الي عنده خبرة بالدداسن يفزع لنا باسرع وقت ممكن

[remz]

السلام عليكم ورحمة الله وبركاته

عندي مشكلتين بالددسن موديل 2001 بخاخ
الاولى ركبت بلف حرارة اصلي يفتح على 76,5 والمشكله هي ارتفاع الحرارة فوق الخط الثاني وثباتها فوقه وماتنزل مع المشي ماتنزل تحت الخط الا بحاله وحده وهي الضغط على دواسة البنزين الى الاخر مدة من 5 الى 10 ثواني ومن اترك الضغط عليها ترجع فوق الخط الي اعرفه ان الددسن حرارته بالبلف تحت الخط شوي وهالحين مادري وش المشكله هذي هي من البلف او الطرمبة او الرديتر مع العلم ان الرديتر المنيوم اردني وكانت بدون بلف اول ماترتفع حرارتها من امشي تطيح

الثانية هي ارتفاع اربي ام ضغط المكينة فوق الواحد وياخذ وقت شوي بعد الوقوف وينزل للواحد مع العلم اني وزنتها اكثر من مرة تحت الواحد ويرجع ترتفع ولقيت مسامير وزن اثنين واحد فوق البخاخ تحت الغطاء الاسود والثاني جنب البخاخ

وكم معدل اربي ام الوكله له هو تحت الواحد او فوقه


والف شكر مقدم لكم وللمنتدى والقائمين عليه

[200]

قبل كل شي اوزن الديلكو بالمسدس وان شاء الله تزين الحراره وارتفاع الضغط له دور بديلكو والحراره بعد

[remz]

يعطيك العافية
ماقصرت
تشور علي اشري مسدس ولا اوزن عند ورشه لان عندي بعض الخلفيه للمكانيكا

الي ودي اعرفه وشلون اعرف ان الديلكو مو مسقط صح.

[SGL]

شيك على كلتش المروحة

[شايل الظبي]

وانا من رأي أخوي اللي قبلي
ممكن كلتش المروحه لانه فيه خطأ يطيح فيه
أغلب الاخوان أغلب شي عند تغير الزيت يجي الهندي بلي الهواء ويقوم ينفخ المكينه وعلى الدينمو عشان يشيل الغبار وهذا غلط لان الهواء ينشف الشحم اللي بالبرنقات (الرمان ) كلتش المروحه
تقبلوا مروري

وتقبلوا مروري

[وطن العزة]

شيك على كلتش المروحة

بالنسبة للrpm يختلف بين السيارات

تقريبا بدون مكيف 650 -700 و مع المكيف 800-900 أما من 1000 دورة وفوق اشوفها واجد

هذي الوزنية تقريبيه لكذا سياره استخدمتها

[اليوسف2012]

ركب بلف حراره ددسن موديل 97 حرارته 76.5
وتضبط الحرارة 100%

[remz]

كلتش المروحة غيرته وعدد الريش عليه 8 ودفعة مضبوط وقوي
والبلف موكبه جديد اصلي 76.5
الغريب ان الحرارة فوق الخط وماتنزل الا بحاله الدعس على البنزين. لاخر شي مده 10ثواني واكثر تنزل تحت الخط وبعدها ترجع فوق الخط من اترك البنزين. وفكيت الحساس الي بجنب الخانق الي مقاسه مفتاح 19وفتحت السويتش ماتتحرك الابره للداخل الي مسماه والله اعلم حساس ال اي سي
وهن حسااسين متقابلات وماني عاوف ايهن حق الهواء واسف على الاطاله

ومريت قطع مرسيدس وحصلت بلف يفتح على 65 وجالس افكر اني ارهمه عليها ههههه مادري وش رايكم

[يالبى الهلا]

اي خط تتحدث عنة فية خط احمر خطر H
وخط اخضر وهو المسموح الي ثلث الامبير C
مركب بلف اكيد ترتفع حسب درجة البلف وكلما ارتفعت الحرارة زاد العزم وقلت صرفية البنزين
الكلتش مع السرعة يفصل لان الهواء يساعد في تبريد الاديتر
وبالنسبة لدعس المكينة ونزول الحرارة طبيعي

[يالبى الهلا]

لاتفك الحساسات والبطارية مشبوكة ممكن يضرب الكمبيوتر او الحساس

[remz]

هلا بك اخوي وماقصرت انت وجميع من رد وشارك وبيض الله وجيهكم الخط الي اتكلم عنه الي بعداد حرارة الددسن
الخط الثاني الي تحت

[remz]

هالحين الف دورة يعني رقم واحد بعداد الار بي ام

[وطن العزة]

نعم 1000 دورة هي 1

انت متأكد إن حراراتها زايده لاني ما جربت الموديلات هذي

علمي بموديلات 97 و تحت كانت الحراره بين الخطين الاولات


عموما اذا مع دعس البنزين تنزل احتمال الطرمبه فيها ضعف مع ذلك أشك أن موترك مابه إلا العافية:)

[remz]

كان معي 2000كبليتر وكانت الحرارة بين الخطين مثل ماتفضلت ولا ترتفع نهائي وهذي 2001. بخاخ وترتفع فوق الخط ومن ناحيه الطرمبه انا شاك فيها يعد لان مع الدعس القوي تنزل بين الخطين ومن اترك الدعسه ترجع فوق الخط معناته ان البلف الصحيح له تحت الخط ومرات افكر افك الطرمبه واتا. منه بس البخاخ شغله تركيب بلف وفك الطرمبه الكبليتر ارحم