حاله مطريه نادرا وقديمه ومعلومة قويه

[حكيم حائل]

مطر ديم استمر لمدة خمسة وعشرين يوم على رفحاء ولينه والحجرة قبل 55 الى 60 سنه والمعلومة اخذتها من مصدرين
الاول خال لبوي يوم كان عمره 70 سنه تقريباً يقول رحت من رفحاء الى شعبة نصاب قبل دخول الشبط بيوم او
يومين والقى رفيق لي عنده غنم وبعارين وكانت ذيك السنه محل ولا جانا مطر حتى خروج المربعانيه قال يا ليتنا راحلينن لطريف
به ربيع طيب قلت له خلصت المربعانيه اطلب من ربك الغيث وخلك على الشجر قال بس الحجره يبيله سيل علشان تربع ما تروى من
الماء وسبحان الله يوم وصلت رفحاء وهي تستهل وتديم علينا حول الشهر واسبوع والبهم يشبع والفياض ما تشوف الا شوش السدر
والبعارين تعقل علشان ما تزلق بالطين
الثاني جار لي سليطي من عمام ابو عمر السليطي. يقول كنا بشعيب خثال ومع نقزت المربعانيه ديمت علينا لمدة 25 يوم او اكثر
ورحلنا للحجره حول زبالا وما تشوف الرظم من العشب وتمتلي الحزام من الكما يوم نشفت الارض وتربع ربيع بحياتي ما شفت مثله
وكان عمري حول 12 سنه ونشلع الزبيدي من تحت الرضم وماحنا مشفح مثلكم ما كنا نهتم له
وكنت دايم اكرر السالفه مع خالي الله يرحمه خصوصاً برحلاتنا الشماليه وكذلك مع جاري للذة اخبار الربيع والكما
والان ثبت ان شرط الوسم ليس ضروريا لخروج الزبيدي فالمطر استهل مع دخول الشبط
والان ارجو من اخواني الختصين مساعدتي في تحديد هذه السنه الطيبه خصوصاً انهم ذكروا عدم نزول المطر حتى نهاية المربعانيه

[Abo Adeeb]

وماحنا مشفح مثلكم ما كنا نهتم له
[/SIZE]
( أخي حكيم حائل لاتستخدم كلمة مشافيح هذة خاصه بالأخ شمالي والهواء غربي ) اللي يصيدون مشافيح واللي يلقطون الزبيدي مشافيح

[حكيم حائل]

​تامر امر الله يرحم الاولين

[Abo Adeeb]

[QUOTE=حكيم حائل;10600005]​تامر امر الله يرحم الاولين[/
ما يأمر عليك عدو يالغالي أمزح معك

[1000]

في عام 1376 هـ اي قبل 61 سنه مر على المنطقة الوسطى حالة من الامطار الديم

و الخدر و الغيوم التامة التي حجبت الشمس لمدة الشهرين تقريباً

و تضررت كثير من البلدات و سميت في نجد سنة الهدام

[خزامى وراط]

مبروك الامطار لجميع الديار ... اللهم لك الحمد والشكر موضوع جميل :l:l:l

ربيع عاام 1418ه افضل ربيع شفته بحياتي وكثير من كبار السن ذكروا انه من افضل مواسم الربيع لمنطقة سدير والوشم واتذكر الزبيدي كنا نحصله قرب حريملاء بعضها وزن 1 كيلو

ان شاء الله نشوفه هالسنه 1437

[ساري الليل 44]

السلام عليكم ورحمة الله وبركاته صباح الخير
اللهم اسقنا واغثنا غيثا مغيثا سحا غدقا نافعا غير ضار عاجلا غير آجل
اللهم ارحم عبادك وبهائمك وانزل علينا رحمتك واجعل ما انزلت بلاغا الى حين ...

[جبل مشرف]

بيض الله وجهك

[حكيم حائل]

​اخوي ابو اديب وانت اغلا. شكرا لك

[حكيم حائل]

الاخ الف اشكرك لتجاوبك ربما هذه السنه حنا نبغى نثبت ان الوسم ليس شرطا للربيع الطيب والكما و

[حكيم حائل]

​الاخ خزامى وراط والشكر موصول لك وانا اذكر ذلك لان الشمال والنفود ربع هاك السنه

[حكيم حائل]

​الاخ ساري الليل اللهم امين شكرا لك

[حكيم حائل]

الاخ جبل مشرف وانت وجهك ابيض حنا نحاول نرد على اللي يسالون عن الوسم وكم بقى فيه ونقول ان الربيع الطيب والكما ماهو محدود بالوسم وان كل ايام الشتاء وسم

[السيل يدربي]

الله يعطيك العافية حكيم حائل الاولين يقولون يالله بصيفية نرعابة حولية

[حكيم حائل]

اخي السيل يدربي قد يكفي حولين بذاك الزمن قبل التصحر اللي ارى اهم اسبابه بعارين ام رقيبه حيث تقتلع الشجيرات منجذورها مثل الرمث والشيح والقيصوم حتى صارت خطوطنا بالنفود سيوف وتغيرت النفود علينا بالعشرة سنوات الماضيه

[حكيم حائل]

وين المشرفين ما يشاركون نبي تفاصيل هذه الحاله ومناقشتها

[حكيم حائل]

مازلت بانتظار المشرفين للمناقشه

[برق الثاجه]

مشكور على رواية هذي القصه من علوم المطر من زمان والله يجيب الخير وترجع امطار ايام زمان
يوم كان اهل الحلال والبل ما يعرفون الأعلاف كانت البهايم ترعى وتعين خير سبحان مغير الاحوال

[حكيم حائل]

والشكر موصول لك اخي برق الثاجه وعسى الغيث يعم مدينة الرسول الحبيبه والربيع الطيب يشمل جميع الديار ولا يرحل احد بغنمه او بعارينه وشكراً لك

[نشمى نشاما]

شكرا حكيم حايل على الموضوع وبعطيك معلومه ايضا سمعتها من الشيبان ودايما يرددونها وهى ان اول عشرة ايام من المربعانيه تطلع مايطلع الوسم اى ان الوسم لاينتهى بدخول المربعانيه لكن تضاف اول عشرة ايام من المربعانيه لأيام الوسم وتعتبر فترة وسم واتمنى ان اكون افدتك

[الدوسري2010]

متبوع غير مقطوع يارب اللهم اغث البلاد والعباد

[حكيم حائل]

​الاخ نشمي نشاما هذا ماكنا نعرفه ولما سالت خال ابوي اول مره جاب السالفه هذي مما يدل على ان ايام الوسم والمربعانيه والشبط كلها ايام وسم فالزبيدي نبت من امطار الشبط وشكرا لمداخلتك القيمه

[حكيم حائل]

​الدوسري اامين وشكراً لتواجدك الطيب

[حكيم حائل]

يالله صباح خير وش هالعالم اللي غشتنا

[سامسونج]

بارك الله فيك

[حكيم حائل]

الاخ سامسونج وانت الله يبارك فيك ويزيدنا من فضله

[abubadr98]

بارك الله فيك

[حكيم حائل]

اشكرك يابوبدر على مرورك بارك الله لك واعطاك ما تمنى

[حكيم حائل]

​يا مرفا حرام عليك تطنشني

[الحربي حاتم]

سبحان الله العظيم

[حكيم حائل]

​سبحان الله وبحمده اخي الحربي شكراً لمرورك

[حكيم حائل]

مازلنا بانتظار المشرفين لاعطاءنا تفاصيل الحاله النادره

[زعيم الذيابة]

الله يجيب الخير

[حكيم حائل]

​اامين يا زعيم الذيابه وشكراً لمرورك

[مرفــأ]

مشكور وماقصرت

واعتذر عن التأخر بسبب متابعة الحالات المطرية


موضوع جميل ولكن ياليت لو كان هناك تاريخ دقيق للحالة ليمكن متابعتها والبحث عنها خاصة وانها في وقت بعيد

[حكيم حائل]

شكراً لك مشرفنا العزيز شاكر ومقدر ظروفك فيه قول انه سنة ظ،ظ£ظ§ظ¦هجريه وانا اتمنى معرفة السنه خصوصاً ان المطر بداء الهطول اخر المربعانيه

[حكيم حائل]

1376هجريه او حولها

[Al3rands]

الحمد لله على كل شئ الذي لايحمد على مكروه سواه والظاهر ان هالسنه سنة خير ولا ننسى كثرة الاستغفار والعوده الى الله لمن ابتعد ولو قليلا ولو سمحت يالحكيم لاتذكر ام رقيبه فكم جرت علينا من المصائب اللتي لم يسلم من اذا ها احد وحسبنا الله ونعم الوكيل

[حكيم حائل]

اشكرك على المرور تصور انك تمشي بالنفود على القارمن وفجاءه تلقى طريقك مسدود بسيفين فوق بعض هذا صوره منصور التصحر والشكوى لله

[حكيم حائل]

شكراً لك مشرفنا العزيز مرفا اتوقع ان حالتنا بعده بسنتين او ثلاث اوهي والمطر جاء بعد المربعانيه ويمكن اهل رفحاء يقدرون يساعدوننا بتحديد السنه

[الحايلي1]

السلام عليكم... انا بنفسي سمعت السالفة من واحد من أهل رفحاء توفي قبل عشر سنوات (( الله يرحمه ويغفر له ) يقول ( جانا اول الوسم مطر , ثم انقطع المطر و استمر الأنقطاع حتى خروج الشبط تقريبا وذهب أهل الحلال الى طريف واللي حولها وأدهرت الأرض عندنا , ثم جانا المطر ااخر ايام الشبط او دخول العقارب ( لا أذكر ) المهم على كلامك رجعت الأرض وجاء اصحاب الحلال .. .. تحياتي يا حكيم

[حكيم حائل]

اشكرك على هالدعم الايجابي اول دعم قوي القاه ياليت اهل رفحاء يفيدونا عن السنه والله نخيتهم وان شاء الله يردون

[حكيم حائل]

​نعود بعد هدوء العاصفة ومازلت انتظر المشرفين واهل رفحاء

[فتى رامه]

الله يعطيك العافية يا حكيم حائل ونسأل الله العلي القدير
ان ينزل البركة في كل مكان من بلادنا الغالية وان يرزقنا
من فضله وجوده وكرمه انه جواد كريم

[حكيم حائل]

اامين الله يستجيب دعاؤك ولك الشكر على هالكلام الطيب وعلى مرورك المشرف