المكيف وعداد الحراره لليوكن يفصلون ؟؟؟!!

[abdulkrim1399]

السلام عليكم ورحمة الله وبركاته

مساء الخير جميعاً

عندي يوكن 2010

من يوم اخذت السيارة من فتره وهي فيها مشكلة ولحد الآن ما صلحت ،،

المشكلة ان فجأة كذا يفصل علي عداد الحرارة والمكيف طبعاً وانا ماشي ، افصل اصبع البطارية ترجع الامور طيبه ، وبعدها يأخذ يومين او اكثر وترجع المشكلة ، واحيان يطول شوي ، ما فيه كهربائي الا مريته وكل واحد يعطيك راي ، ولكن للأسف دون جدوى .
غيرت علبة الفيوزات والكتاوت كلها ولا طلعت منها المشكلة ، غيرت حتى البطارية ولا صارت فيها المشكلة ، غيرة حساس الحرارة ونفس مشكلتنا ، .

آمل افادتي او تدلوني على كهربائي ممتاز ولكم كل الود والتقدير ،،،

[R I V A L]

هارد وير




.

[remz]

حاول تفحصة عند واحد واحد عنده برمجة اون لاين والغالب انه الهارد مثل ماقال اخوناااا
وانت تقول غيرت حساس الحرارة السؤال هل عندما يطفي المكيف وتطيح الحرارة تشتغل المراوح عالي والطبلون يطلع حرارة السيارة زائدة. حاول وقتها. انك تفصل الحساس حق الحرارة وترجع تركبه واذا ماخاب ظني ان مشكلتك بالسلك حق الحساس مرات مايوصل مع الاهتزاز والحركة تاكد منه واسف على الاطاله

[الحربي 591]

اذا مافيه اي تغيير في السياره بعد مايفصلون او يشتغل شي فالمشكله بسيطه واعتقد برمجه

[abdulkrim1399]

اخوي رامز

نعم اذا طاح عداد الحراره وفصل المكيف يطلع صوت المراوح ،
ويطلع عندي بالشاشه انذار يقول ان حساس الحراره تعطل ،

ـ طيب اذا المشكلة بالسلك وش دخل المكيف ؟!

ـ قبل فترة بالفحص العادي طلع عندي مشكلة بالكهرباء ، بس كانت المشكلة والله العالم انها بالمراوح لأن وحده منهم كانت تفصل والفيش حقها تعبان وغيرتها ،

افضل اللي مريت عليهم كهربائي تركي ، يقول المشكلة قد تكون بالحساس ، وغيرت الحساس وبعد كذا طول اخذ تقريباً 20يوم ما صارت له الحاله ، ولكن رجعت مره ثانية ،

طيب الكمبيوتر اون لاين وين احصله ، وهل يطلع المشكلة بالضبط ، حتى لو سلك مو ثابت او مجروح ،

[abdulkrim1399]

الحربي

نعم اذا فصل ما يتغير شي بالسيارة !

[1824]

عندك المشكلة حولك حواليك عند حساس الحرارة لانه الكمبيوتر تلقائيا يدخل وضع الأمان ويطفي المكيف ويشغل المراوح على اعلى سرعة طوال الوقت احتياط لانه احتمال طول الوقت حساس الحرارة يعطي قراءة خاطئة والمكينة حرارتها قاعدة ترتفع عرفت فالكمبيوتر يحمي المحرك أولا اهم شيء لف حول حساس الحرارة والبرمجة بالتوفيق لك

[ابوطارش]

اذا كانت واحدة من المراوح تفصل يعني عندك مروحتين
على العموم المراوح الكهربائية تشغل على حساسين وهما الحرارة والمكيف
اذا المكيف طافي والسيارة باردة ماتشتغل المراوح
يعني المشكلة اللي تقول مشكلة الفيش اللي صلحته ردة زي ماكان وامسك الكهربائي وفقع وجهه لانه لعب بكهرباء السيارة

وايضا اذا كنت شاري السيارة فأحتمل المشكلة اكبر بس اتوقع ماكان فية شي

اما وش دخل المكيف يفصل من الكنترول اذا كانت الحرارة مرتفعة بس يرجع يشتغل من الكنترول ايضا
وبفي بعض الحالات يفقد الكنترول اشارة او تغير القرائة من الاجزاء المرتبطة في المكين مثل مكيف او طرمبة ماء او طرمبة الهدروليك
ويقوم بتشغيل المراوح كاجراء لحماية المحرك

بس اهم شي لاتخلي احد يولف في الكهرب

[remz]

هلابك اخوي. المكيف يفصل من الكمبيوتر وهذا نظااام محافظة على المكينه. والمراوح اذا تقول فيشها تعبان طلعها برا والحمها لحام مباشر السلك بسنةالمروحة بلحام الكترونيات واتكلم من واقع تجربه سويتها بتاهو 2007 ولله الحمد ضبط كذا وقيمة ماطور المروحة 250ريال شد البلد بدون ريش. وفيه بعلبه الفيوزات الخارجيه بعد البطاريه. 3 كتاوتات اول شي من عند البطاريه 2 بيض وواحد اسود البيض واحد للسرعه العاليه والثاني للواطيه والاسود الكنترول حقهن هو المسؤول عنهن واذا الحرارة وضعه طبيعي حاول تفحص توصيل السلك بجهاز الاميتر من راس فيش السلك الى السلك
وبنسبة للاون لاين حصلته عند واحد بورشه بالشرقيه ومشكلتك والله اعلم انه خلل من السلك او وحدة من اامراوح تطفي. بانتظار ردك وتيسر امورك باذن الله. والله ولي التوفيق.

[abdulkrim]

المراوح غيرتها كلها ، و احد الافياش كان تعبان وضبطه ،

والسيارة اذا شغاله وبارده عادي ما تشتغل المراوح لين الحرارة تتعدى النص ثم تبدا المراوح بالشغل ، واذا نزلت طفت وهكذا ،،،،

واذا شغلت المكيف اشتغلت المراوح على طول بشكل تلقائي وهكذا ،،

ولكن اذا فصل عداد الحراره يطفي المكيف على طول ولا عاد يشتغل الكمبريشر ،

واذا فصلت اصبع البطارية رجعت الامور طيبه ،،،

هل تتوقعون ان المشكلة سلك ، او برمجة ،،،

اشوف لحد الآن ما رسينا على بحر ههههههه

وممكن تدلوني على كهربائي فاهم في ذا الشغلات ،،،

آمل افادتي بشكل اوضح ولكم ودي وتقديري ،،،

وعلى فكره البرمجه قد برمجتها برمجه عاديه ،،،،

[alwali]

اذا انت بالشرقية انا اعرف واحد يضبطها لك
ونصيحه لا عاد تفصل اصابع البطارية لأن هذي الحركة تعطب الكمبيوتر

[abdulkrim]

بالرياض طال عمرك

[اابو مياس]

السلام عليكم اخوي شيك على اسلاك حساس الحراره حاول تفك اللزق الي على الاسلاك وتبعدهن عن بعض اذا كان سلكين وتلف لزق عل كل سلك لوحده وتبعدهن عن القزوز