اعطال بعد نزول السياره للسيل

[أبو حور.]

السلام عليكم ورحمه الله وبركاته

اخواني انا معي اف جي 2009 نزلت لي مع شعيب ووصل الماء إلى نص البيبان فتعلق الموتر وبدا يدخل الماء من الباب من جهة السائق لانها كانت مائله بجهة السواق بعد تقريبا ربع ساعه سُحِبت وطلع الموتر طبعا ماطفى الجيب بس بعد ماطلعت طبعا تعرفون صوت السيور بس اختفاء ولاكن الهوبات اتوقع ينسمع صفيرها على بعد 2ك😢 المشكله الي عندي ان صوت السلف تغير ولازال له ثلاث ايام ع هالحال ممكن تفيدوني
ماذا تنصحوني به للاحتياط ان كان يحتاج اغير شي بعد هالطمسه المريره ولكم تحياتي

[عمرين العمري]

صار معاي شيئ مشابة بفورد اكسبيدشن ورحت الميكانيكي فك الهوبات ونظفها ومشيت الامور ولكن مستوى الماء اقل من الي ذكرته مع سيارتك

[ابوراكان تبوك]

الهوبات اشتر صنفره بلوف من محل اللوازم بـ 5 ريال وصنفر الهوب من الجهه الخشنه وتنسى الصوت

السلف لازم تفكه اذا طول الصوت وتنظفه وغير النحاسات اذا فكيته

[مترجم قوقل]

أهم شيء تفحص زيت الدفرنس والقير والدبل أكيد داخل فيهم موية من فتحات التهوية. كذلك شحم الموتر كامل من تحت.

[أبو صاروخ]

فحمات سلف
تبديل جميع الزيوت
تشحيم
والله اعلم

[أبو حور.]

الله يعطيكم العافيه فعلا فحمات السلف بس قالي المكانيكي اصبر احتمال الصوت يرجع