الشباب معه باث 2005يقول انها تاصل بين الخطين الاول والثاني بالاوقات هذي داخل البلد .. طبعا انا اتكلم عن القير العايدي بالاوقات هذي
هل الحرارة طبيعيه وتراني اتكلم عن الموتر بدون الدبل وانا في الرياض

ياليت اللي معهم باث قير عايدي 2005 يخبرونا وين تاصل الحرارة داخل المدينه



وفي الاخير اشكركم
عبدالرحمن
13/01/2007, 11:16 PM
مثلك وانا اخوك ترتفع للربع واحيانا فوقه شوي و في مشوار ثاني على اخر خط تحت ما اعرف لها سبب لكنها ما تتعدى المستوى هذا

يعني ما توصل النص
بوخالد@550@
13/01/2007, 11:35 PM
السلام عليكم
مساكم الله بالخير
بنسبة للموضوع انا عندي باث فندر 2003اذا بصيف فوق الربع بشوي اذاكنت جاير عليه في الخط بس في الديره على الربع وشوي يعني ماتوصل الى الشرطه الاوله من تحت والظاهر انه طبيعي
ودمتم
محب التطعيس
13/01/2007, 11:50 PM
الاخوان : عبد الرحمن , بوخالد 550 : اشكركم على الايضاح وبالنسبه للقير هل هو عايدي
الاخوان الاعزاء : الخط الاول اللي عليه حرف c الخط الثاني اللي بعده , الحراره عندي تصل حد الخط الثاني وترتفع شوي داخل البلد في الوقت هذا البرد , سالت واحد معه 2004 يقول انها بين الخطين الاول والثاني وماكد وصلت الخط الثاني في هالوقت غريبه والقير طبعا عايدي
محب التطعيس
14/01/2007, 07:39 PM
ياليت من يفيدنا اكثر
abo naser 21
14/01/2007, 08:03 PM
أنا يالغالي ...
بالصيف فوق الخط بشوي ...
أما بالشتاء .. فعلى الخط مباشرة ..

أتمنى أني أفدتك ..
باثفندر
14/01/2007, 10:38 PM
انا معي عادي بالصيف وانا واقف تاصل فوق الخط التحتي بشوي اما في الشتاء على الخط او مع المشوار تحت الخط وهذا الطبيعي اما اذا تعدت النص شيك الموية او البلف او المروحة .
مجتهد***
14/01/2007, 11:08 PM
الحرارة عادية

ما فيها أي مشكلة
محب التطعيس
16/01/2007, 07:21 PM
الاخوه : ابو ناصر : اي خط لوتكرمت تقصد الاول او الثاني
باثفندر : بالشتاء هل تاصل الخط الثاني
مجتهد : اتوقع انها ماهي عايديه والدليل اختلاف الاقوال عند الشباب وهذا يعني ان هناك خلل ما وهذا اللي انا اسعى اليه بمشاركتكم .

شاكر لجميع الاعظاء الذين شاركونا
وبانتظار المزيد