تسجيل الدخول

مشاهدة النسخة كاملة : مشكلة القير مايعشق بالثاني باترول 97


digital eyes
02/11/2015, 11:37 PM
السلام عليكم ورحمة الله وبركاته أسعد الله اوقاتكم بكل خير معي باترول 97 كان فيه مشكلة في البداية القير إذا كان بالثاني يطلع من النمرة ثم تطورت الحالة الآن مع الوقت صار ما يقبل الثاني يقر ومايلقم وش الحل، ياليت تفيدوني وين اصلحه بالرياض وكم يكلف تقريباً أحسن الله إليكم ونفع الله بكم.
ابوسند9
03/11/2015, 01:04 AM
وعليكم السلام
فك ربلة القير والديكور وتاكد من بلاستيكة القير اسفل العصاء لاتكون مكسوره
digital eyes
03/11/2015, 10:03 PM
وعليكم السلام
فك ربلة القير والديكور وتاكد من بلاستيكة القير اسفل العصاء لاتكون مكسوره

شكرا اخوي ابو سند بحاول اشوف
digital eyes
04/11/2015, 01:22 AM
في إنتظار بقية الأحبة ومشاركتهم بخبراتهم
digital eyes
13/11/2015, 03:51 PM
في انتظاركم
hassan-55
13/11/2015, 04:17 PM
الله ييسر امرك اخوي
يا اخوي رح كذا ورشه واسألهم كلهم وشوف رأي الاغلبيه مو شرط تصلح عند احد منهم
انا بالنسبه لي مريت بتجربتين من هؤلاء السرق اللي ما يخافون الله ويستغلون جهلنا وطيبتنا
مره غيرت زيت وفلتر اللاندكروزر (تماتيك)
وصار الموتر ما يمشي ضعف عزمه فجأه رحت لمراكز معروفه وكبيره
اول ما قلت للسوري السالفه الله لا يوفقه قالي توضيب بغيت انهبل وقلت خير ان شاء الله
رحت لواحد قريب منه قالي نفس الكلام
بالصدفه اعرف واحد اصلح عنده المكيف حق السياره قالي ماعليك من ذا السرق رح لواحد واعطاني الوصف
الله يوفقه والله الى يومك كل ما طرا ببالي ادعي له
قالي رح جب علبتين زيت ورحت جبته وزود الزيت علبه ونص تقريباً وقالي رح جرب
رحت الا والموتر رجع ماشاء الله حصان طلع الزيت ناقص
وذولا السرق يقولون توضيب
رجعت له كم حسابك حلف ما يأخذ ولا ريال
هو بالصناعيه القديمه بس والله ما ادل وصفه مضبوط وما اعتقد يفيدك لان تخصصه (تماتيك)

والتجربه الثانيه بسياره قير عادي كان الثاني لا جيت اعشق والريوس بعد يقر و يعشق لكن بصعوبه
رحت للمشحمه قالي اغير لك الزيت ان شاء الله يتحسن وبالفعل التعشيق الحين افضل من اول
يوم فك الصره حق الزيت قالي المس الزيت لقى مافيه لزوجه مثل المويا
الحين كل سنه اغير الزيت

اسف على الاطاله اعتذر منكم..