سوءال ميكانيكي

[العمير]

السﻻم عليكم ورحمة الله وبركاته . أﻷخ اصيل حجازي واﻷعضاء الكرام تحيه طيبه .
هل ينصح بتغيير زيت قير التماتيك وزيت الدفرنش . وماهي الطريقه الصحيحه .
مشكورين

[يالبى الهلا]

نوع سيارتك ومديلها ان كانت نيسان فلابد من شراء الزيت من الوكيل لانة يباع باللتر اما غيرة يعدم القير لان النيسان حساس

[العمير]

نوع السياره سلفرادو 2007

[خالد الفووزان]

كل قيور السيارات حساسة لنوعية الزيت الخطا .
افتح الكتالوج و بتشوف نوعه ممكتوب عليه و كذلك لزيت الدفرنس الامامي و الخلفي و علبة التروس ( الدبل ) كلها مذكورة بالكتالوج اهم شي تشتري الزيوت الصحيحة .


كم ماشيه السيارة ؟
لان ممشی السيارة هو اللي يحدد طريقة التغيير

[الحربي 591]

طريقه التغيير وحده ما فيه غيرها... اشفط الزيت كامل من فوق ومن ثم افتح كارتير القير.. ونظفه... وبعدها تغير وجه الكاريتر... وتحط الزيت المناسب....

اغلبهم يشفطون علبه ويحط علبه وتجيه بعد اسبوع
ويشفط علبه ويحط علبه ... وتجلس طول عمرك وانت كذها :D


اهم شي ما بعد التغيير.... اكثرهم يعشق ويمشي... وهذا مشكله

والمصيبه اللي يقعد يدعس على السياره يشوف فيه فرق بعد تفيير الزيت ولالا!! كذا ودع القير يالحبيب

...
بعد ما تغير الزيت شغل السياره وانتظر شوي..
و غير من P إلى R وانتظر شوي ومن R إلى D وانتظر ومن...... إلخ وهكذا..
واهم شي لا تدعس على السياره يعني لحد ما تمشي 40كيلو... امورك سليمه.....

مع العلم اني طبقت اللي قلته لك بالملي واول مره اغير زيت... وكانت ماشيه السياره وقتها حول 280الف... سيارتي تاهو 2008... نفس السلفرادو...... ومسئول عن اي كلمه قلتها انا.....


اما زيت الدفرنس... عز الله اني ما اعطيته وجهه من يوم ما استلمت مفتاح السياره من الوكاله :) الله يستر من تاليها

[العمير]

الله يجزاك خير يا أخي الحربي . لكن الفلتر ﻻزم يتغير

[وطن العزة]

بالنسبة لزيت الدفرنس نصيحه لا تغيره اذا موديل الموتر قديم و ماشي واجد .... زده في حال النقص فقط

[الحربي 591]

الله يجزاك خير يا أخي الحربي . لكن الفلتر ﻻزم يتغير


ايه نعم الافضل تغيره كلها 120 ريال .. :good2: