المساعد الشخصي الرقمي

مشاهدة النسخة كاملة : مشكله لمبه ال sub tank باترول فتك 2006


الاحمددي
15/11/2015, 03:10 AM
السلام عليكم ورحمة الله وبركاته
اسعد الله صباحكم ي اخوان
عندي مشكله ف لمبه sub tank مولعه على طول معي .

ولمبه البريك بعد تولع وتطفي مع اي رجه للسياره او لمس عصى البريك .
ونفس الموضوع ب امبير البنزين قرايته خطأ اعبيه فل يجي ناقص ربع 10 دقايق يجيني انه نص

اتمنى الي عنده خلفيه للموضوع يفيدنا .
واذا كان يعرف ورشه ف منطقه ينبع يدلنا عليها .
عزٍيزٍ
15/11/2015, 07:06 AM
لمبه ال sub tank هذي للتانكي الثاني
ماتقدر تحول عليه
قد حصلت معي وصلحتها ب500 ريال بورشه بالقصيم
وفيه ورشه بالرياض يصلحها بعد
لكن بينبع مااخبر احد
اذا ماحصلت ورشه .. الحل الاخير اشوف انك تروح لفني اكترونيات فنان وتخليه يفك الطبلون ويتاكد من الايسيات والتلحيمات بشريحة الطبلون الخلفية
والاغلب انها مشكله كهربائيه بالطبلون نفسه
ابحث بالمنتدئ ..تطرقو لها كثير هذي المشكله
ابوسند9
15/11/2015, 10:27 PM
وعليكم السلام
اذا لمبة sup مولعه , والتانكي الاحتياط يحول فهنا نقول الطبلون عندك سليم 100% وطرمبة التانكي الاحتياط سليمة 100%
اما اذا التانكي ما يحول البنزين للرائيسي فا المشكله من الطبلون وحلها ب سهل ب 80 ريال تصلحها
اما مشكلة امبير البنزين ,فعندك العموامه متحركه ,ارفع الفرش الاخير اسفل مراتب الصف الثالث وراح تحصل صاجة دائريه ,هذي الطرمبة , شوف لك كهربائي ممتاز وخليه يطلع الطرمبة برا ,وهنا راح تلاحظ ان العموامه متحركة من مكانها او ابرة العوامة مبتعده عن خارطة القراءة ,وبكذا ما يحتاج تستبدل العوامه , فقط يتم ربط العوامة بواير صغيرجدا لكي تلامس الابرة الخارطة
كلامي اعلاه موضوع
الموضوع الثاني
لمبة البريك ولمبة sup ,اذا التانكي الاحتياط يحول للاساسي وما فيه مشكلة
جرب افصل اصابع البطاريه وركبها
شيك على فيش الدينمو فممكن انه يتحرك او متوسعه الاسنان
شيك على كيابل سالب البطاريه , الخارج للبدي والخارج من البدي للمكينه لاتكون تحتاج شد او فيها املاح
واذا اعلاه سليم فعندك المشكلة بالدينمو ,وهنا تحتاج دينمو جديد ,والخيار لك يا اصلي او تجاري حق مكسيما ب 350 ريال وهو عملي جدا
الاحمددي
15/11/2015, 11:45 PM
الله يعطيكم العافيه على الردود ..
بس حاب اقول لك اني يوم اضغط على زر التحويل بين التانكي الرئيسي والاحتياطي مايعطيني اي لمبه او اشاره انه انتقل للتانكي الاحتياطي فذي الحاله وش علي اسوي .
وعند تشغيل السياره تطلع ريحه بنزين وش الحل الجذري لهذه المشاكل لاهنتم
ابوسند9
16/11/2015, 12:43 AM
طيب
طبعا مافيه لمبة بالطبلون تعطيك اشارة انه انتقل من الاحتياط للاساسي عدا ان مؤشر البنزين با التانكي الاحتياط نقص , ومؤشر التانكي الاساسي زاد
بمعنى اخر , اذا ضغط زر التحويل ,وولعت اللمبة الموجودة بزر التحويل معناه انه جاري تحويل البنزين
غير ذلك لما تضغط زر التحويل وما تولع اللمبة فمعناه ان التانكي الاساسي فل هذا شي
الشي الاخر لو فرضنا ان التانكي الاساسي فيه مثلا النص , وهنا اردت ان تضغط زر التحويل بالاحتياطي وما قبل يحول او ما ولعت لمبة الزر ,وبنفس الوقت عندك بالطبلون مولعه لمبة sup tank فهنا المشكله من الطبلون وحلها سهل
لكن توقع ان عندك sup tank سليم ويحول البنزين ,
لكن مشكلتك كما ذكرت لك في ردي الاول
ابوسند9
16/11/2015, 12:44 AM
وريحة البنزين مافيه مشكله ,انت الحين شوف المشكله الاولى
الاحمددي
16/11/2015, 11:07 AM
اوك الله يعطيك العافيه ياابوسند الله يعطيك العافيه ماقصرت
بشوف لي كهربائي مضبوط واشوف المشكله