حوار مفتوح ولكن لا ........

[عاشقة الطير]

أتمنى منكم التفاعل معي الموضوع هو أننا نتكلم بأي موضوع بس مايطلع عن المواضيع المعتادة بس نجدد فيها أبي أطرح عليكم موضوع وأبي أرائكم وش رايكم في طلعة العوائل والكشتة في البران معهم:cool: بعض الشباب يقولون الحريم والعيال مايصلحون أنهم يكشتون :( وهذا أكيد أحبطني :no: وأبي أرائكم يالله ياهل الخير التفاعل الله يجزاكم خير:good2:

[مسافر1]

في اعتقادي أن الوسطية مطلوبة ..
فمن وجهة نظري أن يكون بين بين .
فمرة معهم ومرة أخرى مع رفقاء الرحلة .
فلهم حق في ذلك . ولك حق بهم .

[ALHAWY1]

انا اري ان للطرفين حق في هذه الرحلات ولكني اعتقد ان الكشتات للاماكن القريبه تصلح للعائله والكشتات البعيده تصلح للشخص مع اصدقائه ومن واقع التجربه فالشاب في بداية عمره يحب الكشته مع الاصدقاء (البعض) ويتعصب لها كثيرا ولكن عندما يتقدم به العمر تختلف النظره الي هذه الامور ويقدر حق العائله في الكشته ومثلما قال اخوي مسافر الوسطيه مطلوبه

[الفهد11]

موضعك ياعاشقة الطير مرتبط مع موضوع الاخ كن كن

فعلا انا من ناحيتي قليل ماطلع بالاهل ليش مادي
خاصه اذا الجو برد ماحرص اطلعبهم ابد.

[عبدالرحمن]

من احلى ذكريات الطفوله كشتات البر ليه تحرم غيرك منها؟ <<< خير الكلام ما قل ودل

[عاشقة الطير]

مشكورين على الأطلاله وأنت صادق يا عبدالرحمن بصراحه الرجاجيل طايحيلي في موال أن الحريم والعيال خمة وما يصلحون أبدا طلعة والكشتة وأنا أشوف عوائل مشاء الله يعني ماعندهم أشكاليه بل يطلعون لمدة أسبوع تقريبا في كل عطلة ربيع مشاء الله

[عاشقة الطير]

طيب مين اللي طلع مع أهله وكشت معهم يومين أو ثلاثة

[ع.ف.الدرويش]

من احلى ذكريات الطفوله كشتات البر ليه تحرم غيرك منها؟ <<< خير الكلام ما قل ودل

فعلاً أحلى الذكريات تلك التي ترتبط بالعائلة..;)
بالنسبة لي فالكشتة مع العائلة غير لها طعم ولها نكهة غير صحيح إن الواحد نوعاً مّا يبلش بالمكان لكن إللي يجهز نفسه مهوب لاقي إلا الخير..
أطول كشتــه كانت بالأهل كانت قرابة اليومين..
وفعلاً ما نسيتها إلى الآن.......

:cool:

[ع.ف.الدرويش]

طيب مين اللي طلع مع أهله وكشت معهم يومين أو ثلاثة

واحد من الزملاء.. ما شاء الله عليه كشت مع والده وإخوانه وأعمامه وكلٍ منهم معاه أهله وجلسوا بالبر وهنا وهناك مدة أسبوعين تقريباً...

من هنا أقول يسويها المهتوي...... لكن كل واحد يحط عذروب أكبر من طعس...;)

أخوكم..( أبو فهـد )........

[صقر20]

لهم حق يطلعون

[hassn.hassn]

شاكرااااااااااااااا منكم

[قرناسه]

هلا اختى,,

بالعكس احلى الطلعات مع الاهل والمعارف..وحلاتها مع الوالد والوالده..والاهل..

[الحفولي]

انا واقاربي دايم نطلع كشته بالعوائل لكن دائما قريب من المدن علشان اي طاريء لاسمح الله واغلب الأوقات نجتمع في مخيم متكامل كم يوم .. ولو تشوفون فرحة الأطفال شي غير طبيعي واذا اطفالك واهلك استانسوا ... هذي بحد ذاتها وناسه
وعندي افلام فيديو لطلعاتنا وبعضها للبزران عادهم صغار

اما الكشتات الى الأماكن البعيده نكشت بدون العوائل لأن البر (مقطعه) مثل مايقولون

[الوانيت1]

الحذر ثم الحذر خاصة أبو العايلة ألى معة حريم وأولاده الذكور للحين ما أشتدد عودهم أنة مايجازف بمحارمة ولايبا ت وينام فى البر ومعة أهلة فأولاد الحرام واجد .... والبر مليان بالخبلان والمحببة وألى يفهمون غلط وخاصة منطقة الصمان الشمالية حول الدبية ومعرج السوبان أومنطقة الحمطيات الى الحفر والحذر من بعض الرعيان الذين يأ تون من الحدودالشمالية فى موسم الربيع حيث تعرضت لمحا ولة سرقة السيا رة وماطور الكهرب وذالك الفجر الساعة حول 4أفرنجى وشفناة وقمت أصيح عليه وقف..وقف وأنا أبى فرقا ة و لان السيارة مقفلة وأنا متأكد أنة ما أخذ منها شىء والما طور ثقيل ما قدر يركض وهو شايلة ونزلة وركضت أنا وراه حتى وصل سيارتة حيث تركها شغاله على خط دبايه ماهو بعيد من مكان ممسانا وكان بأ مكانى أنى أرمية حيث كان معى مسدس 9ملم أبومحالة ولكن كفانى الله شرة ويطمر فيها ويهرب ولكنى شفت السيارة وعرفت شكلها وحسبت فى وقتها أن لورميتة مثل ألى يحل مشكلة بمشكلة أكبر منها وتعال أبلش ومنهو يصدقك وعقبها حسيت بكبر غلطتى وأرجع للعيال وأمهم والبنيّات ولاولله الى يبكى واللى يصيح يقول رحت أنت والحرامى فى الظلمة ولاندرى وش صارعليك وكل منهم معاه عصا بس وش الفايدة الغلطة غلطتى انا... حدث هذا فى بر الحمطيات ......والعلوم واجد..... وهذا غير المتطفلين الذين سبحان ألله كلهم العذر عندهم واحد وهو (( ضايعة لهم ناقة أو وين طريق القار )) وبعضهم يكذب حنشل ويعس ويستكشف..فالقرب زين والجمعة وكثر العرب والناس معزة وهيبة وألاهل لهم حق فى طلعة البر ولكن بحذروبدون مجازفة وكفانا ألله وياكم الشر وأولاد الحرام ../////