المساعد الشخصي الرقمي

مشاهدة النسخة كاملة : ياخيمة الغطو ارحبي .. اليوم عوَّد لك حمد..الحل:الشك /الخياطة بالترتروالخرز..حله:حمد؟؟


ابو ماجد 2
20/10/2015, 09:56 AM
بسم الله الرحمن الرحيم

السلام عليكم ورحمة الله وبركاته

لغز وترحيب بعودة اخوي حمد ابو طيف
ولو انها متأخره لكن ان شاء الله يعذرني فاليومين الطائفين منشغل


ياخيمة الغطو ارحبي .. اليوم يومك اطربي =فلي الظفاير العبي .. اليوم عوَّد لك حمد
له نظرةٍ تفرز غطاه .. فيها يبين لك سطاه=دق النظر ربي عطاه .. ما أضعف اعيونه رمد
وش ياحمد اسم وسمي .. ماهم خفى كل آدمي= لغزٍ وضوحٍ للرمي .. من رميةٍ عده خمد
هذا وصوفه اطرحه .. من ساع ماهر يشرحه=كم بنت لا ماتبرحه .. تقول هذا مُعتمَد
والثاني ماكثر مايعاب .. ياما فتح للشر باب=نوبات ياتي من سباب .. ياحظ من قدمه صمد
اليانقلب خذها صريح .. كم سِيْدْ قومْ عقبَه يطيح= هذا عن الفرحه يشيح ..هذا غشت حاله كمد


مع تحيات ابو ماجد

منتديات مكشات . خيمة الالغاز
ذيب الفقارة
20/10/2015, 10:47 AM
وعليكم السلام ورحمة الله وبركاته

صح لسانك زعيمنا وفارسنا

أبو ماجد

يستاهل أبو طيف الاسناد

والحقيقة أنه رماع ماهر لا يشق له غبار

وعودته لهذه الخيمة تعني لنا الشيء الكثير

تحياتي
ذيب الفقارة
20/10/2015, 10:52 AM
خذ ها الرمعة الضلعاوية

سن : عمر

سن : سن الرمح وياشينه لانقلب

تحياتي
حمد؟؟
20/10/2015, 06:03 PM
صح لسانك يابوماجد
وبيض الله وجهك ماقصرت وبلعكس دايم غامرنا بكرمك وسباق لطيب ماشاء الله عليك
ونا دايم معكم لو اني غايب
وترى ماشفت لغزك الا الحين اليوم الظاهر مسوين صيانه للمنتدى ماقدرنا ندخل
وهذي رمعه لوهي غريبه شوي
الاسم الاول الطرد اللي تحط فيه الرساله وبعض الطرود معتمده
والاسم الثاني اللي هو الطرد اللي هو مثلا دوريات تطرد سياره يسمى طرد
واحيان بالطرد يصير فيه انقلاب والليا انقلب كم سيد قوم يطيح
أبوعبدالرحمن99
20/10/2015, 06:35 PM
الله الله ،،
صحت لسانك يا ابوماجد ،،
هذا اللغز كأني أسمعه شيلة ،،
طرب طرب ،،
مرور تحية و إشادة .
حمد؟؟
20/10/2015, 07:21 PM
اضافة رمعه
الاسم الاول الشك والماهر اللي يشرحه الخياط
الثاني الشك وعدم احسان الظن بالاخرين وهذا مايولد الشر وكثر مايعاب
سيد القوم الملك في الشطرنج
عكسه كش
اي كش ملك
والكاسب فرحان والخسران متنكد
ابو ماجد 2
20/10/2015, 09:08 PM
بسم الله الرحمن الرحيم

السلام عليكم ورحمة الله وبركاته

لغز وترحيب بعودة اخوي حمد ابو طيف
ولو انها متأخره لكن ان شاء الله يعذرني فاليومين الطائفين منشغل

ياخيمة الغطو ارحبي .. اليوم يومـك اطربي .. فلي الظفــــــــاير العبي

اليوم عـوَّد لك حمد

له نظرةٍ تـــــفرز غطاه .. فيها يبيــن لك سطاه .. دق النظر ربي عطاه

ما أضعف اعيونه رمد

وش ياحمد اسم وسمي .. ماهـم خفى كل آدمي .. لغزٍ وضـــــــــوحٍ للرمي

من رميةٍ عده خمد

هذا وصــــوفه اطرحه .. من ساع ماهر يشرحه .. كم بنت لا مـاتبرحه

تقول هذا مُــــــــــــعتمَد

والثاني ماكثر مايعاب .. ياما فتــــح للشر باب .. نوبات ياتي من سباب

ياحظ من قدمه صمد

اليانقلب خذها صريح .. كم سِيْدْ قومْ عقبَه يطيح .. هذا عن الفرحه يشيح

هذا غشت حاله كمد


مع تحيات ابو ماجد

منتديات مكشات . خيمة الالغاز
ابو ماجد 2
20/10/2015, 09:11 PM
هلا بك يابو عدنان
لامؤاخذه اليوم حتى الاقتباس مايعمل
صح بدنك
وحبيبنا ابو طيف اي بالله يستاهل ونصف ولا ننسى حضوره السابق
ابو ماجد 2
20/10/2015, 09:36 PM
هلا بك يابو عدنان
مالك لوى يالغالي
برمعة سن
يامدور عثرات الشيبان اليوم حتى التعديل مايعمل يعني لاتدقق يالغالي
شف ابعدل غلطة بكتابة ابو طيف كتبتها ابو طيق وماقدرت اعدلها
ابو ماجد 2
20/10/2015, 09:37 PM
هلا بك يابو عدنان
مالك لوى يالغالي
برمعة سن
يامدور عثرات الشيبان اليوم حتى التعديل مايعمل يعني لاتدقق يالغالي
ابو ماجد 2
20/10/2015, 09:40 PM
هلا ابو طيف
ارحب بتواجدك وعودتك معنا وارحب بمورك الكريم
بياض الوجه كاسيك
وانت تستاهل دواوين وليس فقط لغز
شرفتنا
والررمعه ماصابت يالغالي
ابو ماجد 2
20/10/2015, 09:42 PM
هلا بك يابو عبد الرحمن
هلا بآسر القلوب
الطرب عندكم لاعدمناكم
مرورك واشادتك تاج على راسي
ابو ماجد 2
20/10/2015, 09:46 PM
اخوي حمد
ابو طيف
كفووووووووووووووووووووووو كفوووووووووووووووووووووووووووووووووو كفووووووو
كفووووووووووووووووووووووو كفوووووووو
كفووووووووو
نعم
شك
وما قصرت بالشرح
لله درك وصح لسانك ملايين
وما بالغت حين قلت فيك
له نظرةٍ تفرز غطاه .. فيها يبين لك سطاه .. دق النظر ربي عطاه .. ما أضعف اعيونه رمد
ابو ماجد 2
20/10/2015, 09:51 PM
نسيت اذكر ان الشك بالخياطه
هوتحلية اللباس بالخرز والترتر ........... الخ
حمد؟؟
20/10/2015, 10:00 PM
كفوك الطيب يابوماجد وبيض الله وجهك على الاسناد وماشاء الله عليك بالحبك حبك الالغاز
والحمد الله اني حليت لك لغز مبطي ماحليت لك شي
وان شاء الله مايكون الاخير
ابوماريا
20/10/2015, 10:22 PM
ماشاء الله تبارك الله
لازلت وستبقى يابو ماجد مبدع وممتع
أبيات يطربلها الخاطر
وأبو طيف يستااااااااهل العلوم الطيبه وانت راعيها

صح السانك ملايين
ومليون كفوووووووووو
يابو طيف
ذيب الفقارة
20/10/2015, 10:59 PM
كفووووووووووووو كفوووووووووووووو كفوووووووووووووو

أخي الغالي

أبو طيف

الحل هو كما ذكرت :

شك

وصح لسانك زعيمنا وفارسنا

أبو ماجد

تحياتي
عطري
21/10/2015, 10:03 AM
و عليكم السلام و رحمة الله و بركاته

الله الله

جميل هذا اللغز ، جمل الله أيامك يا أبا ماجد

يستاهل أبو طيف هذه الحفاوة و كل خير.

و عوداً حميداً يا حمد

وكفووووووووووو

ملايين.