كيـف تعرف هل يستطيع طيرك المشاركة في السباق ام لا؟؟

[المري]

السلام عليكم

اخواني الاعضاء .. قد اقترب موعد سباق الصقور لهذا العام في النعيرية وعندي كلمة بخصوص اطيوركم وهي كيف تعرف هل طيرك يصلح للمشاركة اما لا.. ؟؟


بخصوص الحرار :

يجب ان يكون مقاسه 16 فما فوق , ويجب انه يأتي على الشلو وهو قاضب الأرض , يعنى مايرتفع من الارض

ويفضل ان تعمل له اختبار وهو ان تخلي واحد يحول بالشلو (( الملواح)) وانت تروح 400 متر وتهد الطير على

اللي يدعي وتكون انت تقيس المسافة بالثواني تشوف كم ثانية يحتاج حتى يصل للملواح؟؟

فاذا كان سريع فلا تتردد في التسجيل فهذا المسابقة الهائلة التي رصد لها 9سيارات.. ومبالع مالية..

اليكم الشروط:




http://www.n373n.com/mt/134.jpg

[عاشق شاهين]

السلام عليكم
مشكور اخوي المري على هذا الخبر
وسلامتكم

[جيتك يابعد حيي]

مشكور أخوي المري
بس كم الوقت لقطع هالمسافه 400 متر وهل المسافه في السباق هي 400متر ولا أكثر....

[ابو عايد]

تسلم يابو معيض واربك معهم واتمنى اعضاء مكشات يشاركون

[المري]

تسلمون جميعا .. وماقصرتو

المسافة في السباق 400 متر وبعد ماينتهون من السباق يشوفون اقل ثواني في قطع هذه المسافة , واقل واحد هو اللي يفوز..

[أبو شعلان]

بسم الله الرحمن الرحيم

لاهنت يابومعيض ... وبيض الله وجهك ...

,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,
:j

[501]

الله يعطيك العافيه يا المري ****** 501ttp://www.m5zn.com/uploads/59114c3065.jpg[/img][/

[المري]

مرحبا ابو شعلان وحياك الله وتسلم على الرد..

مرحبا 501 وتسلم على المرور

[ولـد الدوادمي]

كفيت ووفيت وانخوك

والله يكثر من امثالك

[BMW735]

ماهو المقصود بالشريحه فى الشروط

[المري]

مرحبا ولد الدوادمي

وتسلم على المرور..

**

الأخ بي ام دبليو

الشريحة توضع في منحر الطير تحت الجلد وفوق اللحم وهي تحمل رقم يستخرج بواسطة جهاز ماسح , تمسح على منحر الطير ويعطيك الجهاز الرقم..

وكم فترة نزلت موضوع كيف تركيب الشريحة وصورتها فهي صغيرة مثل حبة الرز.. ياليت مشرفنا ابو عايد يدور لنا الموضوع الله لايهينه.

وسلامتكم
اخوكم - المري

[فهد الميموني]

:) الله يعطيك العافيه يابومعيض وعندي كم سوال كم كان زمن اسرع طير العام الماضي على اساس اقيس عليه؟وسمعت من زميل لي انه لازم الطير يقضب الملواح يعني لو نش الملواح وشهر ما تحسب النهايه الا يقضب الملواح؟وبالنسبه للطيور اللي يلوح لها بسبب(خيط) وحمامه ميته بدلاً عن الملواح العادي(مايبي الملواح)؟وبالنسبه للحرار الفروخ ولوحوش والبيتيات جامعينها جميع ولا لا؟ وش حال التفاريخ والتهجين؟؟؟؟ ومعليش على الإطاله يابومعيض***********

[المري]

حياك الله يالمرزم وتسلم على هذه الأسئلة الشاملة التي سوف بأذن الله يستفيدون من الأعضاء والزوار..

اسرع الطيور العام الماضي هي شاهين جابت 22 ثانيه و6 من اجزاء الثانية..


أما اسرع الحرار جاب 22.22 ثانيه, اما الجيره جاب 23.05 ثانيه ..


هذا الاجابة على السؤال الاول

****

[المري]

اما ان الطير يقضب الملوح فهذا غير صحيح لان التوقيت يتوقف قبل ان يأتيك الطير 25 متر يعنى توجد الكيمرا حق التوقيت قبل اللي يدعي

يعنى لو ماجاك طيرك على الملواح مافيه مشكلة اهم شي ان يطوف خط النهائية.. (( ارجو ان تكون واضحة)).

**

ثالثا : ممنوع انك تدعي الا بالملواح فهذا من شروط المسابقة..

***

رابعا: بخصوص الفروخ والوحوش والبيتيات كلها مع الثاني يعنى مافيه تفريق بينها ..

***

خامسا: المهجنات لها شوط لوحدها والجوائز الى الخامس يعنى الاول والثاني والثالث سيارات والرابع والخامس جوائز مالية..


**

وأشكرك مرة اخرى على هذه الأسئلة المهمه . وحاااضر وفي انتظار اسئلة اخرى.\


معلومات عامه عن السباق في السنه الماضية:





أعداد الطيور المشاركة



الحرار :350 حر

الشواهين: 105 شاهين

الجيره: 102 جير






إحصائية بأعداد وجنسيات المشاركين في المسابقة



سعودي: 364

اماراتي : 24

بحريني: 1

كويتي: 33

قطري: 30



المجموع : 453 شخصا



وسلامتكم

اخوكم - المري

[مبسوط]

لو سمحت اخوي المري سؤال
زي ما انت عارف ان الهواء يتحكم في سرعت الطير يعني اذا كان متنطح الهواء والا معه او اليوم يكون فيه هواء وبكرا راكد الهواء شلون يقيسون السرعه مع هذا الهواء علشان الدقه في القياس ؟
والف شكر يا ابو معيض على معلوماتك

اخوك الصغير مبسوط

[الدنهل]

يعطيك العافية على المعلومات
وشاكر لك

[المري]

اخوي مبسوط..

في اخر اليوم ياخذون اسرع 3 اطيور وبكره كذلك ثم يدعونها في يوم واحد ويشوفون الأسرع منها ..

لان 350 طير من الحرار يطلع منها 15 طير , يجمعون ال 15 ويدعونها في يوم ويكون الهواء عليها متساوي.. علشان مايكون فيه ظلم


وحاااضرين لأي أستفسار..

اخوكم - المري

[ابو عايد]

السلام عليكم ورحمة الله وبركاته



ابشر يابو معيض



من هنا معلومات عن الشريحة التي تركب في صدر الطير ( شرح بالتفصيل) (http://www.mekshat.com/vb/showthread.php?t=49476)

[القـــناص]

مشكور اخوي

المري

على هذه المعلومات

الطيبه وشـــكـــراً

[المري]

تسلم يابو عايد وماقصرت . يالغالي..

**
حي الله القناص .. ومشكور على المرور

اخوكم - المري