قصتي مع البحر

[StingRay]

انا عشت حياتي كلها بجوار البحر ترعرعت في محافظة الليث لا اهتمام ولا كان يعني لي البحر شي في ايام الثانويه كان في زميل لي عزيز علي قال اليوم بعد صلاة الفجر بنروح البحر ونصيد سمك قلت له طيب وطلعنا مجموعه من الشباب الله يذكرهم بالخير ويرحم من مات منهم.المهم توجهنا نشتري حبار الامريكي المجمد ووصلنا الموقع فالشباب نزلو في المويه معاهم جزم الله يكرمكم فكل ما مشيت يقطعني المرجان وتجرحت ارجولي وتونسو عليه الشباب رغم هذا كملت.الين وصلت المويه الى صدورنا وبدات تقل المويه الين وصلت الى الركبه فاستغربت الين وقفنا على حرف وكان المنظر خرافي المويه صافيه ونشوف السمك والله ياجماعة مانسيت هذاك المنظر.طبعا كنت غشيم معرف اربط سناره وجبت لهم الغثه.واشوفهم يصيدون ومتحمسين الا انا يافلان اربط لي يافلان ركب طعم يافلان صخرت الين ندم انه طلعني معاهم المهم كنت سريع التعلم الحماس الزايد يخليك تتعلم بسرعه ويوديك ورى ههههههههههه.فربطت سنارتي بالربطه اللي اعرفها وركبت طعم وانسجمت مع الشباب واول سمكه صدتها كانت هاموره صغيره.حسيت اني توينه ههههههههههه وبعد كل شي كان هم من الرجعه من المرجان لكن المرجان يهون قدام اللي وطيت عليه وانا راجع شي اسود له اشواك يخدر رجلك وشالوني جنازه هههههههههه قنفذ البحر.فكانت رحله لاتنسى كلها جروح لكن من هذاك اليوم الين اليوم وانا احب البحر وطلعاته.

اتمنى اني ما اطلت عليكم.

[صياد الشعيبه]

ماشاءالله تبارك الله موضوع جميل والله يوفقك


بالنسبه كيف كان الم الاشواك الالم لاتوصف ولاكن في طريقه سريعه تعلمتها من خيبر في البحر عندما دعست على قنفد البحر وجلست ثلاث الى اربع ايام وانا اعاني وعندما علم صديقي بوجود اشواك بقدمي قال لي اذهب الى الحمام ( الله يكرم السامعين ) (( وبول على مكان الاشواك )) وفعلاً شي لايصدق لاحضت ان الاشواك موجوده ولاكن لايوجد اي الم مكان اثرها والحمدالله كانت ايام جميله

[أبوحافظ]

كل واحد و له قصه طريفة في البحر
مع بدايات الصيد و التعلم
وفيه اللي يعشق الصيد من الطفوله وانا واحد منهم
كنت اتابع برامج الصيد في التلفزيون
ولكن البعد عن البحر و مافيه احد اتعلم منه الطريقه الصحيحه
لذلك تعلمتها متاخر وباقي المشوار طويل

اما القنافذ فكان قبل فتره طويله قبل بناء الاسوار في خليج سلمان اتذكر
دعست عليه والالم لا يوصف ونفس الحال مع السيجان

اما الان اكتسبت مناعه منها واصبح تاثيرها ضعيف جدا ولله الحمد

[StingRay]

هذا الكلام مضى عليه 20 سنه ولله الحمد شكرا لمروركم اخوي صياد واخوي ابو حافظ.

[الصيادالمليح]

بداياتي في الصيد من عام 1981م عند انتقال عائلتي من الطائف لمدينة الجبيل الصناعية في بداياتها و تعلمت الصيد من صيادين فلبينيين و يابانيين و تعلمت منهم اصول الصيد بالطعوم الصناعية و لله الحمد تعلمت منهم كل شيء في الصيد حتى الاتقان

[StingRay]

ماشاء الله عليك يالصياد المليح دخلت في العميق على طول ياخي الفلبين هذولي جلست معهم حتى البوبر يسوها في البيت يخترعو لك اشياء.

[سماهر منجى]

موفق بامر الله يسلمووو

[سلطان الكويت]

قصه حلوه جميل ان الشخص يسترجع ماضيه الجميل

[StingRay]

لن تتكرر تلك الايام لكنها ستظل ذكرى جميله نحملها معنا لنحكيها لمثلكم وشرواكم.

[h a j u s]

قصة روووعه في زمن رووعه مااحلى الذكريات بين الحبايب وطلعات البحر

[اسماعيل كمال]

كل دقه بتعليمه ياوحش
شكرا على طرحك للموضوع

[البواردي F18]

البحر له ماضي لاينسى
سبب هوايتي للبحر هو اصدقائي ...
كان قبل15 سنه كنت اذهب مع اصدقائي ولااعرف شئ عن الصيد فقط مساعد لحمل العدة ومراقبة كيفيت الصيد بعد مرور الوقت تعلمت من اكبر واخبر مني سنَ عن معلومات تكون عندي غريبه ومحيرة في نفس الوقت وهي المد والجزر...عدم الازعاج ...النور الخافت...الطعم ..كيفيت صنع الخيط والعقد بنفسك.. فك العقد وهي اصعب شي عندي الي اخره....
وبعد التعلم جاء وقت التطبيق ����
ذهبت لسوق وتم شرأ عدة صيد ..وشرأ سيارة خاصه لصيد دفع رباعي..
وتوكلة علي الله ثم ذهبت وكان عمري ذاك الوقت لايتجاوز17سنه....
المهم ذهبت لحالي لعتمادي علي الله ثم علي نفسي الي البحر
وصلت في المكان المناسب وهو اخطر موقع لدا الكثيرين من ربعي وهو الجز الصغيرة التي ينغمر فيها الماء في اي لحضه سوأ في اليابسه خارج البحر او في داخل الجزيرة ....دخلت الجزيرة المغرب في بداية الصيد رزية سناراتي الثلاث وثلاث شبوك علي شكل صليب في محذاة الجزيرة وبعد عشر دقايق الا واشوف السنارة تهتز وكنت ماني متوقع اني بصيد لان اول مرة لي اصيد
المهم سحبت السنارة واسحب وهي تشد معي والارض صخريه ورملي في نفس الوقت ومع السحب وقفت السنارة عن السحب خفت ينقطع الخيط قلت مالي الا حل واحد اني ادخله البحر مسكت الخيط وتبعته الا وتجيني هويه بعد الخريه رمله طينيه الا وشوف نفسي داخل قاع البحر لت خلاص هذا يومك يافلان ولاكن الله نجاني بلخيط انه تحملني منقطع ورجعت لوراي الين طلعت حسيت انه قلبي بيوقف من نبضه بعد الحادث وعيوني من شدة الماء المالح ماشوف شي مسكت الخيط وتبعته الين الجزيرة ونكتب لي عمر ثاني لاني مااعرف اسبح ولحالي
المهم انسدحت فوق الجزيرة الين هدة اعصابي وكملت صيدي الين الساعه9
وبعدها وقف الصيد قلت اروح انزل اسوي عشايي ورجع
تعشيت وغفيت الي الساعه12ونص ورجعة الجزيرة واول ماوصلت الا واشوف الشبك ينفض فرحتي كانت فايز بجائزه سيارةîگ•îپ—î„…
رحة الا وشوف شعم وبذح وسليل عالق وافسخ الفنيله الداخليه ً! بعضكم يقول وش معنا الفنيله ...الجواب نسيت الكيسه ومشوار اجيبها
المهم خذة السمك وحطيته في البراد ورجعة لسنانير طبعن صيد السنانير يختلف عن الشباك لانك تحس بطعم الصيد لانك صته بمهارة موب جاهز
سحبة الاولي مافيها شي وطعم فاضي رحة وسحبت الثاني وحصل شعمه بس صغيرة وفكيتها راحة لثالثه طبعن سته متر وحذفت السنارة كانت بعيدة في حدود120 متر او ابعد في الغزير وسحب وتعلق وارخي وتفك علي هل العادة الين طفشت قلت وش القصه قلت يمكن عالقه في الصخر مره ثانيه المهم تركتها في الارض اجيب مقص اقص الخيط ورجع الا وشوف السنارة تعوم في الماي في اللحظه ذي عرفت انه شي كبير صايد وركض ومسكها وسحب ورفع ونزل وارخي الين شدة ورخة معي وسحب الين النهايه الا واشوف الي يبربخ بلبحر وطلعت السبيطي كبير الحجم قلت مدري اغرق نفسي في البحر هههههه من الفرحه وركب الطعم الربيان والخثاق مع الميد في شكه واحدة في كل سنارة وكل 10او 5 تطيح شعم اللين خلاص قرب الفجر وحسيت جسمي مابيتحمل الجهد الزايد قلت خلاص ذب اغراضك وامش
واليوم الثاني معاي عشرة كل واحد يقول صديقي احمد تعال معي ودني مكان صيدك ههههه والي يومنا هذا وهوايتي في صيد السمك في الصيف وفي الشتاء صيد الطيور في البر ودمتم سالمين....
:c

[accentkool]

قصة روووعه يعطيك العافية