هل تويدني

[القناص 518]

السﻻم عليكم ورحمة الله وبركاته


ياشباب بدأ وقت الكشتات والطلعات وراح كل واحد يجهز ((العزبة )) وياليت يفتح السنيدي بالمدينة المنورة ﻻنه محﻻت الرحﻻت بالمدينه اسعارها ناررر زي بر و بحر والفوازن




تمت بحمد الله

[ابوراكان تبوك]

انا ما اييدك لاني ابغاه في تبوك:D

[خيال الغلبا]

ماعند السنيدي الا بضاعة رديئة وغاليه

[الصيادالمليح]

السنيدي اسعار عالية بلا جودة وغير مضمونة وسريعة العطب .. وحتى لو فتح في المدينة او تبوك فراح تقولوا ليته ما فتح كان أبرك .. وحتى رابط موضوعه هنا لا يوجد خاصية الردود و الاستفسار مثل رابط موضوع محلات الرماية وهذا يقلل من مصداقيته

[هاوي افي جي]

من اول كنت اتمناه يفتح فرع عندنا ولاكن الموزعين له كثير وبضاعته جوده أقل من الوسط وأسعار الموزعين غاليه خصوصا محل كشته بحفرالباطن يالله دخيلك حررررق الاسعار عندهم والحين الحمدلله والشكر والفضل يعود لله ثم لمنتدى مكشات وغيره من مواقع التواصل وشركة زاجل حاجتك لوهي بأخر الدنيا توصلك لعندك ويمكن ارخص من المحل الي عندك

[أبو شيري]

لا أؤيدك لان أذا فتح السنيدي عندكم راح تكتب موضوع عن ردائة بضاعة السنيدي

[khaled074]

ماخذين مقلب بالسنيدي ... انا ادخله بشكل دوري اتفرج اشوف وش الجديد عنده وادوره بالمحلات الثانيه بجودة افضل ،،، باختصار السنيدي محل مواعين صينيه رديئه الجوده ولكنه منظم ومرتب ولا يرتقي ليكون محل اواني مختصه بالبر محترف طايح بالبشر وغش تجاري عينك عينك

[المضلي]

انا اخالفك الرأي لأن السنيدي خربت جودة بضاعته من كم سنه وزادة اسعاره على حساب الجوده
مع العلم انني من سكان عرعر
ويكفي الحراميه عندنا اصحاب محلات الرحلات الذين يأخذون من السنيدي ويبيعون علينا بأسعار دبل

[الحربي حاتم]

لاوالله ماودي يفتح في أي مكان لأن بضايعة خردة وعديمة الجودة والنفع والخدمة وأسعارة غالية . وشغله كله غش ونصب .

[بربنجي]

نحتاج الى محل كبييييييييييييييييييييييييييييييييييييير جداً جداً جداً
يكون على مستوى عالي وراقي ومتقدم
بمعنى نبي محل يأمن لك كل ما تحتاجه للبر من ابسط حاجه الى اعقد حاجه الى مركز لسيارات الدفع الرباعي على خبره كبيره جدا بالصيانه والترهيم
ويجملها في صناعة ممتازه وليس جيده صناعة مشي حالك
ويجمع فيها كذلك السعر المناسب للطرفين الزباين والتاجر

[ابو البر]

ما أيدك يفتح السنيدي عندكم ولا عند غيركم
لآني احبكم في الله
ولا أوئيدك لأنك راح يجي يوم لاقدر الله تكتب عن كوارث تصير بالمدينه والسبب السنيدي وقراشيعه .