استفسار عن اسلاك البواجي فزعتكم تكفون

[kk99103]

غيرت اليوم اسلاك البواجي اصلية نوع السيارة كرسيدا 89 اربعة سلندر المشكلة فكيت غطا الراديتر بأزيده موية لقيت رغوة كأني حاط صابون فالراديتر مع اني محافظ على الموية ما اعبي الا مقطر و الرغوة ماكانت فيه الا بعد ماغيرت اسلاك البواجي و متأكد من الترتيب.

افزعولي تكفون من ايش الرغوة؟

[خلي شموعي]

الرغوه هواء داخل الى دورة التبريد تأكد من الليات لايكون فيه تنسيم وغير غطا الرديتر واذا ماتغير شي احتمال عند تهريب من الراس والاسلاك مالها علاقه بالموضوع ابد

[kk99103]

يعطيك العافية خلي شموعي عندي تهريب خفيف من ماصورة المكيف الحار يعني الموية يمكن كل اسبوعين ازيدها موية ابو ريال يكفيها غير كذا كل شي جديد و اصلي يعني هل السبب من الماصورة؟

وبالنسبة لأسلاك البواجي مالاحظت الرغوة الا بعد ماغيرت الأسلاك هذا الي محيرني

[hassan-55]

غير خرطوش المكيف الحار ترى ما يكلف رح للصناعيه تلاقي محلات صغيره تبيع ليات جيده امريكيه
ومثل ما تفضل الأخ خلي شموعي تأكد من غطاء الرديتر ممكن فيه تنسيم
وماله دخل اسلاك البواجي

بالتوفيق ان شاء الله تعالى..

[kk99103]

بارك الله فيكhassan و الله يعطيكم العافية انت و خلي شموعي ماقصرتم كان على بالي شئ جامد وانا طول عمري مهتم فالسيارة لكن طمنتوني الله يطمنكم.

[hassan-55]

الله يسهل امرك ويسمح دربك :)

[SGL]

الرديتر إذا تعبان تلقى فيه رغوه ونادر تصير
أو فيه كمية زيت بسيطه

[kk99103]

بارك الله فيك اخوي SGL دائرة التبريد كلها جديدة من رديتر و قربة و خراطيش...الخ ماعدا ماصورة المكيف الحار ملغية مقصوصة و ملحمة وشكل اللحام مايفيد لأنها تبخر موية.

[hassan-55]

اخوي رح ساكو عندهم غراء قوي جداً يجي نوع مثل الصلصال وفي منه بعلبه وسعره والله ما اذكر بالضبط العلبه بحدود 70 ريال
ونوع مثل الصلصال مغلف بكيس اعتقد بحدود 30 ريال وفي ارخص حسب الحجم

بسألك سؤال اللي الحار عندك خرطوش جلد ولا ماصوره حديد
مثل ما قلت لك اول اذا جلد خذ الأمريكي بالمتر تباع واذا حديد جرب الغراء اللي قلت لك واذا لقيت له صوره بقوقل ارفقتها لك ان شاء الله

[hassan-55]

مثل هذا وفي انواع مثل ما ذكرت لك لا رحت ساكو اسأل العامل ويدلك انا شف عندهم غراء قوي وعجيب ملحمين حديد بقاروره زجاج وخشب

http://s11.postimg.org/7u71mxvvn/Untitled.png

[kk99103]

يعطيك العافية اخوي hassan بالنسبة للي الحار ماصورة حديد وليس جلد و ان شاء الله بأمر على ساكو و اخذ من الغراء بس الرغوة الحين اختفت يعني هي طبيعي تجي وتروح؟؟؟

[hassan-55]

ممكن صور لي الماصوره أحاول بإذن الله أحاول اساعدك
ان شاء الله لا صلحت الماصوره ذي وغيرت الغطاء ان شاء الله تروح المشكله
وحاول فك اسفل الرديتر فيه محبس صغير طلع المويا كامله واشبك لي المويا في فتحت الرديتر من الأعلى (غسله)
واذا مافي محبس فك الخرطوش اسفل وغسل الرديتر بماء عادي
بعد ما تخلص عب الرديتر ماء اخضر جالون والباقي ماء مقطر
اسف على الاطاله اسأل الله لك التوفيق..

[kk99103]

ان شاء الله اصورلك الماصورة العصر لأن اخوي مداوم على السيارة مايجي الا الظهر و الله يسعدك دنيا و آخرة

[جني صغير]

اخوي لا تحط ماء المقطر تراء بيحلي الرديتر بعدين
لازم تظيف جيك ماء اصلي مثل تايوتا او ميتسوبيشي ثمن تظيف ماء المقطر

لان الماء المقطر مافيه زيت عشان الدورة التبريد

[hassan-55]

اخوي لا تحط ماء المقطر تراء بيحلي الرديتر بعدين
لازم تظيف جيك ماء اصلي مثل تايوتا او ميتسوبيشي ثمن تظيف ماء المقطر

لان الماء المقطر مافيه زيت عشان الدورة التبريد

جزاك الله خير هذا اللي ذكرته له أولاً صب الماء الأخضر ثم يكمل بماء مقطر
انا استخدم ماء الحضاره من زمان واشوفه جيد طبعاً في أنواع بالوكالات ممكن تكون اجود واغلى

[kk99103]

بارك الله فيك جني صغير و لو اسمك يخوف بس ماعلينا :p
انا اضيف موية تويوتا الحمراء الجالون ب 40 ريال و معاه مقطر موية تويوتا رهيبة جدا من يوم عبيتها فالرديتر ماعرفت الحرارة تحسها تمتص الحرارة.

[kk99103]

في مشكلة في رفع الصور مرة يقولي الذاكرة منخفضة ومرة يقولي الملف خاطئ للأسف فشلت في إرفاق الصورة بعد عدة محاولات و لو زودتها شوية يمكن أصقع الجوال فراس المكينة على العموم الماصورة تحت البواجي بين البوجي الثالث والرابع عند القزوز اتمنى توضحلك الصورة و المعذرة لعدم ارفاق الصورة