المساعد الشخصي الرقمي

مشاهدة النسخة كاملة : كم يكفي .50 راس من الغنم .شعير


صقر العثمور
16/10/2015, 08:43 PM
السلام عليكم ورحمة وبركاته
اسعد الله مساكم بكل خير .

اخواني الكرام أنا عندي خمسين.
رأس من الغنم . وقاطع عنها الشعير لها
فتره اشوف الغنم .ضعفت .ورجعتها
هل الشعير احطلها نصف كيس .
مع لبنت برسيم. فهل هذا كافي
ارجو من اخواني نصحي
خالي الهم
16/10/2015, 09:18 PM
50 كيلو يكفيها انشاءالله كيس واحد
صقر العثمور
16/10/2015, 09:48 PM
شكرا لك ياخالي الهم ويعطيك العافيه
صقر العثمور
17/10/2015, 08:56 AM
يا كثر المشاهدين.
ابو محمد 888
17/10/2015, 10:44 AM
اول شي عطها نص كيس وبعدها زدها تدريجي حتى تاصل كيس كامل
لان الغنم على قولتك من فترة ماتاكل شعير
ابو سالم22
17/10/2015, 09:01 PM
السلام عليكم ورحمة الله وبركاته
50 راس يعني 50 كيلو كل راس يحتاج 1 كيلو بس يكون تدريجي يعني نصف كيس بعد يومين كيس الا ربع بعد يومين كيس كامل لان الزيادة المفاجئه تسبب ( البشمه ) لا قدر الله
أما بالنسبه للبرسيم أو التبن أو الذره اعزكم الله
3 لبنات أذا كانت من متر فما فوق للبنه الواحده
ونصيحت أخو اعطهن الحشائش في وقت الصباح من الساعه 7 ـــــ 9 صباحاً
والشعير من بعد الساعه الخامسة قبل المغرب اسالني وش السبب؟
اجاوبك السبب لان فترة الليل أطول من النهار وابرد طبعاً وهي في تزايد ( الساعة ) يعني الشعير ثقيل شوي و يحتاج الحلال لوقت طويل لهضمه
فا استفد من أطول وقت لكي لا يشعر الحلال بالجوع
اسأل الله العلي العظيم بان يبارك لك في حلال وان يزيدك من واسع فضله
واسف على الاطاله
أتمنا اكون افدتك
sTr0nGeR
21/10/2015, 11:31 AM
أنتبه ياصقر
ترا الشعير إذا كانت منقطعة عنه فترة وعطيتها وكثرت تراه يمكن يذبحها
فأنت عطها شي ذواقه بس ، شوي شوي إلين تآخذ عليه

أبوي الله يطول عمره يوم كان عنده ( نعيم ) كان يحط لها ( التبن ) في المعالف بعطين يكت عليه الشعير من فوق كت
وماتذوق البرسيم نهائياً ، وماشاء الله تبارك الله شحم ولحم

وعسى الله يبارك فيها
Soma11
22/10/2015, 02:09 PM
ومنكم نستفيد