بخصوص طرمبة الزيت فائدة للجميع والعبرة أيضاً

[الداهي]

السلام عليكم ورحمة الله
أخواني حصل لي خلل بسيط في موتري وخسرت المكينة والخراب كان بسيط جدا بشرح لكم وش حصل
موتري تويوتا أفالون كنت أمشي على الخط السريع والأمور تمام و الوضع طبيعي
ولعت علامة الزيت في الطبلون ومباشرة طفيت الموتر ووقف تصرفي سليم مئة بالمئة المهم وافتح الكبوت وأشوف الزيت مهو ناقص مضبوط وشوف تحت السيارة قلت يمكن فئة تهريب ولا شي وأيضاً مافية شي قلت أكيد علامة الزيت معلقة الزيت مهو ناقص ولا يوجد تهريب المهم وأشغل الموتر وأمشي شوي وإلا صوت الكرنك والبلوف وكل مالها تزيد دريت أن المكينة خلاص راحت
المهم المشكلة طلعت من شخال الزيت اللي في الكارتير مسكر والزيت ما يرتفع الى أجزاء المكينة
لين ضربت المكينة
وأنا أنصح لكم بالتالي
1 لاتتأخر في تغير الزيت
2 أختيار زيت جيد أنصح بزيوت بيترومين
3 تركيب فلتر زيت أصلي
4 كل 50 ألف كيلو فك الكارتير وأغسلة مع شخال الزيت مضبوط
مايكلف عليك 200 ريال وخلها صيانة دورية للمحرك
وبالطريقة ذي تحافظ على سلامة ونظافة المحرك
وأسمحوا لى على القصور

[يالبى الهلا]

اللة يعوضك خيراا نصائح طيبة فعلا مشاكل السيارات من الزيوت
بس ابااعرف نوع زيت سيارتك هل هو ثقيل او خفيف ووكم المسافة بالكيلوازلتغيير زيت سيارتك

[الحربي 591]

هذا اللي انا صار لي

وانكسر واحد من التكايات :)
والسبب عدم تغيير الزيت في الوقت المناسب وماهو نفس الزيت المسجل

ماقصرت يا اخوي الغالي

[ابوراكان تبوك]

جزاك الله خير على التنبيه

وطريقه تنظيف الكرتير اغلبنا بل كلنا نهملها

بس لفت انتباهي وجود شخال في الافالون وكنت اعتقد انها تروس
هل رايت ذلك بنفسك ممكن الطرمه قفلت

انتظر ردك بخصوص الشخال اخي حتى تكون عندي معلومه

[1824]

اخواني علامة الزيت ليس نقص الزيت انما ضعف ضغط زيت المحرك وخصوصا اذا صاحبها طقطقة ولو بسيطه أوقف السيارة فورا وشيلها بسطحه واصلح المشكلة بالتوفيق لكم والله يحفظكم

[الداهي]

أبو راكان كيف الحال
شوف الرابط وفيه صورة الشخال اللي أقصد
http://www.mekshat.com/vb/showthread.php?t=594975

[الداهي]

http://www.mekshat.com/vb/showthread.php?t=594975

[مجالس الرجال]

اخوي الزيت اللي تحطه خفبف او ثقيل

[عبدالله فهد1]

كلكم غفلتو عن شي وهو اساس المشكله اللي هو الفلتر او السيفون
اغلب الناس ماتغيره الا بعد تغيرتين من عند البنشروالمشكله اللي في البنشر في الغالب ليس اصلي مضروب وكذا شخص خبطة مكينته بسبت السيفون اعرفهم شخصيا ذا فك الكرتير حصل الشخال حق الطرمبة متقفل كن عليه سمنت
الاصلي حق الوكاله يقولك هذا حق 5 الاف كيلو او 10 وتغيره حق البنشر ابو كلب الشباب مايغيرونه الا بعد ثالث تغيره يكون ورق الترشيح اللي داخل الفلتر تفتت ومشى بمجاري الزيت .
اناشخصيا كل تغييره بفلتر من محل وكيل معتمد خذ 4 سيفونات اصليه وغير كل 3500 كيلو وريح راسك ومكينتك بإذن الله نضيفه من الرواسب اللي تقفل عليك الشخال وللمعلوميه فيه بعض السيارات فيها برضه شخال في الراس فلتر صغير
فالزيت لو طول دام فيه لزوجه بيمشي لكن الفلتر مشكلته يتفتت الورق اللي داخله
وترى تغيير الزيت مايبي شي لكن حنى فينا كسل ** فك السره ورح تقهو لين خلصت فك السيفون وركب جديد وعب زيت وبس تكون صنت موترك بنفسك ووفرت ممكن 50 ريال خصوصا اللي يحطون زيوت غاليه تحصلها عند الموزع بنص القيمه .
واسف على الاطاله ,,,

[ابوراكان تبوك]

كلكم غفلتو عن شي وهو اساس المشكله اللي هو الفلتر او السيفون
اغلب الناس ماتغيره الا بعد تغيرتين من عند البنشروالمشكله اللي في البنشر في الغالب ليس اصلي مضروب وكذا شخص خبطة مكينته بسبت السيفون اعرفهم شخصيا ذا فك الكرتير حصل الشخال حق الطرمبة متقفل كن عليه سمنت
الاصلي حق الوكاله يقولك هذا حق 5 الاف كيلو او 10 وتغيره حق البنشر ابو كلب الشباب مايغيرونه الا بعد ثالث تغيره يكون ورق الترشيح اللي داخل الفلتر تفتت ومشى بمجاري الزيت .
اناشخصيا كل تغييره بفلتر من محل وكيل معتمد خذ 4 سيفونات اصليه وغير كل 3500 كيلو وريح راسك ومكينتك بإذن الله نضيفه من الرواسب اللي تقفل عليك الشخال وللمعلوميه فيه بعض السيارات فيها برضه شخال في الراس فلتر صغير
فالزيت لو طول دام فيه لزوجه بيمشي لكن الفلتر مشكلته يتفتت الورق اللي داخله
وترى تغيير الزيت مايبي شي لكن حنى فينا كسل ** فك السره ورح تقهو لين خلصت فك السيفون وركب جديد وعب زيت وبس تكون صنت موترك بنفسك ووفرت ممكن 50 ريال خصوصا اللي يحطون زيوت غاليه تحصلها عند الموزع بنص القيمه .
واسف على الاطاله ,,,

يابو فهد حتى انا ماشي ع القاعده اللي انت تقوله من 7 سنوات ما اغير الزيت الابسيفون حتى يكون كله جديد

السيفون وما ادراك ما السيفون يقول لك ابو يمن عندي سيفون اصلي وكاله بـ 25 وهو وارد الامارات وفيها الصالح والطالح زي الصيني متفاوت الجوده حضك نصيبك
بينما السيفون الاصلي من بطن الوكاله بـ 15 ريال وكان بـ 13

زيوت اسي ديلكو كنت اخذها لماليبو من نفس الوكاله بـ 23 بينما عند ابو يمن بـ 35 وقد صار لي موقف مع بنشر بعد ما فك صرة زيت الموتر سألته عن السعر وقال 35
على طول رحت لموتري وطلعت له الفاتورة اللي بـ 23 وقال ممكن السعر تغير قلت اوكيه السعر ممكن تغير وهاذي الف ريال رهان انه الزيت سعره ويالله معي للوكله قريبه تغير قعد يلف ويدور ماهو معبي زيت بـ 23للعلبه
قلت يا انك رجال ترد الزيت اللي فكيته نظيف :D او تعبي لي بالسعر المضبوط



فيه نقطه الجميع غافل عنها وهو توقيف السياره بالزيت المنتهي فترات طويله اكثر من اسبوعين او شهر هذا تقفل الطرمبه ماتكمل عمرها الافتراضي وهو المفروض فوق 400الف
واعرف اصحاب جيوب شخصيا فكو مكاين ماكملت 300الف بسبب الوقوف قال موتر بايكه

موتر البايكه هو اللي تخاف من مكينته كل الجلد اللي فيه ناشفه وتعال رقع بعده

[يالبى الهلا]

يابو فهد حتى انا ماشي ع القاعده اللي انت تقوله من 7 سنوات ما اغير الزيت الابسيفون حتى يكون كله جديد

السيفون وما ادراك ما السيفون يقول لك ابو يمن عندي سيفون اصلي وكاله بـ 25 وهو وارد الامارات وفيها الصالح والطالح زي الصيني متفاوت الجوده حضك نصيبك
بينما السيفون الاصلي من بطن الوكاله بـ 15 ريال وكان بـ 13

زيوت اسي ديلكو كنت اخذها لماليبو من نفس الوكاله بـ 23 بينما عند ابو يمن بـ 35 وقد صار لي موقف مع بنشر بعد ما فك صرة زيت الموتر سألته عن السعر وقال 35
على طول رحت لموتري وطلعت له الفاتورة اللي بـ 23 وقال ممكن السعر تغير قلت اوكيه السعر ممكن تغير وهاذي الف ريال رهان انه الزيت سعره ويالله معي للوكله قريبه تغير قعد يلف ويدور ماهو معبي زيت بـ 23للعلبه
قلت يا انك رجال ترد الزيت اللي فكيته نظيف :D او تعبي لي بالسعر المضبوط



فيه نقطه الجميع غافل عنها وهو توقيف السياره بالزيت المنتهي فترات طويله اكثر من اسبوعين او شهر هذا تقفل الطرمبه ماتكمل عمرها الافتراضي وهو المفروض فوق 400الف
واعرف اصحاب جيوب شخصيا فكو مكاين ماكملت 300الف بسبب الوقوف قال موتر بايكه

موتر البايكه هو اللي تخاف من مكينته كل الجلد اللي فيه ناشفه وتعال رقع بعده
كلامك عين الصواب فعلا الخوف من موتر البايكة الجلد ناشفة ماتجيها زيت وكذلك ريوت الدفرنسات تثقل وتصير صمغية وكذلك جلد البودي ومايسمي جلدة تنتهي من الوقوف
مامثل الحركة سبحان اللة تحي الانسان والجماد

[Mmetapy]

جميل جدا جدا

[الحربي 591]

اخوي الزيت اللي تحطه خفبف او ثقيل


.....هذا هو سبب خراب الطرمبه .....

...تلقى الزيت عندك مسجل في كبوت السياره على غطا الزيت ...
...سواء ثقيل ولا خفيف الصانع ادرى بسياراته...