مساعده عاجله ياهل الخبره في يوكن موديل ٩٩ يدق ولايشتغل

[yukon99]

السلام عليكم ورحمة الله وبركاته..

اخواني ارجوا المساعده في الجمس

طفا وعيا يشتغل علما اننا في قريه واقرب مدينة عنا80 كيلو..

حقيقه عندي بعض مبادي الميكانيا وتاكدت ان الطرمبه شغاله عن طريق سماع صوتها وكذلك فكيت الصفايه وماصورة الراجع وكان البنزين يخرج منها قوي وفكيت بعض البواجي ونظفتها واختبرت الشراره واصله للبواجي مضبوط

فحصت الفيوزات ونظفت حساسات الخانق والهوا عن بواسطة بخاخ منظف كبليترات ولكن دون جدوى

الكهربا واصله والبنزين واصل.. وباءت كل المحاولات بالفشل لمدة اربع ايام ..

لاحظت ظهور كلمة سيكورتي ظاهره ع طول

فصلت اصبع البطاريه السالب عدة مرات لكن دون فائده

شيكت على اسلاك السوتش واسلاك الطبلون والبخاخات وكلها سليمه


ظنكم ايش المشكله

لانه صعب اودي السياره للورش الا عن طريق السحب لمسافه طويله

[ابونواف سعد]

تأكد من الديلكوا لا يكون داخله ماء بسبب الامطار هاليومين اكيد المشكله كهربائيه الله ييسر امرك

[yukon99]

تأكد من الديلكوا لا يكون داخله ماء بسبب الامطار هاليومين اكيد المشكله كهربائيه الله ييسر امرك

اشكرك ع المرور لكن الكهرب واصل للبواجي مضبوط والبنزين واصل وجاء احد الزملا اليوم وفحصه بكمبيوتر صغير يشبك ع الجوال ولاطلع اي عطل ومعه برضه ساعة قياس الطرمبه وطلع ضغط الطرمبه ٦٥ يعني سليمه

نظفنا البواجي والخانق والحساسات وحساس الكرنك ولم تفد بشي..


بقي شي واحد انا اشك منه وهو البنزين.. يمكن داخله مويه او مغشوش وبكره بشفط البنزين واعبيه من جديد


الغريب ان لمبة السبكورتي شغاله ع طول وبالسابق كانت تاخذ خمس ثواني وتنطفي..

هل من افكار او حلول ياساده

[كهرووب]

وعليكم السلام ورحمة الله وبركاته

المشكلة عندك من نظام السيكورتي يعطل البخاخات

كل شيء عندك اوك لكن البخاخات ما تضخ بنزين على شان يشتغل الموتر وتبي تتاكد فك هوز الثورتل وحط فيه شوية بنزين وشغل

الحل لازم تبرمج المفتاح

[لابحب ولابحلم]

نفس كلام أخونا كهروب وانا صارت معي في سيارتين جمس99

[لابحب ولابحلم]

نظام السيكورتي يجي له كمبيوتر صغير لازم يتغير لأنه المفتاح تبعه ماله تشفير

[yukon99]

الله يجزاكم خير جميعا ع الردود لكن المفتاح عتدي اي مفتاح مقصوص يشغله وسأله راعي قص وبرمجة مفاتيح وقال الجمس من مويل ٢٠٠٦ وتحت يجي مفتاح عادي ماله برمجه


نظام السيكورتي يجي له كمبيور صغير لازم يتغير لأنه المفتاح تبعه ماله تشفير

طيب اخوي تقدر تفيدني وين مكان كمبسوتر السيكورتي

[كهرووب]

اذا المفتاح عندك نفس اللي بالصورة مايحتاج برمجة
http://www.mekshat.com/pix/upload05/images253/mk272913_image001_284210526_std.jpg

نظام السيكورتي في السيارات القديمه المفتاح فيه مقاومة resistor تقاس بجهاز الملتيميتر

https://i.ytimg.com/vi/Fpbz5oD0Vec/hqdefault.jpg

جرب تفحص المفتاح وشوف فيه مقامة والا لا اذا مافيه مقاومة معناة المشكلة من المفتاح لازم تبدله
اذا المفتاح يعطي مقاومة معناة المفتاح سليم والمشكلة في جهاز السيكورتي

نقطة مهمة
الكهرباء واصله لجميع أسلاك البواجي والا لا ؟

جربت تحط شوية بنزين بالثورتل وتشغل ؟

[كهرووب]

شوف هذا المقطع يتكلم عن نظام السيكورتي وكيف يلغيه في حال ان resistor المقاومة الموجوده بالمفتاح بها خلل



https://www.youtube.com/watch?v=TMW7V5KhkM8

وكل مفتاح له رقم وقيمة مقاومة وهذا الجدول يبين ارقام المفاتيح ومقاومة كل مفتاح

http://www.diy-gm-security.com/yahoo_site_admin/assets/images/vats_15_chart.284202108_std.jpg

[yukon99]

الله يجزاكم خير ع الردود

اخ كهروب المفتاح عندي مقصوص مفتاح حديد كامل مثل مفتاح الكرسيدا والدداسن القديمه واستخدمه منذو مبطي يمكن ظ§ سنوات شغال تمام

واليوتيوب صراحه ختمته وكل مقاطع السيكورتي شفتها تقريبا وطبقتها ولم تنجح حتى اللي قص اسلاك السيكورتي وشبكها مع بعض سويتها ولم تفد

الفرق بيني وبينهم ان اللمبه عندهم تؤشر فلاشنق ولكن عندي مفلصه ع طوووول

مثال Chevrolet s10 Zr2 Blazer passlock II bypass "HOW …: http://youtu.be/pyp8Ti-0AUE


1999 S10 Blazer PASS_LOCK: http://youtu.be/SZrhT0kk7_U


Ignition Fix EASY GMC Sierra or Chevy Silverado: http://youtu.be/XSApoE5tUtQ

How to Replace Ignition Switch in 95-98 Silverado…: http://youtu.be/mMCtQucqnsM

[ابوراكان تبوك]

انا باعطيك طرق نفعت معاي في مثل حالتك


جرب

افتح السويتش لين تولع اللمبات وانزل
افصل اصبع السالب او الكهرب وارجع اشبكه
دق سلف على طول بدون ماترجع المفتاح لـ off
الطريقة ذي كنت اتجاوز فيها السكيورتي بالفورد جرب ممكن تفيدك

ومشكلة اخرى حدثت معي في اكسبديشن
عيا يشتغل
وفحص الكمبيوتر مابه شي
فصل الكهربائي سلك حساس الهواء واشتغل على طول
وطلع الحساس اصلا خربان وبدلته

[كهرووب]

اوك دامك تشغله بمفتاح عادي من زمان ما اتوقع المشكله من السيكورتي

جرب تفك سلك حساس الهواء الموجود بالقربه وتشتغل مثل ما قال أبو راكان

فك غطاء الديلكو وشوف الشاكوش يتحرك والا لا على شان تتأكد ان الجنزير عندك سليم

فك حساس الكرنك وجيب مفتاح حديد وقربه من الحساس وشوف في جذب قوي للمفتاح والا لا

افحص اسلاك البخاخات عند فتح السويتش ومع دقة السويتش تقريبا الموجب مع فتحة السويتش والسالب مع التشغيل

شوف كل اللي ذكرته لك ورد علي

[yukon99]

فك حساس الكرنك وجيب مفتاح حديد وقربه من الحساس وشوف في جذب قوي للمفتاح والا لا



للاسف جرب كل الطرق عدة مرررات ومجربها من قبل لكن لافائده..

اذا صبيت بنزين بالثروتل يشتغل ثواني وينطفي لكن دام لمبة السيكيورتي مولعه ادري انه مارايح يشتغل

وبابنسبه لحساس الكرنك سبق وفحصته ورجعت افكه ثاني كان فيه ماص يسحب لكنه بسيط وليس قوي

والطرمبه فكيت ماصورة الراجع وشبكت كتاوت الطمبه وبقيت ضاغط عى العدسه وجعلتها شغاله باستمرار حتى والسويتش طافي والبنزين يصب في جركل تحت السباره من مصاورة الراجع ولكن دةن فائده لم يشتغل

[yukon99]

هل من حلول اخرى

[ابوراكان تبوك]

حساس الهواء ماهو اللي بالشكمان ياكهروب

اقصد حساس الهواء اللي بالمكينة افصل الفيش فقط
http://i10.photobucket.com/albums/a139/craino/mass_airflow_sensor.jpg
http://www.hummer-arabia.com/upadmin//uploads/images/hummer-arabia-b4b239aabc.jpg


حساس الكرنك فحصه يا اخوي يوكن

انك تفصل احد اسلاك البواجي وتقربها من اي حديدة بالمكينة وتخلي احد يدق سلف ان طلع شراره من راس سلك البوجي معناه الحساس مضبوط

[ابو سالم22]

ان شاء ابله انها بسيطه لاكن الجمس مالي خبره فيهلاكن السيارات اليابانية مثل الجيب شاص يجي فيه سلك اسمه سلك الكويل شيك عليه ممكن مايوصل كهرباء احيان يكربن من عند البليتين ونفس وصفك يدق بس مايشتغلالله يوفقك

[كهرووب]

الحل لازم تلغي السيكورتي

جرب الطريقة هذي وان شاء الله يزبط

في تحت الدركسون فيش صغير فيه سلكين نفس اللي بالصورة

http://www.misterpeachy.com/VettePics/VATS_Ignition_Key_Pellet_Connector.JPG

تقص السلك الاسود والاصفر وتجيب مقاومة resistor وتشبكها في طرفي السلكين مثل اللي بالصورة

هذي المقاومة resistor

https://lh3.ggpht.com/N0ISY6dSxl9sqDV0EU7wrzpp0rf0IH-2cSGnWNrWLhrLANhi1i1AE1TQ683XPOY4zQ=w300

طريقة شبكها في الأسلاك




http://chickenroadlabs.com/wp-content/uploads/2013/04/IMG_0825.jpg

بعد ما تسوي مثل ماهو مشروح بالصور تفتح السويتش لمدة عشر دقائق حتى تطفي اللمبة لاطفت اللمبة شغل

جرب وان شاء الله يشتغل الموتر

[yukon99]

الحل لازم تلغي السيكورتي

http://www.misterpeachy.com/VettePics/VATS_Ignition_Key_Pellet_Connector.JPG

تقص السلك الاسود والاصفر وتجيب مقاومة resistor وتشبكها في طرفي السلكين مثل اللي بالصورة

هذي المقاومة resistor

https://lh3.ggpht.com/N0ISY6dSxl9sqDV0EU7wrzpp0rf0IH-2cSGnWNrWLhrLANhi1i1AE1TQ683XPOY4zQ=w300

طريقة شبكها في الأسلاك




http://chickenroadlabs.com/wp-content/uploads/2013/04/IMG_0825.jpg

بعد ما تسوي مثل ماهو مشروح بالصور تفتح السويتش لمدة عشر دقائق حتى تطفي اللمبة لاطفت اللمبة شغل

جرب وان شاء الله يشتغل الموتر




لم اجد الاسلاك اخي كهروب.

هل الصوره من يوكن او جمس او وش السياره هذي ؟؟

والمقاومه تشبك فيها السلكين جميع والا سلك واحد


واكيد دام لمبة السيكورتي مولعه مارايح يشتغل


طيب لو غيرت دقمة المفتاح مع مفتاح جديد هل يحتاج برمجه والا ركب وشغل ع طووووول

[yukon99]

شكرا لك من شارك لكن يااخوان الحلول اللتي ذكرتوها من اختبار للشراره والبنزين سبق وقمت بها عدة مرات وكل شي واصل مضبوط وجميع البواجي تصلها اشاره ودفع طرمبة البنزين قوي ظ¦ظ¥

[كهرووب]

لو تشتري دقمة مع مفتاح راح يشتغل بدون برمجة

وبالسبة للمقاومة تشبك في السلكين

فك الغطاء الموجود على الدركسون اول ماتفكه تحصل كلبس فيه سلكين راكبه في السويتش هذا السلك المطلوب

[yukon99]

فك الغطاء الموجود على الدركسون اول ماتفكه تحصل كلبس فيه سلكين راكبه في السويتش هذا السلك المطلوب

الاسلاك الموجوده عندي نفس الاسلاك اللي بالفيويو

وابغي تشوف الفيديو من الدقيقه6 قطع السلك الاصفر وبعدها كان يقرا التعليمات من النشره

بس مافهمتها مضبوط


https://youtu.be/pyp8Ti-0AUE

[كهرووب]

في المقطع
قص السلك الأصفر وشبكه مع السلك الي لونه برتقالي مع اسود

[صريح المقال]

السلام عليكم ورحمة الله وبركاته ،،

أسأل الله انه ييسر أمرك ويهديك ويدلك، ما عندي علم فوق علمكم في هذا الشأن لكن أعجبني إصرارك وفهمك وأعجبني فزعة الاخوان معك والله يوفقكم جميع ويجزاهم خير كلهم على الردود النافعة ..

ما بعد العسر إلا اليسر ..

" اللهم لا سهل إلا ما جعلته سهلاً، وأنت تجعل الحَزَنَ إذا شئت سهلاً".

والسلام عليكم ورحمة الله.

[yukon99]

الله يجزاك خير اخوي صريح المقال

اخي كهروب اقصد ان كان عندك لغه اش كان مكتوب في النشره اللي يقراها

لاني لاحظت فيه خطوات يمشي عليها بعدما قص السلك الاصفر

[كهرووب]

افصل اصبع البطارية بعدين اجرح السلك الاسود مع البرتقالي بدون ماتقصه واشبك فيه السلك الأصفر بعد ما تقصه طبعا تشبك الوصلة الي جاية من الضفيرة

ارجع اشبك اصبع البطارية بعدين طبق الخطوات نفس ما سوى في المقطع

1- افتح السويتش على وضع on بدون تشغيل من 5 -11 دقائق
2- قم بوضع السويتش على of لمدة 30 ثانية
3- وضع السويتش على on من 5-11 دقائق
4- وضع السويتش على of لمدة 30 ثانية

كرر الخطوات لما تطفي اللمبة

[بوزكريا]

الأخوة الاعزاء السلام عليكم أنا منضم إليكم جديد أفيدوني جزاكم الله خير أنا عندي يوكن مديل 98 ومتلعوز معاه المشكلة يشتغل واذا طفيته ما يشتغل واتركة لمدة ساعة أو أكثر فيشتغل وهاكذا على طول أفيدوني يا أهل الخبرة.

[yukon99]

الله يعطيك العافيه كهروب جاري تطبيق الخطوات بعد قليل ان شاء الله..

اخي بو زكريا
مشكلتك ٩٠ ٪ من طرمبة البنزين او اسلاكها داخل التانكي ماتوصل صح..

لان الاسلاك تتحرك وتسخن ونظام الكمبيوتر يقفل الدائره لاحتياطات السلامه..

[لابحب ولابحلم]

السلام عليكم
يا اخوي والله نفس المشكله صارت معي في جمس نفس الموديل وطلع كمبيوتر السيكورتي لاتتعب نفسك وخسر فلوس انا جربت كل شي في السياره ووديتها لعدة مراكز ومااستفدت غير ضياع الوقت والفلسفة
وآخر شي لقيت كهرباءي في صناعيه شبك المطار في جده واحد سوداني مختص في الجموس قال هذا كمبيوتر السيكورتي ولاتعطيني ريال إلا إذا شغلت سيارتك وغير الكمبيوتر في نفس اليوم وبرمجة وأستلم سيارتي و أخذ مني 800او900ريال

[لابحب ولابحلم]

كمبيوتر السيكورتي يجي تحت الدركسون تفك الديكورات وتلقها يجي علبه صغيره سوداء تقريبا قدر بكت الدخان

[yukon99]

تحديث.

بعد ثلاثة اشهر لازال الموتر متعطل ولم اجد ورشه تعرف مشكلته.. حتى الان بعد المرور على خمس ورش متخصصه واخر ورشه له الان عندهم شهرين

تم تغيير الكمبيوتر مستعمل ثلاث مراث مع البرمجه وتغيير اغلب القطع الاستهلاكيه والسويتش والاسلاك والديلكو واغلب الحساسات بمافيها حساس الكرنك وتغيير الكويل ونفض الاسلاك كلها من التانكي حتى البخاخات والفيوزات واسلاك الكمبيوتر خلوها كانها شبكة عنكبوت ولكن للاسف لم تطفي لمبة السيكورتي ولم يشتغل


هل من حلول يالربع والا نبيعه تشليح