خذ ياذيبنا خذ مني تلق===..الحل:زلقت حبة الشمري..حله:ابوماجد2

[عيد القضيب]

بسم الله الرحمن الرحيم

السلام عليكم ورحمة الله وبركاته




خذ ياذيبنا خذ مني تلق=لغز شايبٍ ياخوك راحت سنينه
نريد راحة ياذيبنا وناخذ قلق=دنياك ياخوك ماتجي زينه
سبحانك الله ربي خلق وفرق=اعطى هذا وهذاماخلق شينه
منشدي واحدمن بين ربعه زلق=تاه فكره ياعرب وراح دينه

[حمد؟؟]

صح لسانك ابو سلامه
ماشاء الله تبارك الله
ويستاهل الشيخ ذيب الاسناد
ورمعه قبل التمعن
ابليس

[عيد القضيب]

صح بدنك وكلك اخي الغالي ابوطيف
ماصادت يالغالي
انتظر القاتله
الف تحية ومليون وردة

[ذيب الفقارة]

وعليكم السلام ورحمة الله وبركاته

صح لسانك أخي الغالي

أبو سلامة

وشكرا لك علىاسناد اللغز لي

أنا متقاعد منذ مايزيد عن خمسة عشر عاما

قلت ارتاح وما غير زادت المتاعب

لكن الله يعين

.................اللغز ما ترك لنا أبو طيف مجال نفكر

تحياتي

[حمد؟؟]

طيب مايصير ابوسلامه
قاتل اخاه
هم هابيل وقابيل واحد قتل الثاني مدري من القاتل بضبط

[ذيب الفقارة]

مدري عن خلف الأحمر

[حمد؟؟]

وعليكم السلام ورحمة الله وبركاته

صح لسانك أخي الغالي

أبو سلامة

وشكرا لك علىاسناد اللغز لي

أنا متقاعد منذ مايزيد عن خمسة عشر عاما

قلت ارتاح وما غير زادت المتاعب

لكن الله يعين

.................اللغز ما ترك لنا أبو طيف مجال نفكر

تحياتي


اما 15 سنه والله اني متوقعك جامعي
الله يعطيك الصحه والعافيه
لاصرت 15 ابوماجد كم اجل
ههههههههههههههه

[ذيب الفقارة]

هههههههههههههههههأبو ماجد جامعي أيضا .... لكنه جاوز الثمانين

[ابو ماجد 2]

صح لسانك يابو سلامه
واشوفك يالشيبان تناوشتون وانا غافل
لكن ماجامنكم مقبول ايها الشيبان
هههههههههههههههههههههههه
واللغز يبدو انها قصة شايب مثلنا
(زلقت حبّة الشمري )

ان بصري الوضيحي راح يحج ويتوب الى الله ..وان يتوب عن التغزل والغزل ..كونه مشهور بالغزل .. وبعد كبر سنه نوى ان يتوب .. ولذلك طلب من ابنه لكي يحججه ... وبعد ما سعى وطاف طلب من ابنه ان يحب الحجر الاسود .. ولكن الحجر الاسود كان مزدحم بالناس ...رجال ونساء ... والرؤوس متقاربه بعضها لبعض .. فتزاحم معهم بصري وابنه .. وعندما وصل الى الحجر ويريد حبة الحجر ... فاعترض بينه وبين الحجر ...خد بنت جميله (تطيح الطير من السما ) وكانت تريد حبة الحجر ... وفي هذه اللحظه السريعه انبهر بصري الوضيحي من لمعان خد البنت وجمالها ..وبدال مايحب الحجر حب وجنة البنت ....فقالت له البنت : حج حج ياشايب ....

فحاول ولده أنه يرقع الموضوع .. قال هذا شايب تايه(مهذري) ... فخجل الوضيحي منها وقال ((يابعد حيي زلقت الحبة ابيها بالحجر وصارت فيك ))...

وصار هذا مثل ( زلقت حبة الشمري )



وقال القصيدة المشهوره ببيتها الاول :

التايه الي جاب بصري يقنه ... هيض جروح العود والعود قاضي
جينا نحب ونطلب الله جنه ... جنة نعيم يوم يابس الحاضي
ياليت كانت حبتي في معنه ... يوم العيون عن الخوامل غواضي
يامن يعاوني على وصف كنه ... اشقح شقاح ولاهق بالبياضي
الريح لازفرة ولاهي مصنه ... ريح النفل بمطمطمات الفياضي
نهدين للثوب الحمر شولعنه... حمر ثمرهن واقفات غضاضي
والخد ذابوح القلوب المرنه .... براق مزنٍ لاعق اللون ياضي
ياليت لو سني على وقم سنه ... بايام مابيني وبينه بغاضي
أيام جلد الذيب عندي محنه... نصبح وزرق الريش لهن إنتفاضي
ياجرح قلبي جرح وادي وطنه .... غر المزون اللي وطنه وفاضي
البيض قبلي محسنٍ عذبنه... ونمر على وضحى جرا له عراضي
والبيض كم ٍ واحد ٍ يبسنه .... يبسة شماشيل العذوق النفاضي
عزي لمن غر الثنايا كونه .... واركن على كبده كوايلٍ عراضي
الا ارتوى بستان قلبي سقنه... واخضر جنابه عقب يبست الحاضي
القلب غضات الصبايا شعنه .... بنت الشيوخ مخدمين الحياضي
شوفي بعيني والخدم يركبنه .... على زعاع يوم قوطر وناضي
فوق اشقح من زمل ابوها مضنه ... ركبة عليه اتشنطح ٍ باعتراضي
وامشجر من سوق هجر مغنه ... على خياطة نابي الارداف راضي
وين انت يامشفي على طردهنه ... انا طويت ارشاي وقفيت قاضي
انا صدرت ووردهن عقبنه .... على العدو مشرعات الحياضي
احد بوسط النار واحد بجنه .... وترى البخيت اللي له الرب راضي

ملاحظه : المقصود بـ( كنه) هو اسم البنت اللي حبها الوضيحي

ويقال .. بعد ان رجع الوضيحي من الحج ندم على مافعل وقال:

ياليتنا من حجنــا سالمينــا ... كان الذنوب اللي علينا خفيفـــات
رحنا نبي نخفف ذنوب علينــا ... وجينا وعليها كثرها عشـر مــرات

[عيد القضيب]

صح بدنك وكلك شيخنا الفاضل ابوعدنان
انتظر مرماعك
الف تحية ومليون وردة

[عيد القضيب]

هلابك ابوطيف والرمعه عند الزعيم
الف تحية ومليون وردة

[حمد؟؟]

كفوووووووووووووو كفوووووووووووووووو كفووووووووو
الزعيم
وبيض الله وجهك ابوسلامه
وابشرك ترى كبروا حجم الخط هههههههه

[ذيب الفقارة]

كفوووووووووووو كفوووووووووو كفوووووووووو

زعيمنا الغالي

أبو ماجد

الحل هو كما ذكرت :

زلقت حبة الشمري

وصح لسانك ملايين أخي الغالي

أبو سلامة

تحياتي

[عيد القضيب]

اعذرونا ياجماعة النت عندنا ضعيف جدا بسبب الامطار جعلها الله امطار خير وبركة
كفووووووووووووومليون كفوووووووووووووزعيمنا وتاج روسنا
الف تحية ومليون وردة للجميع