اعراض خراب طرمبة البنزين

[ابو ناصر2011]

مساء الخير على الجميع🌹🌹

حبيت استفسر عن الامور الي تسبب خراب او ضعف الطرمبة

لان عندي باترول واسمع اذا شغلت السويتش صوت الطرمبة قوي نوعاً ما فهل معنى هذا انها بتخرب ولا شي طبيعي افيدونا وليدلو كل بدلوه...

[4200]

مساء النور
من اعراض خرابها ضعف العزم خصوصا اذا نطحك هواء او في السنود احيان تسمع صفق بقربة الهواء
لاكن غير الصفاية تراها تأأأثر والبركه في باقي الاخوان يدلون بخبراتهم

[hassan-55]

اضافه الى ما ذكره اخوي بالرد اعلى
يظهر تفتفه وتكتيم وتقطيع قد صار لي موقف ويادوب وصلت الصناعيه بالاول ويالله
أحيان ما تلحق عليها تجي فجأه
والسبب من المحطات الفاشله اللي ما فيها فلتر والمحطات اللي بالخط
اذكر عبيت بنزين من محطه مقابل الفحص الدوري ومن بعده تعطلت الطرمبه
الحين لي فتره طويله ما اعبي الا من المراكز الكبيره مثل الدريس ونفط والتسهيلات احيان

[ابوسند9]

زي ما ذكرو الاخوان
واضافه الى ذلك , تبغى الطرمبة تعيش معاك الى مالا نهايه , غير صفاية البنزين , كل سنه , لان الصفاية هي رئة الطرمبة
واذا السيارة ماشية اكثر من 300 الف كيلو غيرها افضل وسعرها ب 280 ريال

[ابو ناصر2011]

يعني اذا طلع لها صوت يعتبر شي طبيعي اذا ماكان فيه تقطيع ؟!

[ابوراكان تبوك]

اهم من الطرمبه كلها قطعه لو تخرب بتغير طرمبات بالدرازن

منظم البخاخ او راجع البنزين اذا خرب يخلي الطرمبه شغاله على طول وتحتر وما تطول الا وهي محروقه
+
الصافيه
+
الصفايه الداخليه اللي جوا التانكي اذا كانت موجوده بموترك

الطرمبه فحص بالساعه او الكمبيوتر يبين لك قوتها