مشكلة حدثت لي بعد تنظيف الثروتل والعزم طاح

[سراج الفرح]

مرحبا ياجماعة الخير
اليوم سويت تنظيف للثروتل لان كانت تقطع اثناء الرجوع للخلف وتم عمل تنظيف للثروتل وصارت تمام لكن ظهرت لي مشكلة ارتفاع بالحرارة وزيادة مؤشر الار بي ام،
وتم فصل البطارية ورجعت لحالتها الطبيعية تقريبا الا العزم احسه تغير وصار اسوأ،، هل يحتاج اعمل برمجة للسيارة لان ماعملت لها ؟ او حساس الهوا يحتاج تنظيف مثلا؟ او انتظر عليها يمكن ترجع طبيعية كالسابق؟

انتظر اراؤكم
ولكم جزيل الشكر والتقدير

[سراج الفرح]

السيارة كامري 2011 وتم تغيير فلتر الهواء ايضا اليوم

[SGL]

السيارة كامري 2011 وتم تغيير فلتر الهواء ايضا اليوم

وش نوع المنظف المستخدم لتنظيف؟
وكيف طريقة التنظيف؟هل فكيت الثروتل أو تم التنظيف وهو مكانه؟
والبوابة هل حولت تفكها بيدك أو حركتها؟وحساس الهواء هل نظفته أو سويتبه شي؟
أعذرني على كثر الأسئلة ï»»كن قد نظفته لكامري2011وماشاء الله ماحصل معي مثل ماحصلك وبلعكس الموتر أفضل من قبل

[سراج الفرح]

تسلم عالرد هذا عامل الكراج سواها
فتح بوابة الثروتل ونظفه
بس حساس الهوا ماتوقع نظفه
ونوع المنظف ماعرفه صراحة ماخليت بالي لنوعه

[سراج الفرح]

انا مستغرب من الحرارة احيانا توصل قريب النص واحيانا تنزل هل هذا طبيعي الشي؟
يعني الحرارة متذبذبة بين الصعود والهبوط
هالشي ماقمت الاحظه الا امس بعد تنظيف الثروتل

[sa13]

انا مستغرب من الحرارة احيانا توصل قريب النص واحيانا تنزل هل هذا طبيعي الشي؟
يعني الحرارة متذبذبة بين الصعود والهبوط
هالشي ماقمت الاحظه الا امس بعد تنظيف الثروتل


اذا هي اقل من النص فهي طبيعي. المروحه تكون طافيه ولما ترتفع الحراره لقبيل النص تشتغل المروحة واذا نزلت طفت المروحه.

[سراج الفرح]

تسلم عالرد
يعني هذي هي ميكانيكية المروحة كل ما تشتغل ترتفع الحرارة وكل ماتبند تنزل الحرارة،،
وشنو سبب عمل المروحة وتوقفها مرة اخرى؟
وهل في علاقة بين المكيف والمروحة والحرارة؟

[sa13]

الله يسلمك

مروحة الكامري كهربائية تعمل على حساس موجود في رأس المكينة، بحيث إذا ارتفعت حرارة السيارة الى نقطة معينة تشتغل المروحه علشان تبرد الماء الموجود في الرديتر وعند نزولها إلى نقطة معينة تفصل المروحة. يعني هذا الحساس هو اللي يتحكم في تشغيل المروحة بناء على درجة حرارة الماء في المكينة.

بالنسبة للعلاقة بين المروحة والحرارة اعتقد انها وضحت، اذا طفت المروحة ارتفعت الحرارة واذا اشتغلت نزلت الحرارة.

بالنسبة للعلاقة بين المكيف والمروحة تختلف بحسب نظام السيارة ولكن في أغلب السيارات عندما يشتغل المكيف تشتغل المروحة معه علشان تبرد السيارة وكذلك المكيف يبرد بشكل أفضل.

الهدف من عمل المروحة وتوقفها هو الحصول على درجة حرارة تشغيلية ثابتة تقريبا. اذا افترضنا ان المروحة تشتغل على طول، في الشتاء ومع السفر راح تبرد السيارة بشكل أكثر من المطلوب ويمكن أداء السيارة يضعف بشكل كبير خصوصا أيام شدة البرد ولهذا السبب وأسباب أخرى بالتأكيد جت فكرة المروحة الكهربائية بالحساس.

[سراج الفرح]

تسلم عالرد التوضيحي
الله ينور دينك ودنياك
يعني حسب مافهمت الكامري هذي طبيعتها
لان ماصار لي اسبوع من خذيتها مستخدمة
قبل كان عندي اكورد ماذكر كانت بهالصورة
تسلم عزيزي

[SGL]

أخوي إنت إمشي فيها كم يوم وجرب هل العزم يتحسن أهم شي البوابة محد يحركها بيده أثناء التنظيف عشان ï»»يخرب الثروتل وأبيك تفصل إصباع البطارية السالب وتفك حساس الهواء وتنظفه ببخاخ إكترونيات بدون لمس الجزء الداخلي باليد أو بمفك تكتفي برشه فقط
أما الحرارة تأكد من بلف الحرارة إنه موجود أو تغيره بجديد أصلي أفضل يمكن راعيها السابق فاكه أو ماغيره قديم وبسببه إمبير الحرارة طالع نازل وله تأثير في عزم الموتر وقت البرد

[MSAN]

اذا نظام الكامري مثل الهايلكس.. وأنت متأكد ان قربة الهواء سليمة مافيها تهريب

فـ امش ع الموتر حول اسبوع وبتبرمج نفسها لحالها




بالتوفيق