خبراء الهدرزات بالرياض مطلوب نصايحكم وتوجيهاتكم

[عبقري91]

اليوم رحت صناعية 18 لحق هدرزات. فلبيني
قلت ابي كامل. قال 2900 ومع تركيب صاجه مدري وشي فوق القزوز. عشان العزل. ب3100
يقول الصوت ناعم لاكن من تدعس كنها دبت يوكن. المهم مالكم بطويله
انا موتر GX 1997
براسي اركب هدرز. وصوته يكون ناعم ونسبت الصوت ما ابيها مزعجه
وبركب بواجي ليزر واسلاك بواجي رياضيه
الموتر عليه فرارات ومراوح كهرب
السوال. كيف شغله الي ذكرت بالهدرزات. وضمانه 3 شهور
ومن افضل منه بالرياض يفصل وسعره طيب
استخدامي للبر مطامر وكشتات. ويشملها خطوط وديره يعني كل الضروف
نصيحتكم الله يجزاكم خير

وفي الختام. كيف اخلي الشكمان يطلع نار هذي برا الموضوع لاني متحدي انا وبعض الرجال اني لشب نارهم من الشكمان. لاكشتنا وجهوني لمن اروح ويسويها لي معطيني مهله شهر. وبالله التوفيق

[امير المشاعر]

اخوي الهدرز اذا انت في الرياض روح محل 4800 او 2400 ما اتذكر اسمه
اهم شي وانت في الدايري الشرقي قبل مجمع العثيم مول لف يمين وسيدة لين يجي المحل على يمينك وخذ من عندة راس هدرس سويدي لونه احمر وروح الصناعيه القديمه عند قايد اذا هو باقي موجود يفصلك الباقي
انا كلفني الباترول ربع قبل 4 سنوات 1600 ريال كامل قايد يركب لك الراس ويفصل لك الماصورة لين الشكمان

[عبقري91]

الله يجزاك خير
طيب الفلبيني الي ذكرت. فصناعيه ظ،ظ¨. على شارع قطع الغيار. كيف شغله
المحل بفتح جنوب وكبير مشاءالله المحل. لاكن شغله والجوده كيفها
واذا ما ابي ازعاج من الهدرز. وش اقوله. اخاف يحطلي صوت يزعج خلق الله. ابي شي زين وصوته غير مزعج
وش اقواه كم بوصه وشهي الدبه

[حاميش]

بالنسبه لسعر الهدرز حسب نوع الماده المصنوع منها ، فيه حديد ولا المنيوم ... الخ
و انصحك تركب هدرز بس بدون الكت باك

وبالنسبه لموضوع النار من الشكمان
ماله دخل بالهدرز ، قطعه اسمها باك فاير استفسر عنه هي اللي تولع نار

[امير المشاعر]

اخوي قايد يمني له خبره طويله عند حقين الترهيم ومشهور في صناعية سلمان
مر المحل حق الهدرزات قبل وروح له وهو بيضبط امورك يركبلك دبة يوكن او انت بلغه انك ماتبي صوت عالي
اكلمك من زمان عن المحل ولا ادري هو باقي موجود او لا

[عاشق الهدد051]

السلام عليكم
الفلبيني اللي رحت له الظاهر انه ورشة الصفدي
و شغلهم حليل لكن اذا تبي الشغل الممتاز عليك بالهدرز
البحريني طبعا سعره في البحرين بحول 2500 كامل
طبعا هالكلام قبل اقل من شهر مركبه واحد موتره جي اكس 2007
و اسم الورشة اقزوز مارت
و اما النار اللي مع الشكمان ان كان موترك بخاخ ركب كمبيوتر هالتك
و شف الرميه اللي عليها الكلام

[عبقري91]

حصلت هدرز مستعمل لربع تويوتا. ونيسان. ولاندكروزر فكسار ظ©ظ¨. تركب او لا
سمعت ان ظ¦ سرندل تركب عليها الهدرزات نيسان تويوتا.
اخاف اشتري بحريني مستعمل ولا يركب

[حاميش]

هدرز النيسان يختلف عن هدرز التويوتا ، دور هدرز موترك

[جني صغير]

بالنسبة للنار الشكمان

سبق ان شريت الجهاز

اسمه (باك فير)

سعره حدود 700 مع التركيب طبعا من قبل اربع سنوات

بس تدعس البانزين قبل الأحمر ثمن تضغط الزر الباك فير

طبعا اذا ضغطت الزر ينفصل الكهرب من عند الديلكوا
طبعا من تجربه بددسن 83 كان عليه مكينه سدرك

بس كان يلعب بالكهربه شوي

على فكره تراء تحفر ماصوره الشكمان عشان تركب فيه بوجي عشان يولع النار