يابوعلي واللغز بالصدر جاثي.........الحل:يراعه.........حله:حمد؟؟

[ابو ماجد 2]

بسم الله الرحمن الرحيم

السلام عليكم ورحمة الله وبركاته

مبروك عودة التنسيق

وهاكم لغيز اسناده الى دكتورنا

يابوعلي واللغز بالصدر جاثي =مترددٍ من خوف يصبح غثاثه
لكن مثلك باللدايدات عاثي= ياعل من مرماع ياتي اجتثاثه
لغزي سميَّاتٍ عددهن ثلاثي=عن وصفهن لا ماتطولن لثاثه
ذي بنت مابالراس مامن مكاثي= لكن اذا حوَّل عشمنا مكاثه
وهذي التي نفثٍ بها وانبثاثي= مابالظهر متحكمٍ في انبثاثه
وهذي التي من بطنها انبعاثي=ردٍ على اللي رغبته في اناثه

مع تحيات ابو ماجد

منتديات مكشات . خيمة الالغاز

[حمد؟؟]

صح لسانك يازعيم
رمعه
وشرايك في
البكره اللي يشيلون فيها الاثقال
وبكرة اي دينمو تحصل بظهرها ريش تنفث الهواء لتبريد
والاخيره البكره انثى الجمل

[حمد؟؟]

ويستاهل الاسناد ابو علي

[ابوماريا]

صح السانك يانور المنتدى
غالي ومسند على غالي

جاري التفكير أيها الزعيم المبدع

[ابو ماجد 2]

هلا بك يابوطيف
صح بدنك
ماشاء الله تفهم للغز بشكل حلووووو
انتظر الرمعه الالصق للمعاني

[ابو ماجد 2]

هلا بك يالغالي
ابو علي المحرك الاول للخيمه بفضل كثرة مايذبح من الغاز
وبالتالي تتحرك عجلة الخيمه

[ابو ماجد 2]

هلا بك يابو فايز
صح بدنك والابداع تواجدك ايها المثالي
شرفتنا يالغالي وانتظر مرماعك



(http://www.mekshat.com/vb/editpost.php?do=editpost&p=10588244)

[حمد؟؟]

طيب ابوماجد
العقده وهي تسريحه لشعر
والعقده في السحر
والعقده هي خروج اوراق النبات على الاغصان

[ذيب الفقارة]

وعليكم السلام ورحمة الله وبركاته

غالي ومسند على غالي

وصح لسانك زعيمنا


مفكرة ... مذكرة

مدري مدري

تحياتي

[صقر السديرات]

وعليكم السلام ورحمة الله وبركاته
صح اسانك ملايين ابو ماجد
كفو ومسند على كفو
أبيات في غاية الروعة تجعل الرأس يتمايل يمنة ويسرة أثناء قراءتها
محاولة لتثبيت وتعزيز مكاني الدائم في قمة الضلع
قطرة ماء
قطرة عطر
قطرة عين
دمت متألقا

[ناصر العلي]

وعليكم السلام ورحمة الله وبركاته
صح لسانك ياابوماجد
ومشكور يالغالي اسناد هالمزيون
وبيض الله وجهك
ولي عودة ان شاءالله
تحياتي

[ابو ماجد 2]

الاخوة الافاضل
اسمحوا لي بالرد الجماعي
صحت ابدانكم جميعا
لغزنا لايزال طليق

[حمد؟؟]

طيب يابو ماجد ماتصير
الاولى مدخنة الطيب او العود يبقى العود براسها وقت قليل ويتحول الى دخان وهنا نتعشم يبقى اكثر وقت ممكن
الثانيه مدخنه الوجار وتنفث الدخان الى الخارح
الثالثه مدخنه يمكن انثى الغوريلا

[ابو ماجد 2]

اخوي حمد
ابو طيف وحتى وانت لم تاتي بالمرماع الا ان مراميعك تدل على سبر اغوار جل خفايا اللغز
والمطلوبات يالغالي مسماهن ليس شايع لكن منهن ثنتين كد طرح فيهن لغز هنا
منهن واحده مافي راسها لايمكث طويل واذا نزل عشمك بقائه
وواحده اخرى مافي ظهرها متحكم في اللي تبثه

[راعي العجراء]

صح السانك ابوماجد ويستاهل ابوعلي الاسناد

رنعهhttp://fustany.com/images/ar/content/header_image_Article_Main_Fustany_DIY_Donut_Bun_Ha irstyles.jpg

.

[ذيب الفقارة]

ههههههههههههههههه

شكلها وصفة ما يعرفها غير الدكتور والا الدمرجي

تحياتي

[راعي العجراء]

للتوضيح في رنعتي السابقه

كعكة شعر البنت

كعكة سيارة

كعكه اللي مثل الشابوره او الشريك

[ذيب الفقارة]

هههههههههههههههههه

ياحبيب الكل

راعي العجراء

هذي اسمها كوكينا

تحياتي

[ابو ماجد 2]

ههههههههههههههههه

شكلها وصفة ما يعرفها غير الدكتور والا الدمرجي

تحياتي
...................................
صباح الخير ياتنيني
وانت الصادق اكثر واحد اتوقع يعرفهن عطري حيث انه يحب الالفاظ الفصيحه
ويمكن ابو طيف لو يستعين على اللي بباله بالمعاجم

[ابو ماجد 2]

للتوضيح في رنعتي السابقه

كعكة شعر البنت

كعكة سيارة

كعكه اللي مثل الشابوره او الشريك
........................
هلا بالغالي
صباح الخير
مالك لوى والسياره مالها علاقه بلغزنا

[ذيب الفقارة]

صبح الخير زعيمنا

أبو ماجد

الله يجيب عطري اليوم وهو والله كفو

.......................

يمكن الحركات مع الشدة

تحياتي

[حمد؟؟]

http://www2.0zz0.com/2012/12/12/22/235170907.jpg (http://www.0zz0.com)


هذي رمعه على اول شطر من اللغز
هذي وماباراس مامن مكاثي لاكن اذا حول عشمنا مكاثه
الرمعه ماني عارف اسمها
لاكن هي ادة تركب فيها الرقعه مع فتحه براس
يمكن ماتطلع الصوره

[حمد؟؟]

على فكره اذاالتعديل والاقتباس مايمشي معك جرب محرك ثاني
يعني اذا انت على قوقل جرب قوقل كروم
انا عندي على كروم اقدر استخدم التعديل والاقتباس
لاكن مااقدر انزل الصور
لاكن على قوقل اقدر انزل صور
ولا اقدر استخدم التعديل والاقتباس

[حمد؟؟]

او هي الاداة اللي توضع على راسها حشوت الضرس

وتوضع بواسطتها الحشوه في الضرس
هنا يكون مااخذت وقت الحشوه براس الاداه
وبعد مانزلت الحشوه انتعشم بمكوث الحشوه

[ابو ماجد 2]

صبح الخير زعيمنا

أبو ماجد

الله يجيب عطري اليوم وهو والله كفو

.......................

يمكن الحركات مع الشدة

تحياتي
...................................
هلا بتنيني
اسعد الله جميع اوقاتك
كلكم ماشاء الله لكن عطري له اطلاع وحب للالفاظ الفصيحه

[ابو ماجد 2]

هذي رمعه على اول شطر من اللغز
هذي وماباراس مامن مكاثي لاكن اذا حول عشمنا مكاثه
الرمعه ماني عارف اسمها
لاكن هي ادة تركب فيها الرقعه مع فتحه براس
يمكن ماتطلع الصوره (http://www.mekshat.com/vb/newreply.php?do=newreply&p=10589486)
.................................................
مازلت اقول ان لديك تفهم لمتطلبات اللغز
ولكن بعض المسميات غير شائعه وبالامكان الرجوع لقوقل
وكما اسلفت ثنتين درج عليهن لغز هنا بالخيمه
بل واحده اتى طاري لها من قريب

[ابو ماجد 2]

على فكره اذاالتعديل والاقتباس مايمشي معك جرب محرك ثاني
يعني اذا انت على قوقل جرب قوقل كروم
انا عندي على كروم اقدر استخدم التعديل والاقتباس
لاكن مااقدر انزل الصور
لاكن على قوقل اقدر انزل صور
ولا اقدر استخدم التعديل والاقتباس
.................................................. ............
ياحبي لك يابو طيف والله اني اقول وش معنى الاقتباس يمشي معي بالجوال وهنا لا
لكن عودكم مايعرف من الانظمه اللي قلت شي عساه يكتب فقط
ههههههههههههههههههههههه

[ابو ماجد 2]

او هي الاداة اللي توضع على راسها حشوت الضرس

وتوضع بواسطتها الحشوه في الضرس
هنا يكون مااخذت وقت الحشوه براس الاداه
وبعد مانزلت الحشوه انتعشم بمكوث الحشوه
.................................................. ...........
واحده منهن قريب عملها لما ذكرته
انتظر منك محاوله قادمه

[عطري]

و عليكم السلام و رحمة الله و بركاته

صح لسانك أبا ماجد ، و زادك الله من فضله.

يستاهل العميد أبو علي كل خير، و أرجو أن يكون بخير.

ما بين إلى الآن .



جاري التفكير،،،

[ذيب الفقارة]

طيب

ما تنفع طفاية

تحياتي

[عطري]

طرا لي ثلاث رمعات و كلهن ما تركب

و نظراً لوجود مشيوير عمل ، باجدعهن و اتخلص منهن:



الشمعة و القطرة و ..............؟

[ذيب الفقارة]

كملها يا ابو عبد العزيز

والدمعة

[عطري]

هههههههههه
ليش ما تكون يا أبا عدنان
العبرة

[ذيب الفقارة]

ههههههههههههههههههههههه

أنا نسيتها من زمان

وجزاك الله خير ذكرتني

يا ابو عبد العزيز

تحياتي

[حمد؟؟]

طيب ماتصير
السسته-السوسته
السسته تستخدم لاسلاك الكهرب في الجرجور
السسته اللي نسميه سبرنق في البنادق الهوائيه
عند التعشيق يمسكها الزناد وهو اللي يصير متحكم في اندفاعه لظغط الهواء على الصتمه
السسته يمكن نوع من انواع السمك

[مانع الحارثي]

حليت اللغز وقبل أدخل لأكتب حلي أذن للعشاء

فذهبت للمسجد وأثنى الصلاة شغلتني نفسي به

فأقسمت ألا أرضيها بالحل

ألا تعجب أخي من مكائد الشيطان ودسائسه

أفلا نتعظ من بعض المواقف قبل أن نبكي دما

مجرد خاطرة للعبرة فقط

[عيد القضيب]

صح لسانك وسلم بنانك زعيمنا وتاج روسنا
ماشاء الله وتبارك سلمت يمينك
غالي ومسند على غالي
مؤيد لرمعة ابوطيف
الف تحية ومليون وردة

[حمد؟؟]

رمعه اضافيه
الريشه اللي تغمس في الحبر ويكتب فيها ومثله الريشه لرسم اللوحات الفنيه
الثانيه الريشه للعود والمتحكم فيها اليد واللي تبثه العزف ومثله ريشت المروحه والمتحكم الدينمو
الثالثه الاسد له 1500 اسم يمكن تكون اسم الريشه انثى الاسد

[ابو ماجد 2]

الاخوة الافاضل
المعذره للرد الجماعي
صحت ابانكم جميعا
واللغز بما انه معلوماته ليست شائعه ولكن ابو طيف ماشاء الله برمعته الريشه قريبه جدا
لذلك اقول يابو طيف
كفوووووووووووووو كفوووووووووووووووووووو كفوووووووو
والحل بشكل ادق
يراعه
يراعه للكتابه . يراعه الناي او البوص . يراعه حشره مضيئه
اليَرَاعَةُ : القلمُ يُتَّخَذُ من القصب
اليَرَاعَةُ : القَصَبَةُ التي يَزمِرُ فيها الراعي
اليَرَاعُ :( الحيوان ) حُباحِب ، حشرة تضيء في الظلام ، وهي من فصيلة اليراعيَّات مفرد يراعة
شرح اللغز
ذي بنت مابالراس مامن مكاثي .. لكن اذا حوَّل عشمنا مكاثه
يراعه يستخدمها الخطاطون للكتابه تغط في الحبر ثم يكتب فيها على الورق

http://www.fann-store.com/media/571_1.jpg


وهذي التي نفثٍ بها وانبثاثي ..مابالظهر متحكمٍ في انبثاثه
الناي ينفث فيها النفس ويتحكم في تغير مخارجه فتحات بعاليه

https://i.ytimg.com/vi/XqGd8d_PZSI/hqdefault.jpg

وهذي التي من بطنها انبعاثي..ردٍ على اللي رغبته في اناثه
حشرة تظهر من اسفل بطنها اشارات مضيئه احيانا تكون بين الذكر واناثه

https://upload.wikimedia.org/wikipedia/commons/thumb/2/2b/Lampyris_noctiluca.jpg/200px-Lampyris_noctiluca.jpg

لله درك يابو طيف ورمعاتك كلها رائعه

[حمد؟؟]

كفوووووك الطيب يازعيم
ولو انك استعجلت شوي
لاكن بيض الله وجهك
واللغز محبوك ماشاء الله حبك
وفعلن انا اول مره تمر علي هلاسامي
لاكن ماقلتلي وش الثنتين اللي قد صار فيهم لغز هنا؟

[عيد القضيب]

صح لسنك زعيمنا الغالي
كفوووووووووووووومليون كفوووووووووووووووابوطيف
الف تحية ومليون وردة للجميع

[ابو ماجد 2]

هلا بك يابو طيف
وصح لسانك مرة اخرى
يالغالي انت قطعت شوطا تشكر عليه وتوصلت لمعاني لاتختلف كثيرا عما اردته لاسيما الاولى والثانيه حتى الثالثه ركزت فيها على حيوان
وبما انالمسميات ليست شائعه لذلك رايت ان اصحح لك واعطيك الحل وانتكفو
اما الثنتين يراعه للكتابه ويراعه الحشره فقد ورد فيهن لغز سابق

ياللي صعيب اللغز مانته تحاشاه=بنتين نفس الاسم ياهل المشوره
الاوله نارت عقولٍ بممشاه=والثانيه بالعين ينشاف نوره
الاوله مايالج الزاد بحشاه=والثانيه بالجوف زاده عبوره

وفي لغزي الاخير والرد على اخوي احمد الدمام تعمدت ان آتي على ذكر يراعه

ابيات شعرٍ للقريحــــــــه دلايل ..........

.......... خواطرٍ ترجمها نازف يراعــه

[ابو ماجد 2]

هلا بك يابو سلامه
صح بدنك يالغالي
ويستاهل ابو طيف الكفو

[عطري]

صح لسانك ملايين أبا ماجد ، و لله درك.

ما شاء الله عليك ، قاموس ننهل منه كل يوم.

و

كفوووووووووووووو

أبا طيف

الحين أثبت لنا أنك أنت الداهية-ما شاء الله-

الله يحفظ الجميع ،،،

[ابو ماجد 2]

هلا بعطرنا الفواح
اي قاموس البركه بقوقل
وانت وابو طيف كلكم دهاة ونوعية الالغاز اللي ذبحتوها تشهد
الله لايحرمنا من تواجدكم