راس مكينة الباترول

[تركي الاتراك]

السلام عليكم
يأخوان انا معي باترول 99 مكينته 4500
الحاصل باالموضوع كان عندي الخرطوش العلوي ينتفخ هوا
بدون ماتحصل حراره او شيء وكانت تنقص موية الاديتر كل يوم وفحصت كل شي تمام
قررو انه وجه راس المكينه تعبان

فكينا الراس وشريت وجه أصلي ووديته لمخرطه وفحصوه الراس وقالو تمام
بس لازم تخرطه بنسبه قليله عشان يطبق الوجه الجديد
الوكاد خرطته وياليتني ما خرطته:D

طبقنا المكينه راح الهوا الي بالاديتر بس الراس هرب زيت من قدام
وتخسرت قيمة فك 300 ريال والشغل الاول500
كشف المكانيكي وقال الخرط ماهو مظبوط:(

الحين لازم اخرطه تنصحوني ادبل الوجه او لا
اخاف ادبله ومايضبط وأخسر فلوس وقيمة الراس غالي :(

الحين من الي يتحمل المسؤليه
ما اخذت لا فاتوره ولا شي من المخرطه
وأخيرا الي عنده حل يتفضل

[سفاري سوبر]

اللي اعرفه اذا انخرط الراس لابد من تدبيل الوجه

[يالبى الهلا]

لابد من تبديل الوجة وهذا هو المعروف اذا خرط الرأس دبا الوجة

[النديم111]

اخي الراس اذا كان الخرط بسيط يركب وجه واحد وهو الأفضل اما اذا زيادة وبتركب وجهين فلا ينصح به لان عزم الموتر مايرجع مثل اول بعدين نادر ان يصفى معك والحل راس نظيف من التشليح
وبالنسبه للراس القديم بأمكانك تاخذه لمخرطة أخرى ويكشفون عليه ويحددون المشكله احتمال من المخرطه او الميكانيكي اثناء التركيب خدش الوجه ونتج عنه المشكله

[اليوسف2012]

ماهو معقولة مسح بسيط للراس ويهرب زيت !!!!!
ممكن يكون غطاء البلوف ماشد مزبوط وقام يهرب
او المكانيكي يتعلم وقالب وجه الراس ممكن

[SGL]

أول مره أسمع إن الراس ﻻزم ينمسح عشان الوجه الجديد:confused::confused:
اللي أذكره ينظفون يصنفرون الراس فقط إذا كان نظيف ومابه خلل
ﻻكن أبعطيك العلم من آخره خذ راس مستعمل يكون نظيف غير ممسوح أو ملحم أو جديد صيني يمدحونه