مطلوب فني فرامل اي بي اس للباترول

[بواسامه]

السلام عليكم
حيالله الشباب كلن باسمه


ودي من يخبر لي فني اصلاح فرامل اي بي اس لباترول 2002
ولا يقلبه لنا عادي

سوو خير ياجماعة

[remz]

ابقاك الله وان شاء الله يفيدونك الاخوان

[يالبى الهلا]

الافضل من واقع تجربة وخبرة اقلبة عايدي افضل مايضر واوفر موتر قديم وABSنظام غالي جدا واصلاحة مكلف فانت خذها من الاخر وريح راسك

[بواسامه]

ابقاك الله وان شاء الله يفيدونك الاخوان

الله يبقيك

[بواسامه]

الافضل من واقع تجربة وخبرة اقلبة عايدي افضل مايضر واوفر موتر قديم وABSنظام غالي جدا واصلاحة مكلف فانت خذها من الاخر وريح راسك

عطنا ورشه تفكنا منه ونبدله للعادي
مهوب لازم الايبي اس
الله يحييك

[يالبى الهلا]

حدد منطقتك والشباب ماهم مقصرين بالعلم ولافادة
او ابحث بقوقل

[أصيل حجآ زي]

وعليكم السلآم

أخي :

ما تحتآج الزبآلين !!!

بدرسي هذا رآبطه تحت ،،،
فقط تفصل فيش منظم مـآنــّـع الأنغلآق ABS .
.
.
http://www.mekshat.com/vb/showthread.php?t=430683

بدروسي شروح
وروآبط تخليك بأذن الله :
أفضل خبير ومُهـنـدس سيآرآت وكهربآئي .

[ابوسند9]

وعليكم السلام
للفائده فقط
وكا مثال , لو مثل معك جيب تويوتا وخرب النظام , هنا انت مضطر ,اما تلغى النظام وتقلبه عادي ,او تشتري الجهاز بمبلغ عالي جداا تقريبا ب 8000 ريال , او تشوف حد يصلح النظام ,وبالنسبه لموديلات 98 الى 2007 ما يتصلح
ومن موديلات 2009 حتى 2016 ,يتصلح وفقط في ورشة بالقصيم والمنهدس فلبيني وسبق احد الشباب هنا طرح موضوع بهذا الخصوص
اما نظام الباترول ما عمري سمعت انه اتعطل النظام , ولو فرضا اتعطل ,بمجرد فك الفيوز داخل السيارة يلتغى النظام
وللفائده اخوي ابو اسامه النظام ليس له علاقه بقوة وضعف الفرامل بتتا
واذا حبيت تدري ان النظام شغال عندك امش مثلا 70 وادعس فرامل للاخر وبقوه ,,اذا لاحظت ان الفرامل يمسك ويفك فا النظام شغال عندك , والعكس صحيح
اتمنى ان الفكره وصلت ولا تتعب نفسك بالنظام وتخسر

[بواسامه]

مايمسك الا الخلفي الامامي متعطل تماما
وحولته لعادي بقسام بدل مضخة الي بي اس
وربط الامامي والخلفي ولكن الدعسه لازم ادبل

ولكن يبقى ضعيف ويوهق

[يالبى الهلا]

فعلا اذا فصلت ABSالفرامل تصير خفيفة جدا ولاتمسك وممكن توهقك بسسب عطل النظام لان الكفرات الي هي الامامية مفصولة من النظام فيكون الاعتماد الكلي علي الفرامل الخلفية مما يسبب الي انحراف السيارة في حالة الضغط بقوة فالافضل ياتشغيل النظام او الغاءة وهذا من واقع تجربة

[ابوسند9]

مايمسك الا الخلفي الامامي متعطل تماما
وحولته لعادي بقسام بدل مضخة الي بي اس
وربط الامامي والخلفي ولكن الدعسه لازم ادبل

ولكن يبقى ضعيف ويوهق
اذا ما يمسك اللى الخلفي , اذا عندك مشكله اما با احد الكليبرات او قسام الزيت او الهوبات تحتاج خرط
واذا الدعسه تروح للاخر , فممكن تحتاج تنسيم للزيت او العلبه تحتاج اصلاح
وما زلت عند كلامي بخصوص النظام انه ليس له دخل بالمشكله
وعلى العموم مر على ورشة الثنيان بصناعية مخرج 18 مقابل ورشة تقديرات المرور من الغرب

[بواسامه]

غيرت العلبة جديد اصلي
ونسمت كم مره
وركبت قسام بدل مضخة الاي بي اس
ومازالت الدعسه تروح لاخر شي

[يالبى الهلا]

من واقع تجربة خرب عندي نظام ABSوغيرتة الي نظام عادي وارتحت من الخساير
اذا خرب النظام ياتصلحة ياتلغية وهو الحل الاكيد تقلبة عادي باقل خسائر

[كاشخ2009]

مساء الخير للجميع
فيه اكتر من ورشة تقلبه عادي
اذا انت في الرياض فيه ورشة الطيار ( اذا ما تغير اسمها ) في الصناعة الفديمة
الوصف انت جاي من طريق الخرج اتجاهك من الجنوب الى شمال
تجيك اشارة جازج سالم خذ يمين وخال محل سالم للزجاج يسارك واتجاهك شرق
يمينك محلات قطع الغيار ويسارك الورش امش قدام تجيك اشارة تعدها وكمل الى ان تجيك محطة بنزين على يمينك في التقاطع تعد التقاطع المحل على يدك اليمين _ بس خلك حريص وسعر كسر روسهم وتك عند موترك وهويشتغل _
وعطنا علومك اذا صلحته ....

[بواسامه]

فعلا اذا فصلت ABSالفرامل تصير خفيفة جدا ولاتمسك وممكن توهقك بسسب عطل النظام لان الكفرات الي هي الامامية مفصولة من النظام فيكون الاعتماد الكلي علي الفرامل الخلفية مما يسبب الي انحراف السيارة في حالة الضغط بقوة فالافضل ياتشغيل النظام او الغاءة وهذا من واقع تجربة

يالبى فهمك
هذا اللي اعانيه
الامامي لا تعمل الان ابدا
وفصلنا النظام بالقسام ياليدوي وبدأت تعمل ولكن المشكلة الدعسة تروح ولازم ادبل عشان تمسك