المساعد الشخصي الرقمي

مشاهدة النسخة كاملة : كبر البقة.............الحل: الرمة...............وادي الرمة......حله:ابوماجد2


ناصر العلي
21/10/2015, 10:41 PM
السلام عليكم ورحمة الله وبركاته

لغز موجه للغالي حمد

والعذر منكم من القصور والكسور

أنشــــــدك عن بنتٍ كبر البقة....................

....................سمية ياحـمد عـــــودٍ كــــبير

البنت أنقذت قومٍ من الشــــقة.....................

....................والعود ياما راح فيه خلقٍ كثير

وسلامتكم

كبر البقة...من التصغير
ابو ماجد 2
21/10/2015, 11:20 PM
صح لسانك دكتورنا
وعودا حميدا لبدع الغطو
لغز رايع
محاوله فتح باب
الارضه انقذت الجن والاسم مرادف لدابة الارص
والارضه حسب المعجم الكلا الكثير الطويل وكم راح فيها من خلايق حيث كثرة المفترسات والعقارب والثعابين
الكتابه من الجوال اعذرنا بدون تنسيق
ناصر العلي
21/10/2015, 11:26 PM
صح كلك ياأبوماجد

والله يرفع قدرك ويجبر بخاطرك

وماشاءالله عليك على هالرمعة

أنت عرفت البنت ولكن العود ماعرفته

بمعنى آخر دور أسم للبنت غير الأرضة

ونصف الحل عندك

هات الباقي
ابوماريا
21/10/2015, 11:38 PM
صح السانك يابو علي
وبيض الله وجهك يالغالي

مالقيت لها اسم غير الارضه
اللي اكلت صحيفة مقاطعة قريش للنبي صلى الله عليه وسلم
وصحبه الكرام
ابو ماجد 2
21/10/2015, 11:41 PM
طيب
الدابه
والسمي مايركب من الحيوان وراح اي ذهب
ناصر العلي
21/10/2015, 11:43 PM
ياهلا ياأبوفايز

وصح كلك يالغالي

ووجهك أبيض اليوم ودوم

والأسم على ماأعتقد مشهور بالغربية إذا ماني غلطان

وفصيح
ناصر العلي
21/10/2015, 11:45 PM
طاب حالك والسعد فالك

والعود تعرفه زين ياأبوماجد;)
ابو ماجد 2
22/10/2015, 12:05 AM
طيب
عته
وعته انحطاط شيخوخي بالملكات العقليه
والاثنين ماعرفهن لكن قوقل ماقصر
حمد؟؟
22/10/2015, 06:02 AM
[center]صباح الخير ابوعلي
وصح لسانك واعتلا شانك
ماشاء الله
رمعه على عجل قبل الدوام
البنت يمكن النمله اللي حذرة النمل من سيدنا سليمانعليه السلام وجنوده
وسميه اعتقد كان واحد وزير مدري وشو يقاله النمله
اوالنمل الابيض اللي هو معروف بالارضه
ومثل ماقال ابو ماجد انقذت الجن
وسميته البحر الابيض المتوسط
ناصر العلي
23/10/2015, 01:43 PM
سلمت ياأبوماجد

وعتة

مالك لواااااا

والعود السمي مثل ماتقول

مرمرة......وبحر مرمرة

يعنى البحر سمى بهالبنت
ناصر العلي
23/10/2015, 01:45 PM
حياك ربي ياأبوطيف

والمحاولة مالك لوااااااا

وشف ردي على أبوماجد يمكن يقرب الفكرة

تحياتي
صقر السديرات
23/10/2015, 01:48 PM
وعليكم السلام ورحمة الله وبركاته
صح لسانك ملايين ابو علي
جزل من جزا
دمت بخير
ناصر العلي
23/10/2015, 01:51 PM
حياك ربي ياأبوفيصل

وصح بدنك يالغالي

والله يبيض وجهك

دمت بخير
ابو ماجد 2
23/10/2015, 01:59 PM
الظاهر وجدتها
الرمه

http://www.ellmsah.com/wp-content/uploads/%D8%B4%D8%B1%D9%83%D8%A9-%D9%85%D9%83%D8%A7%D9%81%D8%AD%D8%A9-%D8%A7%D9%84%D9%86%D9%85%D9%84-%D8%A7%D9%84%D8%A7%D8%A8%D9%8A%D8%B6-%D8%A8%D8%A7%D9%84%D8%B7%D8%A7%D8%A6%D9%811.jpg

ووادي الرمه

http://www.almisnid.com/almisnid/m-admin/upload/6351992c42f3a30d83afe6e091501a86.jpeg
ناصر العلي
23/10/2015, 02:06 PM
ماشاءالله عليك ياأبوماجد

ولله درك يالغالي

وصح لسانك

وكفوووووو ثم كفووووووو

نعم الحل هو ماذكرت

الرمة....وادي الرمة

الرِّمَّةُ : الأرَضَة
الرِّمَّةُ : النَّمْلة ذات الجناحَيْن والجمع : رِمَمٌ ، ورِمامٌ

دمت بخير
ذيب الفقارة
23/10/2015, 02:09 PM
هههههههههههههههههههه

وانا رايح أدور في نهر النيل

كفووووووووووووووووووووووووووووو

أبو ماجد

تحياتي
ناصر العلي
23/10/2015, 02:13 PM
هههههههه

ولا يهمك ياأبوعدنان

أبشر بالعوض

المرة الجاية نشوف لك لغز جهة النيل

تحياتي
ابو ماجد 2
23/10/2015, 02:39 PM
ابو علي ذكرتني ايام الكنود كان فيه واحد يدخل للبحث عن التسليه والعياره وهو بالفعل مقبول من الجميع
يدخل بصوت مبحوح واول مايطرح اللغز يرمع لي السخانه
المهم احد الزملاء اسند له لغز والحل لي السخانه والغريبه بدا يرمع وما اتى على لي السخانه نهائيا
يوم انحل من غيره صارت ضحكه
عاد يقول عن نفسه يوم فكرت صدق انعميت
عاد اخاف تجيب لبو عدنان لغز النيل وما يحله
هههههههههههههه
ولو ان ابو عدنان ماشاء الله عليه لميح لكن اغديها تفخته هالمره
ذيب الفقارة
24/10/2015, 04:19 PM
هههههههههههههههه

يمكن حل اللغز :

لي السخانه

............الحمد لله انت اللي بديت بالحرب الباردة

وتتحمل النتيجة

.......................................

ها اللغز نسيته وما دخلت عليه الا الآن

...........................................

كفووووووووووو كفوووووووووووووو كفوووووووووووووووو

زعيمنا وفارسنا

أبو ماجد

الحل هو كما ذكرت :

الرمة ........ وادي الرمة

وصح لسانك دكتورنا الغالي

د / ناصر العلي

تحياتي