ما فيه احد!!!

[وجهة نظر]

السلام عليكم
يا شباب أنا من مستخدمي هذه الأجهزه و محبيها في مواسم البر و الصيد .. و لكن الملاحظ تناقص مستخدمين هذه الأجهزه بشكل كبير يعني الجهاز تقول خربان من الصمت اللي فيه
- هل هذا صحيح وإلا أنا ابالغ
- و ش السبب
شكرًا لكم

[رويلي]

في هواة بس انهم قلة وانا من رأيي المتواضع للاسباب التالية

السبب الاول لنفور المستخدمين هو قلة الحياء "لبعض" مستخدمي اللاسلكي, اللي يكبس واللي يشتم والبعض
ينفرك من الجهاز وبعضهم يستحل الموجه هو واخوياه ومايقبلون احد.
السبب الثاني الاجهزة وملحقاتها اصبحت مكلفة وتوافرها صعب.
السبب الثالث صعوبة استخراج الرخصة واذا ماكنت تحمل رخصة راح تتبهدل بكل نقطة تفتيش او اي دورية تشوف الاريل بامكانه يوقفك وخذ لك انواع المرمطة والبهدلة والجهاز ينسحب منك.
السبب الرابع طلعت برامج كثيرة على الايفون تقوم بعمل الاجهزة وتريح راسك بس انه يلزمك انترنت.

[وحداني بعرعر]

حياكم الله ,,

انا مع كلامك اخ رويلي في البعض وأحب أضيف شويتين .. بعد إذنك ,,

الصرا حة : الناس الان صارت تكره استعمال الجهاز دون الحاجة المطلوبة بسبب وجود أصحاب العقول الخفيفة والنفسيات فيه ,, وحتى أغلب المستخدمين لايفقه ابجديات المراسلة الصوتيه عبر اللاسلكي !! لدرجة انه لايعرف مالهدف من انتاجه ووجوده أصلاً!!

بالنسبة للشباب اللي يتربع على العامة وإرساله قوي .. ترا والله ماهو متغير ارسالك او اخوياك بيضيونك لو طلعت أو نزلت 25 - 100 - 600 10 MGHZ

بالنسبة لي شخصياً ,, جهاز اللاسلكي يشتغل مع السيارة مباشرة وين ما أروووح .. خصوصا وقت السفريات والخوط وأبحث يمكن تلقى شقردي يسليك بالسوالف ويقزر المسافة معك ..

أخيرا .. أقولها بصراحة . الدنيا فيها الصاحي والمجنون _ كذلك الجهاز_ وأنت بأخلاقك وأسلوبك بتلقى مقصدك , واللي مايصلح أحشم نفسك عنه ..

[Obu-Nasser]

بالنسبة لي اذا كنت موجه للبر اشغل الجهاز اتسمع واسولف وانشد عن علوم المطر او الربيع، ووسع صدري، ساعات تلقى ناس سواليفهم توسع صدرك خصوصا القرى اللي حول المدن، واذا جيت مكان جديد انشد اهله عن الشعبان او الاماكن والقى جواب، الجهاز ممتاز ويخدم راعي البر.