ماهو أفــضـل عــيـار ضــغط هــواء الإطــارت ؟

[سكّين]

السلام عليكم ورحمة الله وبركاته

بغيت يالنشاما ادق وافضل عيار هوا وان حصل صور ;)

[تكفون]

والله يالحبيب على حسب خبرتي أعتقد بأنه العيار الذي يوجد عليه شعار ((كفرات مشلان )) ..

ممتاز جدا ...لكن لا أعرف أين يباع ...شفته مره عند أحد البناشر .

[دغيم]

السلام عليكم

أفضل عيار هو الخاص بـ ميشلان وفيه نوعان كبير مثل اللي عند اصحاب البناشر والثاني صغير يجي له علبة صغيرة وهو نوع جيد وقيمته تصل الى 50 او اكثر بقليل .
تجدها في الغرابي بالقرب من محلات ادوات السيارات بالقرب من محلات الكفرات
او من المحلات اللى في شارع الريل .

تحياتي . أخوك دغيم

[سكّين]

تكفون
دغيم

اعبتني مشاركتكم

لكن العيار الخاص بميشلان اللي ساعته تقل مروحة فيها اكثر من ربله هل هي ماتقصدون

[برادو]

السلام عليكم,
انا جربت انواع كثيره ما لقيت أحسن وأدق من الإليكترونيه تعطيك دقه بالنص ولا تفقع عيونك وانت تطالع الساعه وتوزن الضغط بالكفرات الأربع بدقه متناهيه وتدوم عندي لها اكثر من 6 سنوات غيرت بطاريته مره وحده.

[جبل خزة]

لسلام عليكم ورحمة الله
الأخ العزيز برادو .
يا ليت تتكرم وتدلنا وين نحصل هالعيار الالكتروني وكم سعره ولك جيل الشكر .

[العيد]

سلام عليكم

حيا الله الشباب اخوي برادو الله لا يهينك وين نحصل العيار الكتروني ؟ وش النوع اللي جربته بارك الله فيك ؟؟

[محب النياق]

احسن عيار الاكتروني اللي عند ساكو لونه اسود وفيه زر ازرق

[الرسسسام8808]

السلام عليكم شف طال عمرك والجميع
عند المحيميد اللي في الريل عيار (ميشلان) صغير جدا ودقيق جدا
وقيمته تقريبا60 ريال خذ وماجاك في ذمتي والله يوفقك والجميع

[ولد عبدالله]

من ناحيتي انا استخدم معيار ايطالي بــ 20 ريال عند محلات الزينه
وممتاز جدا

[المطنون]

السلام عليكم ورحمة الله وبركاته

رأيي الشخصي والي جربته وروعه ميشلان الصغير اشتريته بــ 80 ريال

واذا عايرت يثبت الانبير لمين تنسم الهواء وهالميزة تنفع لو بتروح بالعيار للنور

ومتين و يجي بالمخبات

واحس ان الالكتروني عملي لكنه ما يبي رطوبه ولا غبار ولا شي يعني يبي محافظة مررره >>>> مجرد رأي

اخوكم
لمطنون

[برادو]

السلام عليكم,

والله يا جماعه عندي أثنين واحد شريته من العليان بالرياض بس مدري عندهم باقي ولا لا والثاني واللي هو عندي من 6 سنوات ماخذه من الإمارات.

[الفتى المجازف]

ميشلان والتجربة خير برهان وقيمته 55ريال فقط لاغير اي زيادة فوق هذا السعر تعتبر غش وتدليس.
ميشلان هذا له عندي 7سنوات مامثله وكما تفضل اخونا المطنون.يعني يتحمل كافة العوامل الجوية.
تحياتي للجميع

[سكّين]

جزاكم الله خير وماقصرتو

[سرهيد]

السلام عليكم

اشوف الاكثرية يقولون عيار (ميشلان) صغير جدا ودقيق جدا

ياليت احد ينزل صورته

[bobnan]

السلام عليكم
يالأخوان انا جربت معيار من خيرة المعايير وهو معيار حديدي مثل القلم انجليزي اصلي يجي معه معيار تأكل الكفر
كلها انجليزيه وعمليه وصغيرة الحجم
وتلقونها عند وكيل رينج روفر لانها من اكسسورات الرينج اطلبها منهم وسعرها يقارب ال60ريال الا اذا ارتفعت او او انهم نزلو السعر
هذا الي عندي وافيدكم فيه
ودمتم

[غالي]

انا استخدم من 5 سنوات تقريبا معيار اليكتروني (جودير)
جايني هديه من احد اخواني
والله مااعرف كم سعره للاسف ومدري من وين شراه
لكن الي يحصله انصح به لانه فعلا ممتاز وعملي ولله الحمد
ولكن عيبه لايظهر النص او الاجزاء
هذا عيبه فقط
وهو صغير الحجم وبامكانك تستخدمه مداليه

[ابو راجي]

الله يهاديك احد يبي صور لعيار الهواء كلن يعرفه جعلك تسلم

[سكّين]

أبو راجي

كل يعرف العيار لكن فيه اشكال وأنواع في السوق ومثل ماقالوا الأخوان عددوا اكثر من صنف