تكتيم مع الدعس

[خلي شموعي]

السلام عليكم ورحمة الله وبركاته




بحاول اشرحلكم المشكله بشكل واضح وهي كالتالي

عند الدعس بنصف البنص فما اكثر ينكتم الموتر وكأنك مادعست

واذا رجعت بالدعسه الى الربع يفز وتروح الخنقه

يعني لو دعست كل البنص توصل السرعه 160 اما لو دعست الربع بس

توصل 180 والمشكله كانت تروح وترجع والحين طوالي وفي كل وقت

بالنسبه للمحرك صافي اثناء الوقوف واثناء المشي

فقط تظهر المشكله مع الدعس والسياره مرسيدس قديم 8 سلندر

بنظام بخاخ ميكانيكي والطرمبه والصفاي واسلاك البواجي والبواجي كلهم

جديد والكويل والديلكو اظن انهم سليمين والدليل مافي تفتفه او تقطيع

وكتاوت الطربمه سليم واستفساري ماهي المشكله في العاده مع

ماوصفت هل هو من البخاخات او مشكله بليات الهواء ياليت يفيدني من

حصل له نفس المشكله بالضبط وشكرا مقدما للجميع

[hassan-55]

بأقولك شغلات سوها بنفسك ما تأخذ وقت ولا مال
اشتر بخاخ اللكترونيات وفك الاير ماس ونظفه بدون ما تلمسه نظفه من بعيد
طلعه برا ونظفه زين
وحاول تنظف البوابه (الثروتل بدي) بتشوفها واضحه بعد ماتفك الاير ماس
وطريقة فكه سهله فك الغطاء اللي فوق المكينه طلعه برا
والغطاء وسطه الفلاتر عدد اثنين طلعهم برا وانفخهم بالهواء
وجرب ان شاء الله تستفيد
ومع انك ما ذكرت مديل السياره
وماذكرت في دخان اسود ورائحة كربون
جرب اللي قلت لك و ان شاء الله تستفيد
الموتر ذا جاب لي الضغط والحمد لله بعته بعد ماخسرني خساير الله اعلم بها

اسف على الاطاله

[خلي شموعي]

لا تتأسف ياخوي وانت صاحب المعروف وشاكر لك على نصايحك

بالنسبه للأيرماس غير موجود لأن كما ذكرت بنظام بخاخ ميكانيكي وليس كهرب

يعني زي الديزل تقريبا

وبالنسبه للدخان والكربون كان عندي دخان وكربون مع التشغيل الصباحي وبعد ماوزنت

موزع البنزين اختفى كل شي ولله الحمد ولا اعرف هل ممكن بقايا الكربون تسبب

المشكله.؟؟؟ ياليت تفيدوني بهالنقطه

بانسبه للثروتل نظفت لسانه بس لأنه يصعب فكه

[hassan-55]

كم مديله اخوي
وعندي سؤال كيف مافيه اير ماس
الاير ماس يكون راكب على الثروتل
والله أتمنى افيدك
اذكر المديل وياليت صوره للمكينه
وان شاء الله مايقصرون الاخوان معك
اسأل الله لنا ولكم التوفيق

[خلي شموعي]

الموديل 87 والايرماس نزل عام 92 على الشبح

https://111kuroyanagi1.files.wordpress.com/2009/09/1989-mercedes-benz-560sec-sale-japan-23k.jpg (https://www.google.com.sa/url?sa=i&rct=j&q=&esrc=s&source=images&cd=&cad=rja&uact=8&ved=0CAcQjRxqFQoTCIT64s2li8kCFcE_GgodxNwAKg&url=https%3A%2F%2F111kuroyanagi1.wordpress.com%2F2 009%2F09%2F25%2F1991-mercedes-benz-560-sec-sale%2F&psig=AFQjCNGeoJAfqWYtvWTgOU0rcYpUkFnyKQ&ust=1447431701618374)

[hassan-55]

الله ييسر امرك اخوي
صدقت اخوي اللي كان عندي 92
تختلف اختلاف كبير المكينه
ان شاء الله الاخوان يفيدونك
والله كان ودي اساعدك
عموماً اشتر محلول منظف اللي يخلط مع البنزين وامسك خط مسافه بإذن الله تستفيد
ابحث عن النوع الجيد
وأتمنى الاخوان يساعدونك اسأل الله لنا ولكم التوفيق..

[hassan-55]

ان شاء الله تستفيد من دروس الأخ أبو عبدالرحمن
تابعها

http://mekshat.com/vb/showthread.php?t=618823

http://www.mekshat.com/vb/showthread.php?t=227152

[خلي شموعي]

ماقصرت يالذيب كفيت ووفيت

[SGL]

أخوي أذكر واحد معه باترول كان في كتمه مع الدعس المفاجئ فقط وكان السبب وزن ديلكو فقط
الثاني معه سوباروا وكانت تكتم وطلع الخلل صفاي البنزين وغيرها ﻻكن أخذت حول أسبوع وخربة الطرمبة بسبب الصفاية القديمة
وكمان فلتر الهواء إذا قديم يسبب كتمه

[ماجد ابو فيصل]

تاكد من الشكمان لايكون مسدود

[خلي شموعي]

ماجد و sgl شكرا لكم والذي ذكرتوه تم التأكد منه وكله سليم

بانتظار من مرت عليه نفس المشكله ليفيدنا