مساعدة في رمي الطير الواقع بالأرض

[دكتور زمانه]

مساكم الله بالخير
حبيت أنشدكم ياجماعة الخير
بالنسبة للصيد بالشوزن سواء أم حبة أو أم خمس
أصيد بها الواقع على الشجر أم بالنسبة للواقع في الأرض
ماتضبط معي ياليت تفيدوني الله يوفقكم . بمعنى آخر
هل الحبة الي في آخر الماصورة تحطها برجول الطير
وكذلك ام خمس هل تغطي الطير بالجسر ياليت تفيدوني
مع أني لاحظت أن ام حبة ماشاء الله صويبه بالحيل
وفي النهاية لايمنع أني احط لي هدف واضبط الوزنية عليه :D
شاكر ومقدر لكم

[مطر وسم]

الحبه اللي في اخر الماصوره تحطها بوق ظهر الطير اذا كانت المسافه بعيده سواء لام حبه او ام خمس

بمعنى اكثر واوضح كلم بعد الطير ترفع الحبه فوق ظهر الطير واذا قرب تحطها على بطنه وهكذا

وحاول ترمي الطير من بعيد عشان ما يصير لحم مفروم

موفق اخوي

[دكتور زمانه]

الله يرضى عليك ويوفقك عاشق ام سيلان

[الشيخ الظريف]

الفشق القديم قرار ولكن الفشق الحديث يبغى انك تختبره بالنيشان ومن ملاحظتي انه يهفي ما يزم يعني يبغى لك تضع الحبه فوق رأس الطير والله يوفقك بالصيد

[دكتور زمانه]

الشيخ الظريف مشكووووور

[F34666]

افضل طريقة انك ترسم على جدار دائرة قطرها نص متر وتضع في الوسط سواد بحجم الطير وتبتعد عنه 45 متر وتصوب في فشق 36 وفشق 32 وتشوف وزنية بارودك وتشوف الفرش زين وتشوف نضم الحلبي زين وتحكم بنفسك ساعات يكون فيه عيب في السلاح او الرامي :D

[خبوت الشمال]

السلام عليكم اذا بغيت ترمي لا تشد نفسك لأن البندق تهفي يعني تنزل شوي عند ضغطك
الريشه

[المضلي]

وجه البندق على الصيده واذا جيت ترمي غمض عيونك
صدقني رايح تدعيلي

[دكتور زمانه]

بيض الله وجيهكم f3
وخبوت الشمال
والمضلي
بس مدري أخوي المضلي هي مزحه وإلا الدعوى صحيحة

[راعي الشلفاء]

المفروض الي مثلك مايمسك البندق

[talali]

اخوي مرحبابك

هذي تحصل مع ناس كثير بالذات اهل الخرازات والقناصات

انا اقصد بالخرازه اللي في الارض اغلبه يروح علي لكن اللي في الظلع ماخطيه

فيه ناس يقولون اللي عل الشجر دايم نخطيه

لكن بالنسبه للشوزن مايختلف الرمي عن اللي في الشجر واللي في الارض

ممكن نظرك ضعيف ولان لون الارض قريب من لون الطير

والخطاء وارد وانا خوك لاتعتقد انه بالشوزن مااحد يخطي

ياما اخطينا واحنا في مترس قريب من حجل

اللي اعرفه اللي الرمي دايم يروح خطاء بالشوزن

لما يكون الطير في الارض تحت وانت مثلا مسوي مترس تقريبا فوقه دايم يروح خطاء حتا مع اهل الخبره

انا رأي خذ لك علبة فشق واطلع وكرر ارمي عل الطيور

الين تعرف المرماى المناسب دايم حط الحبه في الطير في منتصفه او ارفع شوي لدرجة انك يادوب تشوف راس الطير

وانتبه ترمي بعيد الشوزن حدها المضمون 45 متر

[ارثمس]

والله اللي اعرفه بالارض تحط الحبه برقبة الطير وكل ما ابعد ارفعها عنه

[المتلولس]

في عموم السلاح من ام صتمة حتى الشوزن اذا كان الرمي بالشجر قرار يعني في وسط الطير بالارض نزله حطة برجلين الطير

[سوبربانلي]

على حسب الشوزن اللي معك اذا هي تزم له وزنه
واذا هي تهفي له وزنه

اللي تزم/ القريب برجليه والمتوسط بنص الطير والبعيد بالحيل تمسح الحبه فوق راس الطير

اللي تهفي/ القريب تحطه عليه والمتوسط فوق راسه والبعيد بالحيل تجلس الحبه كله فوق راس الطير

[دكتور زمانه]

talali
ارثمس
المتلولس
سوبربانلي
ماقصرتوا وبيض الله وجيهكم يارجال
* راعي الشلفاء أقول سامحك الله وهداك للأخلاق الطيبة

[talali]

المفروض الي مثلك مايمسك البندق

اخوي ماتوقعتها منك ترد عل اخوك المسلم بهذي الطريقه

والانسان مايخرج من بطن امه متعلم

وكلنا كنا نتعلم والى الان نتعلم

وترى البندق ماهي كل الرجاله

غلطان اللي يحسب البندق رجاله

[دكتور زمانه]

بيض الله وجهك أخوي talali عين الحكمة والله
للأسف أن كثير من الناس فاهم المرجلة غلط
يعني اشتر جيب وبندق وطير ونزل لك كم صورة وانت تقنص
ومعها كم بيت قصيد ولاجيت تقول سالفة زاعق في مجالس الرجال لين ينقطع حلقك
وإذا رفيقك زل بكلمة أو فهم شي غلط عطه من الكلام الخايس الله يكرمكم
الحمد لله . الرجل بمنطقه ودينه وأخلاقه وأدبه وثقافته مب بطيوره وبنادقه
ولايفهم من كلامي أن أي واحد نزل صور وشرى جيب .... الخ أنه من هالصنف
حشاهم والله . بس أقصد الي يحبون البهرجة والهياط .

[راعي الشلفاء]

اخوي ماتوقعتها منك ترد عل اخوك المسلم بهذي الطريقه

والانسان مايخرج من بطن امه متعلم

وكلنا كنا نتعلم والى الان نتعلم

وترى البندق ماهي كل الرجاله

غلطان اللي يحسب البندق رجاله

انت الي تتعلم اما انا فلا اعلمك وعلم ميه من امثالكم ماغثنا الا انتم
هذا الي ناقص

[talali]

انت الي تتعلم اما انا فلا اعلمك وعلم ميه من امثالكم ماغثنا الا انتم
هذا الي ناقص

بيض الله وجهك

[سعود9000]

السَلآْم عَلْيُكّمٌ وٍرٍحَمُةّ الله وٍبُرٍكآتُهْ
جرب علي كرتون او علب مثل علب زيت السيارت 30متر وارم

[دكتور زمانه]

الله يعطيك العافية أخوي سعود

[جعلوني مجرما]

انت الي تتعلم اما انا فلا اعلمك وعلم ميه من امثالكم ماغثنا الا انتم
هذا الي ناقص


راعي الشلفاء ابلشت المسلمين لا انت استفدوا منك الرجاجيل اهل الاستفسار ولا انت الي سلموا من لسانك الاجواد

نصيحه اخويه
يابن الاجواد انفع المسلمين ان كنت تعلم او التزم الصمت ان كنت لاتعلم
استمع للنصيحه او اضرب به عرض الحائط مافيه مشكله
.

[راعي الشلفاء]

راعي الشلفاء ابلشت المسلمين لا انت استفدوا منك الرجاجيل اهل الاستفسار ولا انت الي سلموا من لسانك الاجواد

نصيحه اخويه
يابن الاجواد انفع المسلمين ان كنت تعلم او التزم الصمت ان كنت لاتعلم
استمع للنصيحه او اضرب به عرض الحائط مافيه مشكله
.

يالله شلق
جح يدربي قرع

[جعلوني مجرما]

ياراعي الشلفاء

انت ناقص و ردك ناقص

[جعلوني مجرما]

يالله شلق
جح يدربي قرع

انت ناقص وردك ناقص

[hadi.9]

فيه ردود مالها اي داع مع احترامي للي وضعها

تذكرو قول الله تعالى

(( ما يلفظ من قول إلا لديه رقيب عتيد ))

بنسبه لك اخوي تختلف من شوزن لشوزن

ﻻزم تحط هدف وتجرب واﻻفضل ترسم دائره بجدار

بمسافة 30 متر تقريباً

وترمي عليه تشوف وين وقعه بضبط

عشان تعرف فيه حذفه او زمه او الخ

جت تمام يبقى خلاص زي ماجربت على الجدار جرب على الطير او اعتبر الدائره الطير هذا اذا ماكانت بها اي حذفه

او غيرها يعني جت في الهدف

وهي ياصاحبي شوزجن يعني من 40 متر وجاي ارمي

بتوفيق ياصاحبي وﻻ اوصيك الكرك اﻻقرع جرب عليه :D

[دكتور زمانه]

بيض الله وجيهكم
والكرك الله يجيبه :D