حرارة الفتك2015

[ابو فهد ألعزي]

السلام عليكم ورحمة الله وبركاته

كيف حال المتواجدين


استفسار من اهل الخبره
خويي عنده شاص نيسان 2015

السياره بدت ترتفع الحراره فيها تدريجين
من بعد 35000 كيلو
السياره وهي ماشيه على سرعة 200 ولو تمشي من الرياض
الي الجنوب ما ترتفع ابد والمكيف شغال
مجرد ان يوقف ترتفع الحراره الي قبل الأتش

يفك الرديتر مافيه مويه الا قليل

غير غطاء الرديتر ما نفع غير بلف الحراره ما نفع سيخ الرديتر مشاء شويه كويس ورجعت المشكله مره ثانيه

اكثر ما تحصل المشكله اذا مشيت خط طويل على سرعه عاليه
وداه الوكاله جربوه ما طلع شي لاكن تعرفون الوكاله ما يمشون بسرعه وخالسياره بدت ترتفع الحراره فيها تدريجين من بعد 35000
السياره وهي ماشيه على سرعة 200 ولو تمشي منا لرياض ما ترتفع مجرد اني اوقف ترتفع الحراره الا قبل الاتش

افك الرديتر مافيه مويه الا قليل



اكثر ما تحصل المشكله اذا مشيت خط طويل على سرعه عاليه
وديته الوكاله جربوه ما طلع شي لاكن تعرفون الوكاله ما يمشون بسرعه وخط طويل



وسلامتكم ارجو من اهل الخبره ان يفيدونا جميع

[ذيب سايه]

يعني موية الرديتر تنقص ؟

[يالبى الهلا]

تاكد من الموتر مافية تهريبات للماء من الاديتر وخاصة ليأت السخان او الدفاية

[ابو فهد ألعزي]

المويه تنقص


وغطاء الرديتر غيره وسوا له تسييخ

ولا في اثر تهريب مويه ابد والسياره جديده 2015

[ateeq7]

اهلين طويل العمر
طبعا الضمان راح عن السيارة
انته تقول لم تكون ماشي الحرارة تحت بس لم توقف ترتفع الحرار قبل H هل هذه الحاله متكرر عندك
اوكي لم ترتفع الحرارة و انته واقف و مشغل السيارة طبعا هل المروحه شغالة يعني دفع الهواء قوي و لا هي تلف خفيف
وهل الحرار بعد فترة من الانتظار تنخفض بالتدريج ولا اضل ثابة قبل الاتش
بعطيك بعض المعلومات التي عندي
عند ارتفاع درجة الحرارة بقرب الاحمر الافضل توقف و تفتح غطاء السيارة و و المحرك شغال تشيك المروحة او الاتماتيك شغال و الكلش
ابدا لا تفتح غطاء الرديتور و الحرارة عاليه فقط شيك على مستوى الماء في دبة الاحتياط لازم يكون الماء تقريبا على النصف كل شي شغال من نظرة سريعه افتح زجاج السيارة و شغل المكيف افصل AC وخل المكيف شغال على الحار الدفاية انته بهذه الطريقه تعكس دورة التبريد للمكيف يدفع داخل السيارة هواء حار و على المحرك هواء بارد بعد فترة بسيطة بتلاحظ درجة الحرارة تنخفض تدريجيا و شيك على الماء في دبة الاحتياط وزودة ماء نظيف بس ما تجاوز مستوى العالي
ما شاء الله سيارتك جديدة وما لحقة على الاعطال الا اذا انتة معدل على المحرك او فاصل الكتمة
غير ماء تويوتا احمر جديد وشيك على البايبات الداخلة و الخارجة من الراديتر هل يوجد بها تسريب ممكن تحتاج كليبات جديدة و بالتوفيق

[ابوسند9]

وعليكم السلام
اذا الحراره توصل الاتش معناه , راح تسمع غليان الماء بالقربه بعد ما تطفي السيارة ,وراح يخرج الماء من , المكينه الى القربه اللي بجانب البطاريه ومن القربه الاساسيه الى قربة الزائد اللي امام السائق , وبعد ما تبرد السيارة وتشغل يرجع الماء من القربه اللي امام السائق الى القربه الاساسيه ,ومن القربه الاساسيه الى المكينه ,فهنا المفترض اوضحت كم كمية النقص ؟ وهل في حال الحرارة يطلع المويه برا عن طريق قربة الزائد؟
ويعني نفهم منك لما تشغل الصباح مثلا وتروح وتجي ما عندك حرارة؟ عدا في السرعه فقط وعندما توقف؟
طبعا ها المشكله سبقا صارت عندي ,لما اوقف ترتفع الحراره , ولما امشي تنزل ,ولو ادخل نفود وادعس على السيارة لمده دقيقتين توصل حول الاتش وهنا طلع عندي المشكله من بلف الحراره
لذا بعد ما ترتفع الحراره وقف , وشوف صوت المروحه وادعس بنزين ,اذا تشوف صوت المروحه مزعج فا تماتيك المروحه سليم , ماله صوت فهو عطلان
كذلك احرص انك تعبئ الماء عن طريق القربه الاساسيه وتضع فيها ثلاث ارباع وهي اللي تغذي الاديتر في حال النقص وهذا من شان ما تكسب هواء المكينه
الشي الاخر للفائده لما تسيخ الاديتر ,تعبى المويه مع القربه ترك غطاء الاديتر مفتوح ومع فك مسمار تنسيم الهواء شي بسيط وموقعه ماصورة صغيره اعلى دينمو السيارة وفيها مسمار رقم 10 تفكه شي بسيط حتى يهرب مويه وتغلق الماء حتى يمتلي الاديتر, مع فتح السوتش ,وتشغل المكيف الحار بدون تشغيل Ac حتى ياخذ الماء دورته داخل الدفاية بالسيارة وخروج الهواء
وبرضو طبق كلام اخونا العزيز عتيق
وانا اتوقع ان المشكلة عندك من تماتيك المروحه , بعد السرعه العاليه ما يشبك ,ولو حد تعرفه معه فتك تجرب تاخذ التماتيك

[ابوسند9]

وكلامي في الاول , شيك على القربه اللي امام السائق هل فيها ماء ام لا طبعا بعد الحرارة وبعد ما تبرد السيارة؟ واذا فيها مويه لا تزود السيارة ماء ابدا ,فقط شغل وبعد ربع ساعه وبعد ما تحتر السيارة راح تسحب المويه للارديتر ,

[ابو فهد ألعزي]

الله لايهينكم وجزاكم الله خير

تماتيك المروحه شيكه تمام يقول تمام

وبتئكد منه في ماقلتم وارد لكم

[العطاوي a511]

بما ان الماء ينقص والموتر جديد بسيطه ان شاء الله

عندك غطاء القربه اذا خرب يخلي الماء يروح للقربه الاحتياطيه ويطلع

او تهريب على شكل تنسيم والله يعينك يبيلك تدوره وليات الفتك كثير ومواصيره

غير كذى وجه الراس ومستبعد لان موترك جديد الا اذا اهملت الحراره

بالنسبه لتماتيك المروحه يرفع الحراره اذا كنت واقف بس ماينقص الماء بالخط زي ماتقول
تماتيك المروحه اذا خربان لاتغيره اشتر قطره تماتيك ب 30 ريال فقط وفك التماتيك وعبه هذا اذا التماتيك ضعيف فيه ناس تشتري تماتيك بحول 700 وهو مافيه شي بس يحتاج زيت

موترك مايتعدى هالحلول الثلاث

[ابو فهد ألعزي]

جزاكم الله خير يا اخوان

الرجال يقول قد بهذله ولا عرف له خلل

واللي يعرف ورشه كويسه يدلنا عليها
اوعنده خبره في اكتشاف نقص الماء

يقول ماعنده مشكل بياصله محل ما كان

[ابوسند9]

اذا يبغى ورشه بالقصيم
عندك ورشة ابو خالد الخضير ببريدة
وفيه ورشة محمد الخضيري بتشاليح بريده وكلهم ممتازين

[خلي شموعي]

عجيب موتر 15 والحل تسييخ اديتر وتغيير غطاء وبلف!!!

هذا الخلل ماله الا الوكاله وشلون ترضى بالاصل انك تغير قطع وهو جديد.؟

[ابو فهد ألعزي]

رحنا للوكاله وجلس عندهم شهر


مابان فيه شي

[abumashari]

ابو فهد
الشباب ما قصرو فادوك بالعلم
لكن انت شكلك مبهل بالموتر ترهيم ودوس ودوس اكيد يبي يختل لكن هد

[ابو فهد ألعزي]

السلام عليكم ورحمة الله وبركاته


شكراً للجميع على ارائهم الهادفة والتعاون الجميل والمشرف والله

في هذا الموقع المبارك


وانا بحثت في الموتر كل شي سليم
الي مابقى غير الحل الصعب وهو فك الراس
وفكيت الراس وفحصناه في المخرطه وطلع الراس مكسور من الداخل طبعاً شريت راس جديد وكاله وركبته والحين الحمدلله
راحت الحراره من الموتر


وهو اكيد من سوءا استخدام خويي الله يهديه يدعك الموتر مره

في البر والسفريات


طبعاً كلف الموتر بالتفصيل

راس وطقم وجيه ومويه اصلي وبلف حراره وغرا 4800

والمخرطه فحص الاول وصنفرت بلوف وتركيبها في الراس الجديد700

وتسييخ رديتر 120

وشغل يد1200

وسلامتكم جميع

[الوسم]

شكرا يا أبو فهد على تبيين الخلل والإصلاح وطريقتة وتكلفته

[ابو فهد ألعزي]

العفو

هذا الواجب منا كلن يوضح النقاط اللي تصير معه
ليستفيد الجميع