عطل بالددسن صوت مزعج ..

[عنيزاوي عصبي]

السلام عليكم ورحمة الله وبركاتة

أخواني معاي ددسن غماره 2010


من كم اسبوع بدا يظهر صوت غريب اقرب اليه صوت الحنــــــه بكل السرعات ما يروح ها الصوت واذا زدت السرعه يزيد الصوت + معلومه بسيط عندي الموتر ماعاد يتعدى ال 140 مهما دست بنزين مهما فعلت مدري وش جأهه تعشيقات القير معي تمام التمام الموتر ما يقطع حرارته ممتازه القزوز شيكت عليها الكارونه ايضا سليمه +لحمة كرسي الشكمان قلت يمكن منه برضو ما فيه اي فايده جنني ها الصوت


أخر شي اليوم جيت واحححححححد قالي المروحه خربانه جيب اتوماتيك مروحه اصليه ونغيرها لك قلت له طيب هل بيروح الصوت ؟ قالي ممكن ومممكن يكون العطل ممن مكان ثاني !!


تعبت من كثر ما صلحت واخر شي يقولون لي ممكن وممكن لا ياليت احد يفيدنا على ورشه كويسه او يكون الععطل قد مر عليه ويعلمنا

[كهرووب]

كل المشاكل اللي عندك من تماتيك المروحه غيره وراح يضبط الموتر

[برق العطاء]

ممكن الثروتل

[عنيزاوي عصبي]

كل المشاكل اللي عندك من تماتيك المروحه غيره وراح يضبط الموتر

بس اخوي كهروب ؟ الي اعرفه ان المروحه اذا فيها خراب ترتفع الحراره ؟


حرارة موتري كويسه !! ومع ذلك يقولي المروحه يبيلها تغيير هل تتوقع ان كلامه صحيح

[يالبى الهلا]

الاحتمال الكبير اكلتش المروحة يزيد مع السرعة لانةًشابك

[كهرووب]

لاسار الكلتش شابك ماترتفع الحراره بس يسوي حنه + ثقل في الموتر

[kk99103]

لعل و عسى يكون تماتيك المروحة ما يكون الجنزير بس انت تقدر تعرف اذا كان تماتيك المروحة خربان ولا لا الي عليك انك تدور المروحة بيدك والسيارة طافية اذا المروحة تدور بسهولة يعني التماتيك كويس اما اذا المروحة تدور بصعوبة او ماتدور ابد فالتماتيك اعطاك عمره ماينفع لازم يتغير بس ماهو تكدير عليك انا قبل فترة تعطل علي تماتيك المروحة طبعا الحرارة ترتفع و ثقل السيارة موجود لكن تأثيره خفيف على العزم يعني العزم يضعف بس مولدرجة 140 ماتعديها و فيه صوت ونة نفس ونة الكورونا و هذا الي خلاني اذكر الجنزير اذا في قربعة فالمكينة وكل ما زادت السرعة زادت القربعة هذا الجنزير لا محالة و ان شاء الله اكون غلطان و موفق خير

[remz]

تاكد من عامود الدوران او الشيال حقة اذا فيه صارت معي نفس مشكلتك بغمارتين وطلع الشيال حق العامود