لمبة 40w هل تؤثر على بطارية السيارة

[ريان14]

السلام عليكم

ومساكم الله بالخير شخباركم عساكم بافضل حال
كيف هالاجواء والامطار معكم ، عسى الله يرزقنا خيرها وبركتها


يا اخوان عندي لمبة 30 واط البيضا الي تقل عسكريم بسكوت مركبه بموتري طبعاً مهو على اصبع البطارية على الطفاية العلم ان نورها مهو ذاك الزود قلت بجرب ال50 ولا 40 واط الكبيرة بس حبيت استفسر هل راح تاثر على البطارية !!

طبعا الي مكتوب على الطفاية 12v مدري عادي وش العلم !!

وش اقصى قوة لمبة اقدر استخدمه !!

[أبوصالح9]

وش موترك ؟

بالغالب ولاعات التويوتا قدرته 120 وات - بس وش اللي حادك على هاللمبات - استخدم ليدات وريح عمرك اقوى اضاءة واقل استهلاك

واذا مصمم تركب 40 وات او 50 لازم تشيك على البطارية كل ساعة بالكثير وتدق سلف ومع البرد كل نص ساعة - هذا اذا بطاريتك جديدة - اما اذا مستهلكه ومطرفه انصحك تغيرها امبير اعلى من حقت الوكالة - يعني بطارية الوكالة 75 ركب 90 او 105

[علي الشهري]

40 وات كثيرة على البطارية
ويلزمك تشغيل السيارة بين فترة وفترة
وخطيرة إذا لم يكن في السيارة بطارية إضافية
لأنه قد تتفرغ البطارية وتقع في مشكلة

الليد أفضل وأريح بكثير

[ابو البر]

ريان / استخدم لمبات ليد ولا تشغل السياره شهر

[ريان14]

وش موترك ؟

بالغالب ولاعات التويوتا قدرته 120 وات - بس وش اللي حادك على هاللمبات - استخدم ليدات وريح عمرك اقوى اضاءة واقل استهلاك

واذا مصمم تركب 40 وات او 50 لازم تشيك على البطارية كل ساعة بالكثير وتدق سلف ومع البرد كل نص ساعة - هذا اذا بطاريتك جديدة - اما اذا مستهلكه ومطرفه انصحك تغيرها امبير اعلى من حقت الوكالة - يعني بطارية الوكالة 75 ركب 90 او 105


40 وات كثيرة على البطارية
ويلزمك تشغيل السيارة بين فترة وفترة
وخطيرة إذا لم يكن في السيارة بطارية إضافية
لأنه قد تتفرغ البطارية وتقع في مشكلة

الليد أفضل وأريح بكثير



ريان / استخدم لمبات ليد ولا تشغل السياره شهر

الله يجزاكم الخير ويفتحها بوجيهكم وين مارحتوا
الخطة باذن الله ليد وجزاكم الله خير