لاهل الخبرة بمكاين السيارات من ناحيه الصوت

[remz]

السلام عليكم ورحمة وبركاته
اخواني الاعزاء طلع عندي صوت بالمكينه مع زيادة الاربي ام وهو طقطقة ويروح مع نزول الاربي ام وشكي انه بالجنزيز او سنادته ارجوا التفاعل وادلاء الخبرات

https://youtu.be/FyXo_LSL-k4 تم اضافه فديو للصوت

[remz]

غريبة. تاخر التفاعل اليوم. نقول عسى المانع خير بانتظار اهل الخبرة

[ابوراكان تبوك]

احد الامرين لاثالث لهما
تكايات او مثل ماتفضلت

واغلب الضن انه التكايات

[R I V A L]

نوع السيارة نيسان وش؟؟؟

وموديلها كم؟؟؟

فضلا وليس امرا ،،،

[remz]

نوعه ددسن. موديلها 2001


وطلع عامود الماكينه والازم فك الماكينه

[remz]

وشغل اليد ماحصلت اقل من 1000 وبعضهم يطلب 1200 وزيادة من غير المخرطه وقطع الغيار

[ابوراكان تبوك]

اكيد انك مغير زيت مضروب او مغسلها بزيت الغسيل

[remz]

لو الله ماغسلته بزيت غسيل. وغيرتله زيت فوكس سوبر جي الاسود وسيفون اصلي والسيارة شاريها قريب ومن شريته تدخن دخان ابيض وتنقص وكانت تو مصلحة مكينته قبل اشريه وشكل القطع تجاريه وتبين ليمن انفكت المكينه بادن الله

[الحربي 591]

.
لو كنت محلك وعندي سياره ثانيه كان اشتغلت بها بنفسي...

قال 1200 :mad:

[امين الاسمري]

ممكن تشرح الصوت بالتفصيل ... وكيف عزم السياره

[remz]

السلام عليكم
طلع العامود خربان مخروط اخر خرط. والبلوف تجاريه والبساتم مخروطة 75. وجالس ادور مكينه لان وضعه ماينفع الخسارة عليه وتكلف تقريبا حول 6800
حسبة مبدئيه يعني قيمه مكينه ستندر ةجاهزة وارخص ممكن ودي اعرف اسعار المكاين اذا احد عنده خبره بهن والمكينه بخاخ

[remz]

انا معوكلامك اخوي الحربي بس انت عارف يبيلها مكان لللشغل اول ورافعه ولا كل شي مع الوقت والصبر نظبطه ونتعلم له منكم وشرواكم

[ابوراكان تبوك]

العده اللي بتشريها بتطلع عليك نص سعر المكينه اذا بتشتغلها بنفسك فالافضل ورشه

مكاين الفوردات ماتتعدى 5000 غريبه سعر مكينة الددسن كذا

[remz]

هلابك اخوي ابو راكان ويعطيك العافيه على تفاعلك والصراحة انصدمت من اسعارهن حتى بتشاليح الرياض وصيت واحد من العيال وراح دور لي لقاها ب7000 شد بلد على كلامهم والموضب 6500 طبعا كلامي بخاخ انا الكبريتر مو كذا ارخص بحدود ظ4000 مع العلم اني وظبت ددسن اول عندي كبريتر موديل 2000 مانعدى ال. 4000وكله اصلي ا

[remz]

حسبت مكينتي هذي
قطع غيار 3300
شغل يد 1000
مخرطه 1200
عامود مستعمل حدود 1500

الناتج 7000 وهي منتهيه واخر شغل له هذا
واذا ابي اقمص السرندل يزود 800
لان البساتم ال100يقولون مايجي اصلي يجي ياباني
والعامود فيه تجاري 1100 ريال بس مش حالك
وطرحت هالمشكله بالمنتدى للفائدة والمشاركة لكي نلم باسعار التوظيب والقطع والتكاليف ومعرفه الزين والشين بالقطع مع انهم يقولون اكثر مكاين الدداسن من هالموديل وطالع كله به مشاكل بالعامود والله اعلم واسف على الاطاله

[SGL]

دام إنها منتهيه والسلندر أخر خرطه دورلك مكينة أفضل أو نص مكينة سلندر مع العمود وأتوقع صعب بتلقى نص المكينة وبخصوص تسقيط قميص ماأنصحك صحيح تردها إستاندر بس شغلتها حسب علمي مؤقت ويرفع حرارة والقمصان المتوفره تعبانه صناعة هنديه

[remz]

هلابك اخوي والف شكر على مشاركتك ورايي من رايك وباذن الله حصلت مكينه له بورشه وانتظر يفكونه ويعطوني النتيجه عنه وارخص من تكاليف مكينتي

[ابوراكان تبوك]

الله يعوضك خير ان شاء الله

فيه نوعين من الدداسن فيه ياباني وبه نوع ثاني لكني غير متأكد مالي خبره بالدداسن بس حبيت انبهك

ما ادري في اختلاف مكاين بالنوعين او لا