طلب استشاره في شراء ثلاجة للسياره

[Mr.GX-R]

السلام عليكم ورحم ةالله وبركاته

أسعد الله صباحكم بكل خير

أريد شراء ثلاجة للسياره المقاس 35 لتر ووجدت أنواع كثيره

وكل من استشرته قال ما فيه شيء زين حالياً وابغى فيها


1- سرعة التثليج والتبريد ( أقصد وقت الصيف طبعاً )
2- احتفاظها بالتثليج مده طويله. ما أبي إذا طفت ماع الثلج على طول
3- قلة استهلاكها للكهرب
3- خفة وزن + سعرها مناسب .

فبارك الله فيكم دلوني من واقع تجربتكم

وكما قيل ( ما خاب من استخار ولا ندم من استشار )

[مطر وسم]

السنيكو ارستن ممتازه مره موجود فيها كل طلباتك وكيلها الحميدان بالغرابي

[Mr.GX-R]

[center] بيض الله وجهك أخوي عاشق

إذا تكرمت عطني تجربتك تكفى/center]

[عصاقيل الدخله]

http://www.mekshat.com/vb/showthread.php?t=635089

بالرابط تقرير عنها تفضل

[مخبط القشع]

اذا تقدر تدفع حول3000 لاتدعى الويكو خص الفرار او الجديده

[تميم2222]

باركو فيها تثليج الى 30 تحت لصفر ووكيلها الطمره الان معي لها 3 سنوات وماتفصل صيف وشتاء وما شالله ترن رنين استخدمها في اقصى الظروف وناجحه علما باني كنت امتلك قبل ام فرار الويكو
وبصراحه الفتره الاخيره اغلب الثلاجات ناجحه اهم شي يكون الكمبرسر دانفس

[Mr.GX-R]

عصاقيل الدخله ألف شكر

تميم 22 22 الباركو إذا طفيتها كم المده اللي تحفظ فيها البروده

لو بالتقرب ما فيه مشكلة ساعة ساعتين

[ناصح]

إذا تحتاج ثلاجة عليها الكلام

لا تتعدى ARB 35 لتر الاسترالية

عندي واحده :good:

واعتقد والله اعلم أنها أفضل شيء في السوق

[Mr.GX-R]

أخوي ناصح بيض الله وجهك

كيف تثليجها وكيلها الرماية وإلا أنا غلطان.

[ابوريناد1979]

اذا سمحتي لي بالسوال
هل تحتاج للثلاجة فعلا !!! لاني اشوف كثيرين يشترونها ثمن يبيعونها
انا اخذ علب مويه ام ثلاث ريال واثلجها ثمن اسكرها واحطها بالجوت وتقعد ثلاث اربع ايام بالشتا بالراحه ولايسيح الثلج ولايحوسك وبدون غثا ثلاجة و تكاليف وصيانه وبطارية اضافيه .
في نظري تحتاج الثلاجه فقط ايام الصيد بالحر لاكثر من يومين او كنت صاحب مخيم وحلال وتطول بالبر غير كذا ماتسوى تشتريها !!!!
هذي وجهة نظري

[أبو شيري]

وابغى فيها


1- سرعة التثليج والتبريد ( أقصد وقت الصيف طبعاً )
2- احتفاظها بالتثليج مده طويله. ما أبي إذا طفت ماع الثلج على طول
3- قلة استهلاكها للكهرب
3- خفة وزن + سعرها مناسب .



ما فيه ثلاجه تجمع شروطك هذي

لأن مستحيل قوة عزل وخفة وزن وسعر مناسب


لكن اذا تبي تتغضى عن السعر عليك برد ناصح وأنه لناصح لك .

أما الخيار الثاني فهو جميع ما بالسوق من أنواع أخرى فهي متقاربه فقط تغيير مسميات

لكن ركز على الحجم المناسب لسيارتك

[Mr.GX-R]

بيض الله وجيهكم جميعاً ولا قصرتوا