عندي مشكله في الفتك النور ياشر مهو ثابت وللمبة الداخليه

[فتك الجنوب]

السلام عليكم ورحمة الله وبركاته

موتري فتك 2006 سوبر سفاري
عندي الانوار الاماميه و الكشافات تاشر مهي ثابته وهي شغاله و اللمبة الداخليه تاشر مهي ثابته
و احياناً اذا شغلة الموتر تجلس شغاله لمبة البطاريه والبريك وسب تانك واذا دعست بنزين تنطفي
جربت شغلت الموتر و اشتغلت اللمبة وفصلت اصابع البطاريه انطفاء الموتر
وجربت دعست له و انطفت وفكيت اصابع البطارية ما انطفاء الموتر
اللمبة ما تطلع على طلوع مره عن مره
الفحمات حقت الدينمومغيرها قبل شهرين والبطاريه مغيرها قبل سنتين تقريباً
ياليت الي مرة عليه المشكله يفيدني قبل ما اروح للورش

[ابوسند9]

وعليكم السلام
طيب جرب تشيك على اسلاك السالب اللي بالبدي واللي با الثلاجة
وشيك على فيش الدينمو يعني شغل السيارة والنور وجرب تحرك فيش الدينمو بيدك
وعلى العموم اتوقع المشكله من الدينمو , لانك ذكرت انك لما تفصل الاصبع تطفى السيارة
والدينمو فيه دينمو تجاري حق مكسيما سعره ب 350 ريال , اذكر احد الشباب ركبه وصاحب المحل قال له اذا تعطل رجعه

[فتك الجنوب]

يعطيك العافيه على الرد و ننتظر باقي الردود من الاعضاء

[يالبى الهلا]

اسباب مشكلتك من المنظم الجهد (الكتاوت) هذا بداخل الدينموا اذا خرب بلخبط الكهرباء وتولع لمبة البطارية وتؤشر الأنوار السقف وغيرة
الحل استبدال الكتاوت باخر جديد بعض الكهربائية والنصابين من الجنسيات العربية يقولك الدينموا خربان ولازم جديد ويركب الجديد ويحتفظ بالقديمويصلحة ويبيعة مقارب للسعر الجديد او المستعمل
للاسف لنا عتاب مع إدارة المنتدي من حوسة المنتدي والوضع اللي صاير علية

[فتك الجنوب]

الله يعطيكم العافيه ماقصرتو
سوف يتم تغيير البطاريه اليوم لني فحصتها قالو ضعيفه

[salih100]

كتاوت الدينمو خربان
الفحمات اذا انت مركب اصلي ولا خذلك فحمات حقت مكنسة كهرباء حقت البيت تجي اصلي تلاقيها في محل تصليح المكانس والمكيفات وغيرها

[FAPioO]

اخوي لا تغير البطاريه
طبيعي بتكون ضعيفه لان انت عندك مشكله بالدينمو
غير كتاوت الدينمو وغير الفحمه مره وحده وامورك بتضبط

[S A F A R I]

وش صار عليك

[abutalal200]

يا اخوان اللي ينزل موضوع ويسأل عن مشكلة وتنحل معاه يا ريت يرجع ويرد ويقولنا وش صار معاه عشان يستفيد غيره من الحل