ماهو افضل فراش بر ؟؟؟؟

[شفااف]

باجماعه ابي فراش برزين يكون وسيع ودافي واذا طويت يكون حجمه صغير ﻻن سيارتي ربع واعاني من ضيق مساحة التخزين

[moath2700]

الدرويش ممتاز جدا (بس حجمه ممكن مايناسب اي احد )
وسيع من داخل وومتاز ...اهم شي لاتاخذ الفرو ولا تاخذ اللي داخله تقل جلد نمر ...

[المزاول]

صحيح فراش الدرويش وين ينباع اتمنى الاخوان يفيدونا بالعنوان واذا فيه وسيلة اتصال يكون احسن

[جالس لوعدك]

انصح بالهدف في شارع التخصصي
فرش امريكية عندهم استخدمه من 3سنوات تقريبا
ممتاز جدا
عيبه مو وسيع بالحيل لكن كافي وكل شخص حسب وزنه
حجمه اذا صفطته كبر المركى او اكبر شوي

[موتر بر]

الفصول الاربعه. مممتاز جددددددا

[ابوعمر الشمري]

خذلك فراش عادي وبطانيه وفروه ومخده أبرك وأحسن لا خلصت حطهن داخل الفراش ودلقمهن وخلصنا

[ابوراكان تبوك]

الفصول الاربعه حمله الحاله

من كثر ما مدحوه دورته وشفت حجمه مايخارج نهائي من ناحية الحجم ولا ماعليه كلام


افضل فراش اعجبني فراش الربيع من نفس الشركه القاضي سعره 150ريال 2x1
موجود في متجر مكشاتي
قوانين الخيمه لا تسمح بوضع روابط
اكتب في قوقل فراش الربيع متجر مكشاتي
http://www.mikshati.com/media/thumb/922_thumb_1.jpg

اذا تسفط يكون بحجم المركى وله جراب عازل للماء + الفراش من الخارج ضد الماء يعني تنام في المطر الخفيف عادي ماتخاف انه يتبلل لكن لاتنام تحت برديه وتلومني هههههه

ممكن فيه انواع ثانيه افضل لكن انا ماجربت الا هذا وقيمته قليله فيه اعجبني فيه الحجم والخامه لكن من ناحية البرد هل هو دافيء او لا ماجربته حتى تكون في الصوره توي شاريه

[مزعل.كوم]

مايجتمع فراش دافي ووسيع وحجمه صغير
لازم تضحي بوحده منهن

[تميم2222]

مفرش العقيلات الامريكي راهي وصغير الحجم في التصفيط ويتحمل 25 تحت الصفر سعره بحدود 650

[كايد]

السلام عليكم
اخوي ابو راكان ولاحد يهون
فراش الربيع ...مايصلح في الشتاء (ما يدفي مرة)
ماينفع ياما نكبي في كشتات ولا ارقد من صقوعة الارض والجوالخارجي .

عندك خيارات متعددة
فراش الدريويش تلقاه في اغلب محلات الكشتات
فراش البرية صراحه ممتاز وطيب نفس الدريويش وارخص منه .
فراش المقناص ممتاز نفس الدرويوش (بس فيه ميزه تقدر ترقد فلى جنبك الايمن والايسر ) .
فرش السنيدي طيبيات ودافيه .
اللي ما عجبتني بتاتا الامريكية ...غاليه وصدقني ما تدفي في الصقوعه .

القاضي حلوه لكن يعيب عليها الخياطه والسحابات ...

موفقين للخير .

[ناصح]

مع الأسف كل فرش البر صناعة محلية تعتمد في العزل عن البرودة بكثرة الطبقات وليس بجودة المادة العازلة

لذا تجد فراش البر المحلي كأنه برميل من ضخامته

وهذا جعلني اعتمد على المستورد فعزله ممتاز جدا وحجمه مناسب

المهم أن تأخذ في الحسبان عند شراء المستورد دراجة الحرارة فيكون

- 20 يعني يتحمل حتى 20 تحت الصفر

لأن البرد هنا جاف جدا فإذا كان هنا تصل - 10 اعتمد على -20 سيكون ممتاز وهذا من خلال واقع تجربة على مسر السنوات

[ابوراكان تبوك]

السلام عليكم
اخوي ابو راكان ولاحد يهون
فراش الربيع ...مايصلح في الشتاء (ما يدفي مرة)
ماينفع ياما نكبي في كشتات ولا ارقد من صقوعة الارض والجوالخارجي .

عندك خيارات متعددة
فراش الدريويش تلقاه في اغلب محلات الكشتات
فراش البرية صراحه ممتاز وطيب نفس الدريويش وارخص منه .
فراش المقناص ممتاز نفس الدرويوش (بس فيه ميزه تقدر ترقد فلى جنبك الايمن والايسر ) .
فرش السنيدي طيبيات ودافيه .
اللي ما عجبتني بتاتا الامريكية ...غاليه وصدقني ما تدفي في الصقوعه .

القاضي حلوه لكن يعيب عليها الخياطه والسحابات ...

موفقين للخير .

انا ماجربته في عز البرد لكن اكيد الفراش الخفيف والصغير يحتاج اضافات وانا اخترته لان خير الامور الوسط
والله ماتلقى فراش حجمه صغير ومناسب في نفس الوقت

الفرش الامريكيه ماتخارج في الربيع او الايام المعتدله يذبحك الحر

فـ جونا اغلب حر او متوسط البروده

فراش الربيع ما اقول انه دافيء 100% لابد من تزويده في البرد

الانواع اللي انت ذكرتها لم اجربها لكن اعجبني وصفك لفراش القناص:good2:

[أبو شيري]

أعطيك خيارات

1- فراش الدريويش
2- فراش الفصول الأربعه
3- فراش السنيدي ( الخليج ) لكن حجمه كبير جداً وثقيل
4- فراش الصمان من القاضي

الخيار الأخير والأنسب مطرحه وبطانيه دافيه وفصل لها جراب مثل شنطة الفرش
ويكون فراش سهل مع الحمل والشيل والحط وتحافظ عليه ما يدخله الغبار والتراب
وخذ لك خيمة المبيت الفرديه وأفرش فراشك داخلها ونام بحريه تامه تحت البطانيه
تتقلب على كيفك مو مثل الفرش اللي فوق يا تنكتم يا ما تقدر تنقلب

[هاوي افي جي]

فراش الفصول الاربعه غيره لاتدور وزنه خفيف ودافي وكل الشباب ا لي اعرفهم يستخدمونه في عز البرد ولاشكو منه

[ناصح]

http://www.mekshat.com/pix/upload05/images232/mk1937_img_4079.jpg
هذه مقارنة لعدة فرش الأول من اليسار صناعة محلي
الوسط واليمين صناعة خارجية وهي تتحمل 3 تحت الصفر ..!!



ويوجد مستورد بنفس الحجم ل 20 تحت الصفر



وهنا مشكلة الفراش الصناعة المحلي

العزل لكثرة الطبقات وليس لجودتها

أتمنى يهتمون بالصناعة ويطورنها

[ناصح]

مزيد من التفاصيل هنا
http://www.mekshat.com/vb/showthread.php?t=455249

[خليل909]

http://www.mekshat.com/pix/upload05/images232/mk1937_img_4079.jpg
هذه مقارنة لعدة فرش الأول من اليسار صناعة محلي
الوسط واليمين صناعة خارجية وهي تتحمل 3 تحت الصفر ..!!



ويوجد مستورد بنفس الحجم ل 20 تحت الصفر



وهنا مشكلة الفراش الصناعة المحلي

العزل لكثرة الطبقات وليس لجودتها

أتمنى يهتمون بالصناعة ويطورنها

عندي فراش عسكري كوري نفس الاول من يمين بالحجم جاني هديه وحقيقه مهمله ولااستخدمه ولا اعلم عن جودته يمكن يكون جودته عاليه

[الكدن1]

مشكلة الفراش الوسيع مايدفي والضيق غرابيل والاحجام الكبيرة تتعب بالتسفيط وتاخذ مساحة بالسيارة
لكن فيه فرش ماهي وسيعة لكنها دافية وصغيرة الحجم
وأفضل فراش شفته عند العقيلات وسيع وخفيف وداقي لكن قيمته 900 ريال

[أبومحمدالشهري]

يا إخوان وين نحصل الفرش المستورده أو الأمريكية سواء بالرياض أو جدة
لأني أرغب بشراء واحد ذي اليومين
وأنا يهمني الحجم والخدمة نوعا ما لأن الكبيرة جدا لارغبة لي بها

[نقا التنهات]

يا إخوان وين نحصل الفرش المستورده أو الأمريكية سواء بالرياض أو جدة
لأني أرغب بشراء واحد ذي اليومين
وأنا يهمني الحجم والخدمة نوعا ما لأن الكبيرة جدا لارغبة لي بها

الهدف في التخصصي

[شقردي]

يا إخوان وين نحصل الفرش المستورده أو الأمريكية سواء بالرياض أو جدة
لأني أرغب بشراء واحد ذي اليومين
وأنا يهمني الحجم والخدمة نوعا ما لأن الكبيرة جدا لارغبة لي بها
محلات الرحلات تحصل عندهم فرش ممتازة

مثل الرماية والهدف ومكشاتي في القصيم

[LAHAF]

السلام عليكم ورحمة الله وبركاته.
الشباب ماقصرو وكل واحد عطاك وجه نظره لك انا لي وجه نظر جربت جميع الفرش واجد الافضل من جميع النواحي (الدريويش) سعر وجوده ودافي
دمت بود

[أبو يوسف]

انا اشتريت نهاية الشتاء الماضي فراش أمريكي من أمزون سعره مع الشحن المباشر 400 ريال وما شريته إلا بعد ما زكاه أحد الأقارب
ميزته الأليف اللي تحبس حرارة الجسم وتدفي ويتحمل حسب كلامهم حتى 17 تحت الصفر
الميزة في خفته بعد الطوي ومريح وما يكتمك بثقله لكني للأمانة ما جربته بجو بارد جدا حتى أحكم لكن اللي مدحه لي يقول ما عمري بردت منه وبالجو المعتدل لا تقفله او خله مطرحة..
إذا تبي الرابط علمني..

أرسلت من LG-H818 بإستخدام تاباتلك

[مزعل.كوم]

انا اشتريت نهاية الشتاء الماضي فراش أمريكي من أمزون سعره مع الشحن المباشر 400 ريال وما شريته إلا بعد ما زكاه أحد الأقارب
ميزته الأليف اللي تحبس حرارة الجسم وتدفي ويتحمل حسب كلامهم حتى 17 تحت الصفر
الميزة في خفته بعد الطوي ومريح وما يكتمك بثقله لكني للأمانة ما جربته بجو بارد جدا حتى أحكم لكن اللي مدحه لي يقول ما عمري بردت منه وبالجو المعتدل لا تقفله او خله مطرحة..
إذا تبي الرابط علمني..

أرسلت من LG-H818 بإستخدام تاباتلك

كم مقاساته ؟؟؟

[أبو يوسف]

90*210 تقريبا..
أو بمقاساتهم 39*90 بوصة..

ميزته ينقلب معك من خفته ما تنقلب أنت بوسطه ?


أرسلت من LG-H818 بإستخدام تاباتلك

[الحربي حاتم]

مثل ماقالك الأخ ناصح .

[شايم الخمشي]

أنا جربت فراش الربيع ومانفع

[شايم الخمشي]

اشتريت فراش امريكي من الهدف بتبوك ماركة قريزلي مقاس متر في مترين ويتحمل 20 تحت الصفر خفيف الوزن ومعقول الحجم وممتاز جدا جدا جدا أذكر كان عليه تخفيض شريته بأ 380 ريال الشتاء الماضي

[قناص الشمالية]

من واقع تجربة فراش الصحراء من السنيدي و الفصول الأربعة من القاضي
صح حجمها كبير لكن عملية ودافيه

[وضاح القمر]

مايجتمع فراش دافي ووسيع وحجمه صغير
لازم تضحي بوحده منهن



هذا الكلام :good2:

[حبل الوريد]

فراش الصحراء من السنيدي جربته في اقسى درجات البروده لا يعلى عليه انس البرد نهائي وقماشه قطني ناعم ولا يمسك رمل
وحجمه اصغر من الفصول الاربعه يعيبه شوي وزنه

[ابو عبدالله 911]

فراش الصمان من القاضي

[XRAY MAN]

كان عندي قريزلي الأمريكي من الهدف عز الله إنه كفو وحجمه إذا صفطته صغير جداً لكن مشكلته إنه إذا نمت في مكان فيه حصى تحس فيه بظهرك أو بجنوبك لكن دافي جداً والأهم من ذي كلها إنه أصغر من المركى عند تصفيطه وكان له معي يمكن 4 سنوات وبعته وعز الله تحسفت على بيعته

من سنتين شريت فراش الدريويش كبيييييييييييييييير ولازم تحسب حسابه في موترك يشيل مكان ماهوب بسيط
لكن إن دخلت داخله وقفلته إنس البرد والمطر وكل شيء في الخارج بإذن الله

وشكراً

[هاوي افي جي]

من خلال ردود الاخوان تبين لي ان جميع فرش البر المعروفه جودتها واحده ولاكن كلن قانع بالي عنده

[كايد]

مساء الخير يالربع

فيه فراش الاسكا(من شركة السنيدي) ب660ريال.يتحمل 20تحت الصفر .
موجود في متجرهم بعنوان تنزا .

اتمنى اللي جربه يعطينا علم !!!؟؟؟؟

[iu_bubble]

جرب أريكة الرحلات من ماركة iu_bubble

[iu_bubble]

اكتب في شريط البحث في google أريكة الرحلات من ماركة iu_bubble

[iu_bubble]

المنتج من ماركة iu_bubble ميزته خفيف ولا يأخذ مساحة كبيرة ونفخه هن طريق الحركة وإدخال الهواء داخل المنتج ويوجود منه معروض في امازون وانتبه فالجودة تختلف والموجود حاليا من ماركة iu_bubble ممتاز وخفيف الوزن ومنااااسب للكشاته..

[عصاقيل الدخله]

عندي فراش خالد الدريويش استخدام بسيط
للبيع // اللي له نظر يتواصل معي خاص