استفسار بخصوص الوصله بين المنظم والاسطوانه

[ولد آل مقبل]

السلام عليكم ورحمة الله وبركاته

اسعد الله مساءكم جميعاً بكل بخير ،،


يالربع الاسطوانه عندي والمنظم الساعه عندي لكن ما تركب الا بوجود وصله

مريت فوق 12 مخرطة

كلهم يقولون لازم صاموله بينهم وتكون نحاس عشان ما تلعب بسنة الاسطوانه والمنظم

دورت وفريت الدنيا كلها الا مكان واحد ناويه بكره الصناعيه القديمه ان شاء الله

لقيت واحد قالي بشوف لك لكن ب 250 الصاموله :eek:

فزعتكم الي بالرياض ورهم لها شي او عنده حل للربط يبلغنا وجزيتم خيرا جميعا

وابشروا بتقرير الاف اكس رويال 500 وكذلك قامو الغاز

[ابو كشتة]

لو اضفت صور لان مو واضح انت تقصد اي وصلة

[ولد آل مقبل]

شفت المنظم الرقلتر ابو ساعه

يتوصل بالاسطوانه صحيح

مشكله ان السنه حقت المنظم نفس السنه حقت الاسطوانه فتحتاج وصله تربطهم انثى من الجهتين

فرحت افضل قالو لازم نحاس ولا حصلت احد يظبطها
بحاول اصورها بحول الله بكره

[remz]

تقصد اسطوانه الغاز. اذا انك تقصد ان كل الطرقين سنه برا او ذكر. اتوقع ان مقاسهم نص انش. خذلك جلبه ماسورة نص انش حديد. سنه داخليه او ان. واشبكها بينهن اذا كانت النوع القديم

[ولد آل مقبل]

اي نعم اقصد بين اسطوانة الاكسجين والمنظم

لكن كثيرين قالوا لا تخرط حديد لانه يعدم السنه حقت المنظم والاسطوانه

فالي مجرب الحديد يفيدنا

[ابو كشتة]

والله للان ماني فاهم عليك يمكن فيه شي بالاف اكس يختلف مادري لكن انا جربت الوالتر والفايروخ فيه طريقتين للتعبية اما مباشرة تفك الخزان الساكتون وتركبه عالاسطوانة وتعبي-واعتقد الاف اكس ماينفك الخزان- وهنا تحتاج وصلة تركبها عالاسطوانة تجي مع الساكتون
او تركب لي او هوز طولة متر بين الاسطوانة وفتحة صغيرة بالخزان للتعبية وبهالحالة تحتاج وصلة وهي تجي مع الساكتون غير الهوز او اللي الي بعد تشترية ويجي فيه ساعة
وبعض السكاتين تحتاج وصلة ثانية تشتريها

فانت شرحك على انك توصل السكتون بالاسطوانة دايركت بوصلة لذلك التبس علي الوضع

[ولد آل مقبل]

الله يجزاك خير ولاهنت على متابعتك ،،

بخصوص الوصله جايه مع الساكتون ،، اعبيها بدون فك مخزن الغاز ،،

وشريت منظم هواء ب 650 ريال ، فيه ساعه ضغط

الان وصلت الوصله الي تركب بالساكتون بالمنظم ووصلتها بمخزن الغاز حق الساكتون

باقي اوصل المنظم نفسه الي هي الساعه الي مشبوك فيها لي التعبيه حق الساكتون باسطوانة الاكسجين

فتحتاج وصله لربط سنة المنظم بالاسطوانه فما ادري هل تتفصل ولا لا وهل لازم نحاس لاني فريت الدنيا ما حصلت نحاس وان حصلت قال حجم الصاموله بيكون كبير ،،

اتمنى انك فهمتني

[ابو كشتة]

الان فهمت عليك انت جربت الي تجي مع الساكتون الوصلة الكبيرة الي تركب بالاسطوانة
وعموما لو فيه صور كان قلت لك من وين تحصل عليها وممكن ندبر لك احد يبيعها

[ولد آل مقبل]

جزاك الله خير على اهتمامك،،،

الساكتون ساده بدون شي فقط علبتها وسعفه وحده

شريت لها منظم هواء ولكن باقي وصله بين المنظم واسطوانة الاكسجين


طبعا سنه الاسطوانه نفس سنة المنظم بس يبي لهم صاموله تربط وتكون نحاس


هذي صورة لصاموله بالمحل الي خذت منه الساكتون ، وجنبه الساعه وسنتها ، وسنة الساعه نفس سنة الاسطوانه تقريبا

هذي الصوره واعتذر لعدم ارفاقها بحيث اذا جيت ارفقها تقفل متصفح سفاري وطلعني وعاد كل الكلام


هذي هي واتمنى توصل الفكره لاني يأست منها

http://store2.up-00.com/2015-11/1447017481431.jpg

ومن قوة اليأس خذت نقّاص مويه وخرطته بحيث يصير صاموله طلع نصه بدون سنه بعد الخرط ورفض العامل بحيث انه لو يخرطه بتكون سنه مرتفعه وسنه طامنه ،، فمعاد لي امل بعد الله الا افادتكم وفزعتكم

تصبح على خير

[قناص الوعول]

مر محلات السباكه عندهم وصلات نحاس ايطاليه خاصه بغاز المنزلي يمكن تحصل شي يناسبك او انتظر محل بندقيتي بيوفرها مع السواكتين FX

[ولد آل مقبل]

مريت مابقى مكان بالرياض الا جيته

الى درجة خذت نقّاص مويه وخرطته بحيث يكون صاموله وكلف علي ولا فاد قصير

[قائد الاسطول]

تواصل معي على الواتسب
وان شاء الله نشوف لها حل
0565690638

[ولد آل مقبل]

جزاك الله خير جاري التواصل

[الشرقيي]

مخرج ظ،ظ§ وجهك غرب
تمشي حتى يجيك الكبري العرضي كبري الصناعيه
تاخذ يمين وجهك شمال تمشي حتى يجيك سيدين يمين
تاخذ معها يمين وجهك شرق تمشي ظ£ظ×ظ× متر تجيك مخرطة بلال

[ولد آل مقبل]

لاهنت لكن ممكن ارقام المخارج كتابة لانها ما طلعت او اكتبها انجليزي

[ولد آل مقبل]

وديتها للمخرطه الدوليه بطريق علي ابن ابي طالب وتزهل العامل وقالي صاموله ما تتحمل واحتمال تنفجر وقالي بظبط لك وصله واخذ الاسطوانه والمنظم وقالي ازهلها ب 250 ريال وبكره مرني خذها جاهزه عسى الله يسهل وبرد لكم والي يبي وصفه كانه ظبطها موجود

[عامر689]

تواصل معي على الواتسب
0557004400