مشكله في الفرامل مالقيت لها حل ..

[yazeed0044]

السلام عليكم ورحمة الله

عندي مشكله في الفرامل اعاني منها من رمضان ..

تقريبا 25 رمضان غيرت الفحمات مع خرط الهوبات الاربع ..

وبعدها الفرامل كويس اول يوم العيد الفرامل رجعت مثل ماكانت وديتها الليل ثاني يوم قالي واحد يبيلك تنظيف كليبرات نظفتهم ومن بعدها دواسة الفرامل ثقيله ...

الاشياء اللي غيرتها بالسياره

علبة فرامل
فحمات اماميه وكاله غير اللي غيرتها في رمضان
خرط هوبات حوالي 4 مرات
شريت هوبين اماميه
كليبرات للاربع كفرات من التشليح
وقبل يومين غيرت الاماميه من جديد بكليبر وكاله

الباكم وديتها للصناعيه القديمه بالرياض 4 ورش تخصص باكم قالو سليم


طبعا الموتر فيه حذفه احد الكفرات يسمك اقوى من الثاني

السياره النترا موديل 2011


تتوقعو المشكله من القسام ؟؟

[ابوسند9]

وعليكم السلام
الباكم اذا كان زي قاسي مره فهو عطلان وبنا على شرحك للمشكله فهو سليم
وانت شوف القسام لايكون مهرب زيت او فيه اوساخ ومسكر
والشي الاهم انك تركب زيت اصلي ,لو تضطر تفرغ الزيت القديم

[hassan-55]

ممكن من القسام او من بعض الليات
قبل فتره اخوي راح بسيارته يفحصها و رجعوه بسبب الفرامل ماتمسك مضبوط
وداه لميكانيكي قريب من الفحص وفك القسام ونظفه زين ورجع للفحص واجتاز
انا جربت الموتر قبل وبعد التنظيف للامانه صارت دعسة الفرامل لينه وسلسه وصار يوقف الموتر بأدنى لمسه ما شاء الله تبارك الله

انا مثلك جنني موتري بالفرامل صوت تكه مع الفرمله وما يوقف مضبوط
يوم من الأيام كنت فاضي وقلت المسأله سهله والقسام واضح وسهل فكه فكيته ونظفته بايسيدلكو الحقيقه ما استفدت كثير
ممكن اني ما نظفته زين او من الليات أتوقع يبي لهن تنظيف وان شاء الله ناوي اعيد الكره لا لقيت لي فرصه وافك الليات وانظفهن لاني شاك فيهن

اسف على الاطاله وبالتوفيق ان شاء الله تعالى..

[yazeed0044]

هلا اخوي اليوم انا وديتها لواحد بالصناعيه الظهر نسم لي الكفرات كلها وقعد يدور القسام لكن للاسف ماحصله قال بولف لك قسام ...

[yazeed0044]

احد يعرف مكانه السياره النترا 2011 الشكل القديم

[yazeed0044]

ابوسند9 (http://www.mekshat.com/vb/member.php?u=203067) الزيت غيرته .. فـ اتوقع مشكلتي من القسام لان اليوم نسمت وقالي احد الكفرات اتوقع ان الزيت مفروض يرجع مايبقى زي كذا اتوقع لاني ناسي وش قال لي بالضبط

[yazeed0044]

Up
.............

[برق العطاء]

ممكن فيه ضربة في جلب التوازن تاكد هي تسبب حذفة تحتاج تعديل

[أصيل حجآ زي]

وعليكًم السلآم ورحمةُ الله

آخي :
قد يكون القسآم من ضمن
تركيبة الكبآس الشيخ ( تحت علبة الزيت ) .
ما أعرف تفآصيل تركيبة سيآرتك آلا آن كآنت أمـآمـي .

يسمون القسآم بالعنكريزي :
((( كومبنيشن فآلف combination valve ))) .
ويــــســمــوه العلوج / الخمــــــاجـــــــــآت :
((( بوبيشن فـــــآلــف proportion valve ))) .
ولهً آســـمـاء أخرى .

فلا تخلــي البليد
أن يؤلف / يرهم لك قسآم .

يعني :
هل بيجي هذا الزبآل أفضل
من شركة هونداي العملآقة
ليصمم أو يصنع أو يرهم لك قسآم أو فرآمل !!!

[أصيل حجآ زي]

أبحث أنت بنفسك
في هذا الرآبط تحت ،

ما عندي وقت كآفي أبحث لك :

https://www.google.ae/search?q=hyundai+elantra+2011+brake+combination+va lve+location&biw=1278&bih=629&tbm=isch&source=lnms&sa=X&ved=0CAYQ_AUoAWoVChMIvuPLobHxyAIVA10UCh1GbwED&dpr=2#tbm=isch&q=hyundai+elantra+2011+brake+proportion+valve+loca tion

[yazeed0044]

يعطيكم العافيه ماقصرتو ببحث عنه وان شاء الله احصله

[yazeed0044]

للاسف السياره مافيها قسام نظامها مواصير موصله من اللعبه ومن الجهتين ... تنصحوني اغيرهم ؟؟

[hassan-55]

^^
دام مافي تهريب زيت حاول تنظفهم خل العامل يفرغ الزيت كامل وحط زيت اصلي الضاهر رقمه21 امريكي الصنع وان شاء الله تستفيد وبعدها طبعاً ينسم الهواء
مجرد اقتراح والله يسهل امرك وبلغنا وش يصير معك عشان نستفيد وتفيد الاخوان

[yazeed0044]

^
هلا اخوي انظف المواسير ؟؟
او اغير الليات

[yazeed0044]

الليات حصلتها بـ105 للواحد

باقي المواسير اذا رخيصه غيرتها وان شاء الله تضبط "("("(

[hassan-55]

اقصد اذا الليات سليمه ماشاء الله موترك يعتبر حديث ما اعتقد ان له داعي تغير
خل العامل يفكها وينظفها
المواصير بعد ليه تغيرها نظفهم جميع وان شاء الله تستفيد
أتمنى بعد تكون مشكلتك تنظيف فقط ما تطلع مشكله ثانيه
ولاتنسى تعلمنا وش يصير معك للفائده

[ابوطارش]

انت تقصد الدعسة قوية ذا من الباكم
شف لي يطلع من الباكم للثلاجة المكينه تأكد انه موصل
اذ تمام والباكم تمام تأكد من وزن الدواسة

[yazeed0044]

^
الباكم عندي سليم

مشكلتي احد الكفرات يمسك اقوى من الثاني وثقل بدواسة وليس تحجير الباكم تتحجر الدواسة

[SGL]

أخوي القسام له مناطق كثيره يكون تحت العلبه وأحيان في الشاص تحت الباكم وأكثر المواتر الدفع الأمامي يكون في البودي بين المكينة والغماره وبعض المواتر الدفع الخلفي يكون في الخلف قريب الدفرنس ﻻكن المواتر الجديدة ذي مدري يمكن مافيها مثل موترك ﻻكن البديل هو نظام مانع الإنزلاق جهاز تركب فيه مواصير الفرامل

[SGL]

أخوي القسام له مناطق كثيره يكون تحت العلبه وأحيان في الشاص تحت الباكم وأكثر المواتر الدفع الأمامي يكون في البودي بين المكينة والغماره وبعض المواتر الدفع الخلفي يكون في الخلف قريب الدفرنس ﻻكن المواتر الجديدة ذي مدري يمكن مافيها مثل موترك ﻻكن يمكن البديل هو نظام مانع الإنزلاق جهاز تركب فيه مواصير الفرامل

[yazeed0044]

للاسف مافيها ، اللي فيها مواسير موصله من اللعلبه ومن الجهتين للكفرات

[yazeed0044]

السياره مافيها abs

[الذاهب]

هل عندك رجفه (ارتجاج-اهتزاز)عندما تمسك فرامل
هل تسمع صوت طقطقه من اتجاه الكبوت عند مسك الفرامل
هل تعاني منها عند اللفات يوم تمسك فرامل فجائيه تحس انها تزحلق مع ارتجاج
اذا كان كل ما ذكرته يرافقك فمشكلتك من المقص العلوي من جهة الكفر إللي فيه المشكله يكون فيه تفويت

[SGL]

مدري الرد السابق تكرر مرتين هو الخلل من عندي ولا من الموقع ﻻكن ماعلينا
أخوي مثل ماقالوا لك الأخوان إذا فيه خلل في جلب المقص يسبب حذفه ثاني شي أبيك تروح لعلبة الفرامل وتناظر المواصير شف تقدر تفكها وتبدل مكانها وتجرب موترك
أما الطريقة الثالثه تفك المواصير من العلبه وتفك الليات من الكليبر وتنفخ في الهوا يمكن يكون فيه سدد ﻻكن إنت حاول تشوف وتطبق الطريقة الثانية عكس المواصير إذا كان فيه مجال
بخصوص القسام المواصير تركب في العلبه مالاحظة شي في نفس المواصير أو بنفس سلندر العلبه مثل المواصير متينه أو فيه بروز حتى لوكان صغير

[yazeed0044]

^

بنتظر لين السبت وبشوف اسعار المواسير اذا رخصيه غيرتها لان ماحصلتها بشوف قطع الوعلان + الليات الاماميه

طبعا بخصوص الحذفه متأكد منها انها من الفرامل قبل لما يكون الفرامل كويس مافيه حذفه

[yazeed0044]

الذاهب اللي ذكرته ما اعاني منها

الاحتمال الاخير الليات والمواسير بعد تغيير الكليبرات مازالت المشكله قبل المشكله طلعت لي بعد تتظيف الكليبرات الاماميه وقبلها بكم يوم كنت مغير الفحمات مع الخرط للاربع كفرات وعلمت لها تنسيم فـ احتمال يكون في انسداد بالمواسير او الليات سبب لي الحذفه وثقل بدواسة

[remz]

اخوي المشكله تقول من رمضان يعني قبل رمضان الوضع تمام يعني الدعوى مو قسام لان القسام مو موجود من اول مشكلتك والله اعلم سدد في المواسير او الليات قبل تغير وتخسر خل الميكانيكي يفكهن وينفخ من الجهتين من الامام والخلف وكل كفر من جهته وانتبه للباكم او العلبه حتى لو غيرتها
وكلامي هذا بعد ماخسر اخوي حول 3000الاف على سيارته تاهو بسبه بلف حرارة او ترموستات جديد غيره وبدت مشكله حرارة معه وغير كل شي متعلق بالحرارة مستبعد االبلف لانه جديد واخر شي غير واحد ثاني وانتهت المشكله فاقول مممكن العلبه مو مضيوطه وعلمتك سالفه اخوي علشان نحط في بالنا ان القطع حتى لو يتم تغييرها تكون عطلانه ونخسر ونغير اشياء مالها دخل والله يسهلها عليك وتنحل مشكلتك. واسف على الاطاله

[yazeed0044]

اللعبه جديده مغيرها

[yazeed0044]

وديت السياره عند ورشتين وكل ورشه جلست السياره عنده يوم يقولون سليمه ، طيب سليمه الحذفه وثقل الدواسة اجل وش منه ،، ا
الورش اللي رحت لها بالشفا
تعرفون ورش كويسه بالصناعيه القديمه بالرياض

[ابوراكان تبوك]

كل الشبهه تدور حول القسام
روح محل قطع عنده كمبيوتر كاتلوج او نفس الوكالة وأسأله عن قسام زيت الفرامل وخليه يوريك اياه في المخطط

ماودي لك بزود خساير لكن آخر حل غير زيت الفرامل حتى لو فيه سدد بالمواسير يبين معك

اذا موترك abs خذ من زيوت المرسيدس الالماني من نفس محلاتهم سعر العلبة 10 ريال ممكن يكفي 4 علب انا غيرته لللاندكروزر صار فرق في سرعة تجاوب الفرامل بنسبه طيبة

قبل كل هذا تاكد من مقاسات الكفرات او بدلها على شكل X

[yazeed0044]

هلا اخوي رحت لاحد قطع الهيونداي تبع الوعلان ماحصله والورش ماحصلوه وتوني ماخذ السياره من ورشه وفحص جميع مايختص بالفرامل قال سليمه قالي ودها للميزان العضيب قال يبي لك وزن للكفرات الخلفيه لان لو بتلاحظها بتشرف راحد داخل وواحد بارز

[العميد الغالي]

نفس المشكلة في جمس الى الان مالقيتها حل مع الحذفة يمين

[ابوراكان تبوك]

هلا اخوي رحت لاحد قطع الهيونداي تبع الوعلان ماحصله والورش ماحصلوه وتوني ماخذ السياره من ورشه وفحص جميع مايختص بالفرامل قال سليمه قالي ودها للميزان العضيب قال يبي لك وزن للكفرات الخلفيه لان لو بتلاحظها بتشرف راحد داخل وواحد بارز

رايه زين راعي الورشة فعلا اذا به اختلاف في وزنه الكفرات او اختلاف مقاسات تحدث مشاكل بالفرامل وبالرساوه

[yazeed0044]

فجئه طلع عندي اصوات بالسياره فـ غيرت مسامير التوازن وجلد المقصات وراحت الحذفه

وقبها صوت رمان امامي ايمن وغيرت الاماميه كلها ورجه بالسياره

غيرت طقم كفرات وفيه تحسن من ناحية الفرمله والحذفه راحت بسبب جلد المقصات

[yazeed0044]

~~~~~~~~~~~~~~~~~~