معرفه اسباب العطل

[ابو صالح 4]

السلام عليكم ورحمه الله وبركاته
امس يوم جا ولدي يشغل السياره يبغى يروح للعمل في الحوطه عباها من محطه الدريس بنزين 95 مشى بها شوي الا يوم وقفت وعلى طول على صناعيه الخليج فحصو الطرمبه لقوها في الاختبار شغاله لكن عند التركيب لا تعمل قلت له يمكن حساسات واليوم ودوها للصناعيه طريق الخرج ماهي العله تكفون الفزعه قبل ما يلعبون في السياره علما ان السياره نيسان بطل الدروب

[kk99103]

ياليت توضح اكثر يعني مع محاولة التشغيل ايش صار السيارة قبل كذا لاحظت عليها شئ و ان شاء الله نقربلك من المشكلة بس انت افحص سلك الكوير يمكن منفصل صارتلي كثير

[ابو صالح 4]

وشو سلك الكوير

[kk99103]

الي مشبوك فالديلكو فالنص موصل بين الديلكو والكوير أو الكويل

سيارتك ايش موديلها و بخاخات ولا كربريتر؟

[MSAN]

تأكد من سيفتي المفتاح.. اللمبة الحمراء الي تأشر في الطبلون.. اذا فتح السويتش تطفي اللمبة والا تبقى تاشر؟

اذا هي تأسر معناته المشكلة في سكيوريتي المفتاح.. جرب المفتاح السبير


بالتوفيق

[ابو صالح 4]

شكرا لكل من تفاعل وكلف نفسه بالرد
وتقبلوا تحياتي

[remz]

الظاهر والله اعلم انه من كتاوت الطرمبه لانه حصل معي بكامري عيى يشتغل وبعد كل المحاولات طلعت الطرمبه حقت البنزين مايصلها كهرب ومن وصلنا الكهرب دايركت اشتغلت وبعدين ضبطنا وضع الكتاوت وصارت تمااام لله الحمد

انت شف فلتر البنزين لي رايح للببخاخات حاول انك تفصل الهوز من بعدة وحده بصحة ماء دق سلف وشف يوصل بنزين للعلبه او لا اذا ماوصل بدق السويتش بنزين رح للمرتبه الخلفيه وتحصل ظفيرة الطرمبه تحته شيك وين الكهرب والماص اول وبعد ماتتاكد من السالب ركز على سلك الكهرب اذا مايوصله كهرب حاول توصله كهرب وراح تسمع صوته اذا اشتغلت وشيك على العلبه ولازم يكون معك احد يتابع العلبه ويعلمك بوصول البنزين له اذا وصل البنزين رجع الهوز محله ووصل الكهرب للطرمبه وشغل السيارة اذا كانت متعطله بمحل بعيد عن الصناعيه وودها وسبق اني شبكت طرمبه سيارة عندي اول على الشويتش الطقه الثانيه حطيت فيوز مقاس 25 بالسلك علشان الالتماس لاقدر الله ومشى الوضع حول سنه كذا ولله الحمد ماشيه تمااام لحد ماصلحته. وترا العطل ان شاء بسيط. بس حاول تركز على البنزين. وشرارة البواجي

[remz]

وبالنسبه للطرمبه بالاختبار تقول شغاله ممكن يكون السلك الي موصله مقطوع قبل ياصله او متواكل املاح لاني اخبر واحد من اخواني صارت له كطا بددسن معه طفا عليه وكنا بعيد الضحيه الحاصل فكينا التانكي وغيرنا طرمبه واشتغل يوم والثاني طفى عليه ورجنا فكيناه من جديد وشيكنا الاوله طلعت شغاله. غيرنا منظم ولافاد بالاخير طلع السلك الي يالظفيرة متاكل من الاملاح ليمن حركناه اشتغل وليمن تركناه طفا غيرنا السلك الله وكيلك بسلك ثاني قوي واشتغل لله الحمد والمنه من احسن شي حبيت افيدك بالحاجة ممكن تكون حول المشكله هذي

[ابو صالح 4]

الى الاخ رمس
شكرا جزيلا على التفاعل و الرد جعلها الله في موازين اعمالك

[remz]

اامين. وياك يارب ولا شكر على واجب وماسوينا شي وانا اخوك

[remz]

وودنا تطمنا وش صار معك وان شاء الله انه انحلت المشكله

[ابو صالح 4]

صباح الخير للجميع
لا والله الى الان ما انحلت

[ابو صالح 4]

خلاص مهنا حلول

[MSAN]

فحص الكمبيوتر وش يقول يابو صالح؟

[ابو صالح 4]

يقول كل شيء صالح
ابشركم لقينا اسباب العطل وهو احتراق علبه الفيوزات نبغا علبه ماتخبرون لنا علبه يالديابه
بس باقي علينا نحدد وش اللي حرقها

[فهد الرميثي]

ممكن احد يفزع لي حسب خبرتكم سيارتي جيب باترول 2004. كنت ابحث عن فيوز مقطوع والسلف شغال بعدها السياره تشتغل وتطفي بسرعه ولي يومين متعطل والورش بعيده عني. ممكن احد يعطيني حل طبعا السياره بخاخ مع اني فصلت البطاريه وتركتها لمدة ساعه علشان ترجع البرمجه لاكن مافيه فايده

[فهد الرميثي]

ممكن احد يفزع لي حسب خبرتكم سيارتي جيب باترول 2004. كنت ابحث عن فيوز مقطوع والسلف شغال بعدها السياره تشتغل وتطفي بسرعه ولي يومين متعطل والورش بعيده عني. ممكن احد يعطيني حل طبعا السياره بخاخ مع اني فصلت البطاريه وتركتها لمدة ساعه علشان ترجع البرمجه لاكن مافيه فايده