وين القاها ياجماعه

[الصامت 2008]

السلام عليكم ورحمة الله وبركاته
واهنيكم واهني نفسي بهالأمطار اللي نزلت علينا ياربي لك الحمد والشكر جعلها الله امطار خير وبركه وعم بنفعها الجميع
اخواني
ذكر لي احد الربع عند شكواي من سالفة الكهرباء خلال الكشتات البرية ومعاناتي من نقل المحول او الماطور احيانا بأنه يوجد شرائح تستخدم بالكشتات على الطاقة الشمسية لتوليد الكهرباء فودي لاهنتوا اللي يعرف وين مكان بيعهن وكم اسعارهن وهل هن حجم واحد او يوجد مقاسات
وابشركم الجوف امطارها طيبه والحماد كله بلا استثناء جاه خير ولله الحمد وكذلك حرة الحرة
وحياكم الله كل في مكانه ادام الله علينا نعمة الامن والامان والصحة والعافية
تحياتي للجميع
وبعد اذن الادارة هذا جوالي لأي خدمة من الجوف
0505389968 (tel:0505389968)

[تركي1]

تلقاها في اسواق البطحاء في الرياض
لو حبيت ارسلك وصف اكثر ابشر

[الصامت 2008]

هلا أخ تركي
ايوالله ودي وياليت توضح لي لاهنت المقاسات والقيمة وهن فعلا فعالات ولا لا وحاجتي فقط إناره وتلفزيون
ولك جزيل الشكر بعد الله
ومارديت عليك كنت بالبر
تحياتي

[ساري الليل 44]

السلام عليكم ورحمة الله وبركاته
بعد اذن اخي تركي
الخلايا الشمسيه موجوده عند رفيق الدرب في الغرابي
بالرياض بجوار مسجد
حقين الزينات ولهم فرع في مخرج 15 شرق الرياض
وممكن تتصل بالمسؤول في المحل وتتفاهم معه ويرسلها لك
وهذا رقمه0114012992
والجوال 0508577724 أبو صالح
وتعاملهم ممتاز جدا وصادقين

[Anwar abdulla]

اذا الواح الطاقه الشمسيه لمخيم ثابت تنفع
اذا للكشتات ماانصحك لانها تحتاج الواح وبطاريه ومحول
يعني ماراح تستفيد
وجهة نظري

[كاشت وحداني]

اذا الواح الطاقه الشمسيه لمخيم ثابت تنفع
اذا للكشتات ماانصحك لانها تحتاج الواح وبطاريه ومحول
يعني ماراح تستفيد
وجهة نظري

نفس وجهة النظر
بدال ماتشيل محول لحاله او مولد كهرباء صغير لحاله
بتشيل الواح وايضا يبي لها عناية علشان ماتتكسر وبتاخذ عليك حيز في الموتر
وبطاريات التخزين حقتها
والمحول واسلاكها
خلك على محول بطارية السياره
او مولد صغير