لنمبة البطارية بالهايلوكس

[اليورو تو]

اخواني الأعظاء الكرام
السلام عليكم ورحمة الله
عندي هايلوكس موديل 2013 تويوتا ركبت فحمات للدينمو قبل فترة ومن هذاك اليوم واللنمبه حقت البطارية شغاله مدري ايش المشكلة ..
اليوم مريت على اكثر من كهربائي ومو عارفين المشكلة بالضبط اللي يقول الكتاوت حقت للدينمو وووو الخ ... السيارة شغالة بشكل طبيعي الحمد لله لكن هاللنمبة مضايقتني ....تكفون اللي عندة خبرة والا قد مرت عليه نفس المشكلة يفيدني

[ابوراكان تبوك]

شوف لك كهربائي يقيس الكهرب الخارج من الدينمو كم قوته

واذا انت تبي تغامر وتبي تصلح بموترك بنفسك

افصل اصبع الكهرباء والموتر شغال اذا طفى الموتر الفحمات اللي انت ركبتها ماتعطي كهرب زين لازم تفك الدينمو مره اخرى
واذا ماطفى الموتر شوف لمبة البطارية طفت او لا

عموما المشكله اقرب جدا الى الكتاوت او المشكله قد تكون من تركيب الكهربائي للدينمو ممكن لخبط الاسلاك احتمال التماس او الفحمات ماطبقها زين او انه لم يصنفر مجرى الفحمه

لاتتهاون في المشكله نهائي ممكن الكتاوت متعطل ومخلي الدينمو سبيل يصرف كهرب على كيفه
والاضرار الناتجة عن ذلك احتراق البطارية + نقاط الكهرب في السياره من علب فيوزات واجهزه + اللمبات تذووب الاغطية حقتها

[اليورو تو]

تسلم يابو راكان وبيض الله وجهك ما قصرت