هل أنت ممن يصطحب أهله معه في البر [الأرشيف]

كن كن

14/01/2007, 09:19 PM

نتطرق لهذا الموضوع عسى يكون مفيداً بالنسبة إلى الذين لا يقومون بالتنزهه بأهله وأخواته معه
نلاحظ كثيراً من الناس ممن يؤيد خروج النساء معه إلى البر وبعضهم يمتنع ذلك الله يهدينا وأياه لا نعرف السر ؟ وطرحت هذا الموضوع لكي ترق قلوب ممن لا يتنزهون بأهليهم وتركهم في البيت وأنا من الناس المؤيدين بشدة بخروج أمي أو أختي معي للبر إذا كان المكان قريباً فقط أما الأماكن البعيدة فأقول لهم أسمحوا لي .
لا حظها بنفسك وجربها وتعال قلي وش صار معك مثلاً ؟
إذا جاء يوم الخميس قل لأمك وأخواتك وأخوانك الصغار يالله تولموا بنطلع نكشت الصبح بنطلع للبر تلقاهم يستانسون ويتجهزون وتلقاهم مبسوطين . أنت يالشخص لا حظ الفرحة وأنت في البر لأهلك والله أنها تدمع عينيك أحياناً لأنك تريد شيء تسويه يكون راضين عليك فيه وترى فوائد البر للنساء كثيرة تلقاء البنت في البيت ما تطبخ ولا تزين شيء بس في البر تطلع شقرديه تشتغل .
تدري أنت وش بتطلع به ؟ بعد تكرر الخروج بأهلك للبر أو سواء إلا أي مكان ؟
سترى أن أخواتك يقدرونك تقدير ويحترمونك أحترام يحترونك تجي بس وإذا رحت منا ولا منا قالوا وين أخونا فلان الله يجزاه خير يمشينا ويوسع صدرونا .
نسأل الله أن يجعلنا من البارين بأهلينا وأن يوفقنا برد الجزيل إليهم بالبر لهم والدعاء والعمل الصالح .

http://www.mekshat.com/pix/upload/images25/mk18297_asas.jpg

مشاري1427

14/01/2007, 10:08 PM

نعم بالسياره فقط او مكان قريب او العائله كثيره جدا

الشبح2000

14/01/2007, 10:12 PM

انا مع اخذ العائلة للبر و لكن بضوابط معينة منها :
- اختيار المكان المناسب ( لاتبعد بالحيل ) و المهم يكون المكان مغطاء بالجوال
- الوقت المناسب للطلعة ( من الصبح للمغرب ) مع مراعاة الحرص أن يكون الجو ماهوب برد بالحيل
- البعد عن الأماكن اللي يجتمع فيها الشباب ( البزارين ) أهل القبوع و المسجل و الازعاج
- الاستعداد الجيد لمثل هاالطلعة ( تحيزم وخل كل شئ راهي )
تبقى وجهة نظر

قناص سدير 999

14/01/2007, 10:14 PM

نم اذهب بهم الي المنتزهات البريه ( طلعه خفافيه يوم الخميس من الصباح الي العصر )

الباحث_الصغير

14/01/2007, 10:16 PM

صدقت والله إني أنظر اليهن واشفق عليهن والخروج لهن بصحبة محارمهن متعة لهن وتحرر من قيود البيت (((بقيود))) وسعة للصدور وتصفية للنفوس والشحناء التي تحصل داخل البيت وخصوصاً إذا كانت الأجواء ربيعية أو أجواء ماطرة.

بريد5

14/01/2007, 10:17 PM

مشاء الله

كلامك يا اخ كن كن

في منتهى الروعة

وفعلا نحن نلاحضها .. خاصة في الايام هذي مع قرب الاختبار

وضيقة صدور الاولاد .. تذهب بهم كشتة خفافية .. تغير من نفسياتهم

سلمت يمناك

كن كن

14/01/2007, 10:34 PM

كلام كله روعة
سلمت يمناك أخوي مشاري والشبح 2000

وأخونا قناص سدير وبريده والباحث الصغير كلام والله في محله

الكـاسـر

15/01/2007, 08:17 PM

اصطحاب الاهل شي طيب ويفضل ان يكون هناك اكثر من رجل واكثر من سيارة

كن كن

15/01/2007, 09:10 PM

مشكور اخوي الكاسر على المشاركة وكلام في محله

ماجد يوسف

15/01/2007, 09:14 PM

صدقت اخوي خرجت الاهل في البر طيبه

ملحضه...............

لاتكرر المكان كثير وخاصتا اذا كان بعيد

طمعا لاتنسووووووووون تشلون معكم السلاح

الفهد11

16/01/2007, 01:19 AM

والله انا أأيد كلامك اخوي كن كن
بس تلقان قليل جدا اخذهم للبر وامشيهم

ليش مادري

غبارالماس$

16/01/2007, 01:58 AM

السلام عليكم ورحمة الله وبركاته
الله يعطيك العافيه اخوي على طرح موضوع والله العضيم انه مهم
كثير من ا لناس ما همه الا نفسه وما ذاق الفرحه الي نشوفها في عيونا الأولاد والصغار وحريمنا الي الله سبحان وتعالى ثم رسوله اللهم صلي وسلم عليه امرنا بلإحسان اليهم .تلقى هذه الرحلات تصفي النفوس وتزيد المحبه بين الأهل . والمفترض الواحد ينسق في الطلعات بين الأهل والربع فكلا له حق عليك بس اهم شيئ هو الحذر والحفاض على الثوابت الدينيه والعفاف

كن كن

16/01/2007, 02:27 PM

الله يعطيكم العافية على التفاعل

بيتر

16/01/2007, 03:18 PM

حق واجب للعائله الخروج بهم للتنزه............الاسبوع الماضي ضفيت العده والخيمه وخيمت في شعيب المحارق والله الكشته انواع الفله .............@

المسفري

17/01/2007, 08:19 AM

اصطحاب الاهل شي طيب ويفضل ان يكون هناك اكثر من رجل واكثر من سيارة
أكثر من سياره
أكثر من رجل
مكان غير بعيد
الأبتعاد عن أماكن الشباب ( الورعان )
لنهار واحد أي قبل المغرب تكونون راكبين السيارات
ولايهون أخوي الكاسر
أخوكم / المسفري

ابوساري

17/01/2007, 08:44 AM

أخوي (كن كن)

كلامك جميل جدا ,, وهذا اللي المفروض يصير .

لكن بعض الاخوان هنا عقدو الأمور : ( سلاح ,, أكثر من رجل ,, أكثر من سياره !! ) صارت معركه ماهب كشته .

الا خذ عييلك واطلعوا مكان مناسب ولا تبعد مره ولزيادة الاطمئنان خلك حول كشاته عوائل ,, وما هنا الاالعافيه .

كن كن

17/01/2007, 02:28 PM

مشكور أخوي أبو ساري وكلامك في محله

الجمرة

17/01/2007, 03:32 PM

اهم شي المكان اللي تروح له معروف عندك يعني لاتسوي نفسك صقر البران وتورط نفسك وتورط هلك معاك
واهم شي تكون مسلح بسلاح ناري
احتياطا فقط
والامن الحمدلله موجود ولكن الانسان لايعلم ماذا يحصل له في البر ويكون معاك اكثر من رجال واكثر من سياره والجوال موجود فيه التغطيه
واسال الله تعالى ان يديم نعمة الامن والامان في مملكتنا الغاليه بقيادة الفارس ابومتعب حفظه الله ورعاه واطال في عمره
واسف على الاطاله
ومشكوووووووووورين على الموضوع

دايم البر

19/01/2007, 11:37 AM

اخوي كن كن ولايهونون الأخوه الباقين
موضوعك ممتاز وتشكر عليه
هناك ادعيه واذكار لاتخفى على الجميع
من داوم عليها باخلاص لايصيبه مكروه
بمشيئة الله.
واخذ الأحتياطات الضروريه على حسب الكشته مطلوب
(( اعقلها وتوكل ))

......

ريم البراري

19/01/2007, 11:49 AM

يوجد موضوع جدا جميل لاحد الأخوان لكن مالقيت الرابط الخاص فيه عن نفس الموضوع
وانا احب اضيف ان اكثر اللي يحبون البر للأسف مايستانسون الا مع ربعهم اما الاهل للاسف مالهم نصيب
قال رسول الله صلى الله عليه وسلم ( خيركم خيركم لأهله ، وأنا خيركم لأهلي ).

alyos13

19/01/2007, 12:32 PM

انا مع اخذ العائلة للبر و لكن بضوابط اخذ العائلة للبر و لكن بضوابط معينة منها :
- اختيار المكان المناسب و المهم يكون المكان مغطاء بالجوال
- الوقت المناسب

ابو درع

19/01/2007, 02:44 PM

ليش لا ....

ولدالعم

19/01/2007, 05:01 PM

مكان يكون فيه حركة بسيطة من كشات العوائل
يعني حولك ونس
واهم شيء السلاح الناري ويكون واضح
المكان يكون غير رملي يا زين الدكاكة بعد لو تحصا والبعد عن الغدران حتى يلعب الضغار دون خوف عليهم

كن كن

20/01/2007, 08:15 PM

هلا فيك أختي بنت الرس على المشاركة وأخونا ولد العم على إبداء أرائكم

مساعد99

20/01/2007, 11:35 PM

الوانيت1

22/01/2007, 02:46 AM

يوجد موضوع مشابة تماما لهذا الموضوع فى نفس هذة الخيمة تحت مسمى (((حوار مفتوح ولكن لا....)))وأحتمال هذا أللى تقصدة أختى بنت الرس والرجاء من ألاخوان الاطلاع على ذالك الموضوع.....السلام ختام/////..

ابوهتون

22/01/2007, 02:57 AM

اراء اكثر من ممتازه...ولي سؤال: اذا بغيت ابيت انا والعائله...ماذا علي ان افعل؟ وشكرا.

برق و سحاب

22/01/2007, 03:17 AM

مشكلة العوائل مشكله واهم مشكله ممكن تواجهم اذا ماصاروا في مخيم هي دورات المياه لو يحطون عند بعض الفياض القريبه مثل خريم والطقه وبع

برق و سحاب

22/01/2007, 03:20 AM

مشكلة العائله والطلعات بهم بدون خيام مشكله عويصه وهي عدم توفر دورات مياه عشان كذا تحصل نفس الحريم ودهن يطلعن بس يتعذرن بأي شي عشان هالسبب اللي قلته .
وعيال اللي منيب قايل واجد كلهم بدرابيل وكاميرات الله يكفينا الشر ويستر على اهلنا

كن كن

23/01/2007, 08:44 PM

مشكور اخوي برق وسحاب على المشاركة

نجم حفرالباطن

25/01/2007, 01:38 AM

والله لابد ان تخرج اهلك للبر لنزه اما انك في كل مره عندما تخرج تاخذهم لالالا انا من المعارضين لهذه الفكره

راشد الحربي

25/01/2007, 01:48 AM

كلاااااااااااااااااااااااااااااام اكثر من رااااااااااااااااااااااااااااااااااااااااااااااائع .. جزاك الله خير ..

sasasasas

26/01/2007, 01:25 AM

مشكوووووور اخوي كن كن على الموضوع

والله يعيطك العافيه

والله اذا قريب والله انا من المويدين بشده على خروج الاهل للبر
وتغير جو البيت
والي ما يطلع اهل والله غلطان وما تسوي ضيقة صدرهم
وانا اقول طلعهم يوم واحد والله تسوى عندهم سنه ما ينسونها

كن كن

26/01/2007, 02:01 PM

مشكور أخوي الحربي على المشاركة

محيط

27/01/2007, 10:46 PM

قال الرسول صلى الله عليه وسلم ( خيركم خيركم لاهله وانا خيركم لاهلي )
اشكر اخوي كن كن
بعدين ياخي وش تسوى اذا طلعت انت وهلك وشبيت ظو لعجوزك والا شايبك وسعت صدرهم
واذا بغيت تطلع رح للماكن المعروفه بعوايل والماكن كثيره للعوائل
ويستحسن انكم تكونون اكثر من رجال يعني كلم انسباك وجماعتك وتصير كشته وصله

الربذي

28/01/2007, 07:17 AM

السلام عليكم
اخوي كن كن كلام لاغبار عليه ذكرتني بقصه حدثت لجارنا او بالاحرى بجارتنا
السالفه انهم عندهم ولدين شباب بالثانوي لكن واحد منهم اذا نزل المطر اول شي ياخذ امه وخواته ويلف فيهم تخبر عندنا بحايل الشعبان والوديان والجبال لاتبعد اكثر من خمسه الى 8كم عن المدينه وياسلام انواع الشلالات باجاء وقت الامطار ولابجنب شعيب يمشي وتشب الضوء وتسوي بسرعه قهوة وشاهي خفافي طبعا بعد ان يمشي اوه وخواته يرجع ويستاذن ويطلع مع ربعه
ويقلون الطيب عمره قصير قصة وفاته غريبه سبحان الله رحمه الله
امه ملتاعه عليه مره مره وتبكي ليل ونهار تقول هو اللي بار فينا ويودينا ويوسع صدورنا ثم يطلع مع اخوياه تقول هو غير هو غير رحمه الله
عني اطلع مع العائله الصغيره بحكم ان اهلي بمنطقة ثانيه
ورحم الله امي الحنونه
طبعا تبي الصدق ماستانس صح الا معهم لكن هناك قيود عليك طبعا
لكن الزقرت طليق
وزي ماقالو الاخوان تشوف الفرح من تقول نبي نطلع قيله بس انا الوحيد من الزملا اللي اقول ابي اكشت لان القيله بالقيلوله وشلون يصير بالشتاء

ممتر البران

28/01/2007, 07:32 AM

عز الله انك صادز بس مهيب اي طلعه تاخذ اهلك لها
وفيه اشياء لزوم تنتبه لها مثل انك ما تبعد عن الخط يعني سبحان الله
وتاخذ احتياطاتك من كل النواحي من السلاح للماء وللاسعاافات الاوليه اللي كثير منا يستهين بها
والشباب ما قصرو
وعز الله انك ابيض وجه اللي ذكرت هالنقطه واللي ما فيه خير لاهله ما فيه خير لاحد

مجتهد***

28/01/2007, 07:54 AM

أنا معك
لاكن تكون الطلعة بضوابط
الأخوان كفوا و وفوا

altheeeb79

28/01/2007, 08:30 AM

بسم الله الرحمن الرحيم

لاتطلع بالحريم ولا بالصغار وخلهم ينطقون بالبيت وشوله تكشت بهم 0الكشتات للرجال0000

لا والله تراني أمزح يامسلمين00

الا أكشت بعيالى وأمهم وأنا اللى أضبط الغداء والقهوه والشاهي وأشري لهم اللي يبغونه بطاطس وعلوك وحلويات 0والله يازين الطلعه بعيالك يارجال والله ياهي وناسه لاشفت عيالك يلعبون بالكوره قدامك وأنت معهم أو تشوفهم يتلاحقون00 واللي أنا ملاحظه أن عيالي الصغار يحبون النفوذ أكثر من الشعبان والارض القاسيه00000ليه؟

لانهم يجلسون وقت طويل وهم يخلطون الماء مع الرمل ويبنون جدران وبيوت وماني داري وش بعد000 يعني فعلا يتمتعون بالطين000 وأمهم معهم تساعدهم وتعلمهم وأنا صاير الطباخ لهم 00يعني مريح الام والاولاد00

بالمناسبه (سمعت أن الرمل وسيله تعليمه قويه للاطفال) وأعتقد أنه في مدارس رياض الاطفال يحضرون شحن من الرمل ليلعب بها الاطفال000

أما بالنسبه لدورة المياه نعم هي مشكله 00ولكن يمكن حلها (أشتر خيمه صغيره حمام وأنا شفتها عند (جيان) وقيمتها أعتقد حوالي 70 ريال وسهلة التركيب جدا)

أما هالحشرات اللي يدربلون فخل أهلك الله يحفظهم بعباياتهم ونقابهم أو براقعهم والشكوى لله00

أما من ناحية المبيت فرأيي الشخصي أنه خطر الا في حالة وجود عدة رجال مع العوائل وكثرة السيارات تساعد على الحمايه باذن الله 0 لان اللي في راسه شئ ويشوف السيارات والرجال كثيرين يهون ويدور صيده أسهل (والسلاح مهم مهم مهم في حالة المبيت حتى ولو كانت المجموعه كثيره)000

والسلام عليكم ورحمة الله وبركاته000

كن كن

28/01/2007, 12:29 PM

الله يعطيكم العافية أخوي ثامر الربيعان على مشاركتك
وتحية لك يالربذي على كلامك
ومشكور أخوي ممتر البران واخوي مجتهد على المشاركة

إعصار

28/01/2007, 02:10 PM

والله مثل ما قالو الاخوان حنا نطلع الاهل ..

لكن يجب ان تراعي امور كثيرة منها انك ماتبعد والمنطقة فيها ارسال ومعك اكثر من ثلاثة رجاجيل اذا

كانت العائلة كبيرة ...

ويفضل اخذ السلاح وهذي نصيحة يالربع ..

لاتتهور لكن لاتفرط اذا انت في البر تراى فيه ناس ماتخاف الله وانت اهم ما عليك عرضك ..

وعشان تتحاشى الزحمة ذي لا تتطلع الا في مكان فيه ناس مثل روضة خريم ممتازة جدآ للعوائل ,,

اما اذا الدعوى شباب شق بهم البر ياسنايدي,,

وعلى طاري دورة المياه في خيمة بلاستيك مزينه السنيدي قويه تبي لك حفرة بسيطة وحط هذي الخيمة فوقها وخلصنا

انا شاريها من محل مكشات الي في الدائري الجنوبي مخرج الترمذي..

كن كن

28/01/2007, 02:23 PM

الله يعافيك اخوي إعصار أبد البر ما يحتاج حمام

إعصار

28/01/2007, 02:54 PM

للعوائل اقصد الله يعطيك العافية ..

صعبة ان الحرمة تبعد تقضي حاجتها ,,

وان مر سيارة ولا اي واحد الا حط لك حمام بعيد من جلستكم شوي واذا بغت الحرمة شي تروح له

( تبقى وجه نظر )

للشباب كلام ثاني لا من ناحية حمام ولا من ناحية قرب المكان ..

حياك يالغالي ,,

سكتون

28/01/2007, 02:59 PM

اخوي كن كن
يعطيك العافية صحيح كلامك وتطرقت وافادت الجميع بموضوع مميز جدا والذي اعجبني ايضا ردود الاخوان والتفاعل

كن كن

29/01/2007, 10:32 PM

نسلم أخوي سكتون على كلامك والله يعطيك العافية

القناص

29/01/2007, 10:55 PM

ادخال الفرح والسرور الى اقرب الناس اليك هو من اسرع الطرق للوصول الى السعادة

وحب لاهلك ولزوجتك ولفلذات كبدك ما تحب لنفسك

"وخيركم خيركم لاهله"

كن كن

03/02/2007, 12:30 PM

هلا فيك أخوي القناص على مشاركتك ويسعدني مرورك

S T A R

04/02/2007, 01:29 PM

الله يعافيك .... لهم حق ...

كن كن

07/02/2007, 02:21 PM

مشكور اخوي ستار على مرورك

AbuAnas

21/02/2007, 11:26 AM

و لله الحمد هالسنة طلعت بالاهل أكثر من طلعتي مع الشباب ..
يوم طلعت بهم في العيد الى التنهات انهبلوا :d

ناوي نيه

22/02/2007, 12:16 AM

ماشألله عليك ياكن كن الله يوفقك انشألله ونكون من البارين بهالينا امين

poiuytrewq

09/02/2009, 02:57 PM

الا خلم بالبيت أبرك لهم..

خن بط

10/02/2009, 10:50 PM

خيركم خيركم لاهله
وليش ماتاخذ بزرارينك وامهم وتكشت بهم

خلهم يتسلون ويستانسون وانت بعد حاول تجيب لك معلقه من معلقات العشاق القديمه
وانسبها لنفسك واقعد اهلس وتغزل لين يجي مسيان وضف قراشيعك وشنودك وارجع

ومر الصيدليه على دربك وخذلك شراب كحه هستوب تراه ينفع للي عنده اطفال ماينامون اذا تعبوا
بس لاتغلط وتعطيه لام العيال

وانصحك بالزنجبيل تراه يصفي البلوف

كن كن

11/02/2009, 08:51 PM

شرفني مرورك يالقناص ويعطيك العافية على المشاركة

مسماري

11/02/2009, 09:07 PM

طلعه خفيفه وقريبه ......

اما مع مجموعه المبيت لاباس به

الوانيت1

11/02/2009, 11:45 PM

المجمعه

12/02/2009, 11:14 AM

عطيك العافيه اخوى كنكن

وهذا واجب على الشخص انه يمشى اهله .. واللى ما يوديهم هذا انسان عاق

اكرر شكرى لك اخى كنكن على هذا الموضوع

فا رس

12/02/2009, 02:44 PM

اذا تزوجت ابطلع كل يوم
بلا شباب بلا عزوبيه

ابوقاسم

16/02/2009, 12:39 AM

بالعكس
تراها ترى ذكراها ما تروح من البال وهي نوع من انواع التربية لانهم يتعلمون من ابوهم وشلون يكون مع الناس ومع اهله واذا كبروا تشوف اطباعهم مثل ابوهم واللي يقول اعيالي يعصوني ولا يطيعوني لانه مبعد نفسه عنهم ولا هو حاب الطلعة معاهم ولا الجلسة معاهم وهذ يخليهم يبتعدون عن اخلاقة واطباعة
ادري اني طلعت عن الموضوع بس ترى الكلام في هالنقطة واسع جدا
واتمنى ان كل واحد يقرا الموضوع ولا قد جرب الطلعة مع اهله انه يجربها وكلام الاخوان كله مضبوط وهي حسب الحاجة
اشكرك اخوي كن كن على طرح الموضوع وبارك الله فيك

كن كن

16/02/2009, 10:17 PM

شرفني مرورك ابو قاسم

عاشق المتنبي

17/02/2009, 07:37 AM

هلا أخوي كن كن , موضوعك جميل , وأنا أؤيد طلعة الأهل للبر بشدة , لأن البر ما يحلى إلا بهم , لكن إذا اكن المكان بعيد جدا فلا يحسن الذهاب بهم إلا إذا اكنت عوائل كثيرة , يعني سيارات واجد وشباب وشقردية فهذولا ما عليهم خوف لو تحطهم بالربع الخالي .
لكن أنا عندي ملاحظة على بعض الشباب الله يهديه , وهو أنه يطلع هو وزوجته وأطفاله , ويسوي نفسه جزوم , ويبعد مرة , ويدخل وسط الطعوس ويجي عليه الليل وهو ما رجع مسوي نفسه ثقة وقوي , أنا أسمي هذا هبال مهب كشتة , لأن المرة بالبر وبالليل وأنت وحداني مشكلة مرة , والحزم كل الحزم أنك تكشت أنت وعيالك قريب , وإذا جاء الليل تقربون , والعاقل من أخذ بحزم الأمور قبل الندم .

غاوي رومانس

17/02/2009, 07:44 AM

بصراحة انا من النوع والحمد لله اللي لازم اطلعهم البر

وياي بكثرة يعني ماتحلالي الجلسة الا واشوف ولدي الصغير

يلعب قدام ومبسوط ويلعب بالتراب ويروح ويجي

والحرمة اللي بالبيت من تنظيف وطبخ وماادري ايش

اشوفها مرتاحة في الطلعة معاي وكل شي جاهز لها

تسلم اخوي وماقصرت على الموضوع واللي اشوفه بصراحه مهم كثير

بحكم ان اغلب الشباب الله يهديهم مايهمه الا وناسة نفسه بس