الفزعة يا أهل الخبرة

[متيم بالهوى]

السلام عليكم ورحمه الله وبركاته
يا جماعه الخير
عندي مشكلتين اتمنى اجد لها حل
اولا السيارة فورد ماركيز 2001
المشكلة الاولى ظهرت لي اليوم الصبح
حيث اني كنت موقف السيارة اكثر من 12 ساعة
وجيت الصباح اشغله ابحميه واشتغل لكن لاحظت
لمبة الزيت شغالة ما طفت غير بعد ما طلعت الحرارة ربع
المشكلة الثانية كلمة دايم تطلع لي فالطبلون تشتغل لمدة بسيطة
تقبع وبعدها تختفي الكلمة بالانقليزي

OVER×DRIVE×OFF

[متيم بالهوى]

وين اهل الخبرة

[سفاري سوبر]

الحق على طرمبة الزيت

[MSAN]

هلا بك ومرحبا

عندك مشكلة في دورة الزيت داخل المكينة.. يمكن الزيت ناقص أو الفلتر تجاري.. أو الطرمبة نفسها

المهم لاتشغل السيارة أبدا ولا تتهاون بلمبة الزيت أبدا أبدا.. لمبة الزيت هي خط أحمر.. أول ماتشوفها طف الموتر على طول



بخصوص الرسالة الي تطلع over drive off

هذي طال عمرك الزر الموجود وسط عصا القير.. اضغطه وتروح.. الي يخلي القير مايعشق النمرة الأخيرة




بالتوفيق

[متيم بالهوى]

الزيت ماهو ناقص
والفلتر اصلي متأكد منه
وعلامة الزيت ما طلعت غير مع هبة البرد ذاليومين ولا تطلع إلا إذا تركت السيارة مدة طويلة واقفة
ومن ناحية الزر جربت ضغطته ما طفت اللمبة وهي نادر تشتغل احيان تصيدها خمة وتطلع واحيان لا
يهمني لمبة الزيت ليه تشتغل اذا السيارة باردة واذا هي حارة ما تشتغل ومشيت عليها 3000 كيلو ما قالت شي ما شاء الله

[F34666]

المشكلة عندك فيه ضعف في الطرنبة الواجب التغيير او حط زيت خفيف وجرب غير السيفون يمكن السفون مو اصلي او مغشوش

[م س س]

زيت المكينه اللي تستخدمه وش نوعه وكم عيارة
بالنسبة للأوفر درايف اذا طلعت لك هذي الكلمة التعشيقة الأخيرة تعشق معك ولا تقعد في الثالث

[ابوراكان تبوك]

اقرب مالها ضعف الطرمبه شيك ع موترك واخسر 600 ريال بدل 5000ريال

الاوفر درايف له حساسين واحد داخل القير وواحد خارجي هو اللي يلخبط

[اابو مياس]

السلام عليكم اخوي لما تولع لمبه الزيت هل تسمع صوت طقطقه بلوف اذا ماتسمع صوت المشكله مو من الطرمبه
طيب امبير الزيت هل يكون نازل وبعد ماتحمى السياره يرتفع
انصحك تستعمل زيت موتر كرفت ٣٠-١٠ خفيف على طرمبه الزيت ولزوجه ممتازه خصوصا مقبلين علئ شتاء
بالنسبه للمبه الاوفر درايف هذي للقير ممكن الحساس الموجود اسفل. في القير مو ثابت اذا ماطفت اللمبه معك مع تثبيت فيش الحساس والا تنضيفه غير زيت قير وفلتر اصلي ويضبط معك

[متيم بالهوى]

وعليكم السلام ورحمه الله وبركاته
بالنسبة للطقطقه تطلع بسيطة اذا شغلتها الصبح فقط مو على طول
لكن لمبة المكينة وقفت السيارة وبردت وحصلتها شغالة لكن اذا احتمت السيارة ما عاد تشتغل
استخدم زيت توتال 20_50
مشيت عليه 3000 الحمدلله ما نقص

[متيم بالهوى]

من ناحية امبير الزيت انا عندي العداد اكتروني

[متيم بالهوى]

بالنسبة صوت الطقطقه اتوقع في الفوردات كلها
لكن عندي انا ما يظهر غير في التشغيل سواء في صيف او شتاء

[متيم بالهوى]

:(:(:(:(:(

[متيم بالهوى]

للفائدة تم تغيير الزيت من 20w50إلى 5w20(الموصى فيها من قبل الوكالة )
واختفت لمبة الزيت بعد التغيير ولله الحمد

[اابو مياس]

للفائدة تم تغيير الزيت من 20w50إلى 5w20(الموصى فيها من قبل الوكالة )
واختفت لمبة الزيت بعد التغيير ولله الحمد

الحمد لله علىً السلامه وانصحك تعاير الزيت باانتظام هاليؤمين لان لزوجه الزيت اختلفت والزيت الخفيف ينقص بسرعه اذا جلد البلوف تعبانه